ISAI 41:17 - Pathien Lekhabu Inthieng (BSI)

¹⁷ Mi rimsi le pasiehai chun tui an zawng hlak a, a um si naw a, an lei dangchârin a ṭâwl vawng hlak; kei Lalpa hin anni chu dawn ka ta, kei Israelhai Pathien hin anni chu mâksan naw ning.

ISAI 41:17 ပူးပေါင်းရင်းမြစ်များ

INṬANNA 28:15

Ngai ta, i kuomah ka um a, i fena taphawtah vêng pei ka ti che a, hi rama hin ṭhuoi kîr nâwk ka ti che: i kuoma ka hril hi ka thaw hmakhat chun thlathlam naw ning che,” a ti a.

1 LALHAI 17:8

Chun, Lalpa thu chu a kuomah a hung tlung a;

2 CHANCHIN SUINA 6:17

Chuleiin, tuhin, aw Lalpa Israelhai Pathien, i siehlaw David kuoma i thu i lo hril ta chu sukdet ni raw se.

INPÂKNA HLABU 22:15

Ka tha hi bekawihâr angin a ṭâwl zo vawng a, Ka lei khawm hi ka dangah a kawp ta tlat a; Nangin thina pilvuta hin i mi ṭhuoi lût tah a ni hi.

INPÂKNA HLABU 34:6

Hi mi rimsi hi a khêk a, Lalpa chun a lo hriet a, A lunginzîngna po poa chun a sansuok ta a.

INPÂKNA HLABU 37:25

Naupang ka lo ni ta a, tuhin tar ka ni ta a, Nisienlakhawm, mi fel chu mâksana a um ka hmu ngai naw a, A thlahai bu dâwl khawm ka hmu ngai nawh.

INPÂKNA HLABU 42:2

Ka hringna hi, Pathien châkin, Pathien hring châkin a dangchâr a nih: Iengtik am Pathien hma tlung ka ta, inlang ka ti aw?

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a ti a.

INPÂKNA HLABU 74:21

Aw, nêksâwrna tuortuhai chu muolphoin kîr naw sienla, Rimsi le pasiehai chun i hming inpâk raw se.

INPÂKNA HLABU 94:14

Lalpa chun a mihai a pei thlâk âwm si naw a, A rochan chu mâksan bawk naw nih.

FESUOKNA 17:3

Mipui hlak chu tui duin an dang a châr hle a, Mosie chunga chun an chier a, “Aiguptaa inthawk keini le kan nauhai le kan ran ruol leh dangchâra mi sukhlum dingin iengdinga i mi ṭhuoi suok am a na?” an ti a.

FESUOKNA 17:6

Ngai ta, Horeba lungpui chunga sawn i hmaah ngîr ka ta; chun, lungpui chu vuong i ta, a sûnga inthawkin tui hung suok a tih, mipuiin an dâwn theina dingin,” a ti a. Mosie chun Israel upahai mithmu ngeiah chuong ang tak chun a thaw ta a.

ISAI 30:19

Mihai chu Jerusalema Ziona chun an um ding a ni si a; ṭap nâwk ta naw ti niu a, in khêk ria chun ama chun lunginsiet ngei ngei a ti cheu a, a hriet phingleh dawn a ti cheu.

ISAI 42:16

Mitdelhai chu an hriet ngai naw lampuiah ṭhuoi ka ta, an hriet ngai naw lampuiahai chun ṭhuoi ka tih; an hmaa chun inthim chu varah siem ka ta; lampui kâwi laihai chu suktlûn bawk ka tih. Chuong thil chu thâwng ka ta, anni khawm thlathlam naw ningah.

ISAI 43:20

Ka mi, ka ithlanghai chu dâwn ding ka pêk theina dingin thlalêra chun tuihai kân umtir leiin ramsahai chun mi chawimawi an ta, sihalhai le vate rîngsei chen khawmin;

ISAI 44:3

Dangchâr chunga chun tui ka hung buok ding a ni si a, hnuoi ṭâwlahai chun tuiluonghai chu ka hung buok bawk ding a nih; in thlahai chungah ka thlarau buok ka ta, in nauhai chungah ka malsâwmna buok bawk ka tih:

ISAI 48:21

Thlalêrahai chun a ṭhuoi lai khan an dang a châr naw a; lungpuia inthawk chun an ta dingin tuihai ân luong suoktir a; lungpui chu a sukkawi a, chuongchun, tuihai chu a hung suok ta zur zur a.

ISAI 49:10

An phîngṭâmin dangchâr naw ni hai a; lumin sukrinumin nisain em bawk naw ni; anni lunginsiettu chun a ṭhuoi ding a ni si a; tuihnâr kâwlahai ngei chun a ṭhuoi ding a nih.

ISAI 55:1

Hung ta u, dangchâr taphawthai, tuiahai hin hung ro, tangka nei nawhai khawm hung unla, inchaw unla, fa ro; anih, hung unla, uoin le nênetui tangka pe lovin, a man khawm pe lovin inchaw ro.

ISAI 58:11

Chun, Lalpa chun ṭhuoi rawp a ti che a, hmun ṭâwla khawm sukkhawp a ti che a, i ruhai khawm sukhrât bawk a tih; chun, huon tuia châwm ang le, tuihnâr kang ngai lo ang ni tâng i tih.

ISAI 61:1

Mi rimsihai kuoma chanchin ṭha hril dingin Lalpain hriek a mi nâl leiin, Lalpa Pathien thlarau chu ka chungah a um a; ama chun, lungril nahai sukdam ding dâm, salhai kuoma suokna thu le mi intânghai kuoma intângna in hawngna ding thu hril ding dâm,

ISAI 62:12

Chuongchun, anni chu Mi Inthienghai, Lalpa intlanhai tîng an tih; nang chu Zawng suok, mâksan naw khawpui, tîng an ti che,’ tiin,” a ti a.

ISAI 65:13

Chuleiin, Lalpa Pathien chun hieng ang hin a tih, “Ngai ta u, ka siehlawhai chun fâng an ta, nangni ruok chu phîngṭâmin um in tih: ngai ta u, ka siehlawhai chun dâwn an ta, nangni ruok chu dangchârin um in tih; ngai ta u, ka siehlawhai chu hlim an ta, nangni ruok chu inzak in tih:

ISAI 65:24

Chun, hieng hi hung nîng a ta, annin an mi ko hma khawmin dawn ka ta; thu an la hril lai zing khawmin ka nain hrieng ka tih.

ISAI 66:2

Hieng thil iengkim hi ka kutin ka siem a ni si a, chuongchun, hieng thil iengkim hi a hung um tah a nih, Lalpain a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

JEREMIA 31:25

Mi chauhai chu ka suktlai a, mi lungngai tinhai khawm chu ka sukhar bawk a.

ṬAP HLA 4:4

Nautê nêne ne lai lei chu dangchâr leiin a dangah a kawp tlat a; Naupanghai chun bei an hni a, mi tukhawm hlaka an khawipêk si naw a.

EZEKIEL 47:8

Chun, ama chun ka kuomah, “Hieng tuihai hi saktieng rama inthawka hung suok an na, Arabaa chun fe thlâng an ta; chun, tuipui tieng fe pei an ta, tuipui tui al chu tui inthiengah inchangtir an tih.

MATTHAI 5:3

“Thlaraua pasiea inhriehai chu an hamṭha; vân ram an ta a ni si a.

MATTHAI 5:6

“Felnaa phîngṭâma dangchârhai chu an hamṭha; an la tlai ding a ni si a.

LUKA 16:24

Chun, a khêk a, ‘Pa Abraham, mi lunginsiet la, Lazar kha hung tir rawh, a kutpâr tuiah inchie sienla; ka lei sukdeina dingin; hi meichawka hin ka na bêk bêk el,’ a ta.

2 KORINTH 12:9

Chun, ama chun ka kuomah, “Ka lunginsietna i ta dingin a hun deh, ka thilthawtheina hi hrâtnawnaah i sawnnaw sukfamkima a um,” a ti ta a. Chuongchun, Krista thilthawtheina chu ka chunga a um theina dingin, lâwmtakin ka hrâtnawnahai hi suong lem tâng ka tih.

THUPUONGSUO 21:6

Chun, ka kuomah, “A hung tlung tah. Kei Alpha le Omega, a Bul le a Tâwp ka nih; dangchâr taphawt kuoma chun Hringna Tuikhura inthawkin a thlâwnin pêng ka tih.

THUPUONGSUO 22:17

Thlarau le mo chun, “Hung rawh,” an ti a. A hre taphawt chun, “Hung rawh,” ti raw se. Dangchâr taphawt hung raw se; a nuom taphawtin hringna tui hi a thlâwnin la raw se.