ISAI 41:11 - Pathien Lekhabu Inthieng (BSI)

¹¹ Ngai ta, in chunga lungninaw po pohai chu muolphotak le inzaktakin um an tih; nangni sêltuhai cheu chu iengkhawm ni lo ang nîng an ta, bohmang an tih.

ISAI 41:11 ပူးပေါင်းရင်းမြစ်များ

FESUOKNA 11:8

Chun, hieng i siehlawhai po po hi ka kuomah hung an ta, ka hmaa bawkkhupin, Nanga zuitu dinghai po po le chun suok ta rawh,’ mi tîng an tih; chun, chu hnunga chun suok tâng ka tih, tiin,” a ti a. Pharao kuoma inthawk chun lunginsentakin a suok ta a.

FESUOKNA 12:29

Zânril lai takah Lalpa chun Aigupta rama nau lutîr po po, Pharao nau lutîr a lalṭhungphaa ṭhunga inthawka sal lung ina intâng nau lutîr chen le, ran ruol tê hmasatakhai chen chun a hung sukhlum ta vawng a.

FESUOKNA 23:22

Nisienlakhawm, ama râwl chu i ngai tak tak a, ka hril po po hi i thaw chun, i hmêlmahai ta dingin hmêlma nîng ka ta, i khingpuihai ta dingin an khingpui nîng ka tih.

ISAI 17:13

Hnam tin chu tui tamtak inri hum hum angin inri hum hum an tih; nisienlakhawm, ama chun kâwk a ta, hlatakah tlân hmang an ta, tlânga busi thli ilên ang le pilvut thlipui imût vir mup mup angin hnawtin um an tih.

ISAI 29:5

Nisienlakhawm, nanga dotu mipuihai chu pilvut inditak angin um an ta, mi ṭiumhai mipuihai chu busi bohmang hlak ang hin um bawk an tih; anih, chu chu mitkhapkâr lovin um thut a tih.

ISAI 29:7

Chuongchun, Ariel dotu hnam po po mipuihai, ama le a kulbîng thawtuhai po po leh ama suklungzîngtuhai po po chu mang ang chau nîng an ta, zâna inlâr ang chau el hi.

ISAI 29:8

Mi phîngṭâmin mang a nei chun bu a lo fâk hlak a; nisienlakhawm, a hang har a, a phîng chu a lo la ruok zing ang hi nîng a tih; annawleh, mi dangchârin mang a nei chun tui a lo dâwn hlak a, nisienlakhawm, a hung har a, a lo la châu zingin, tui a la du rawp ang hi nîng a tih; Zion tlâng thawtu hnam po po mipuihai chu, chuong ang chu an ni ding a nih.

ISAI 34:12

An mi ṭhahai chu ram awp dingin ko an ta, nisienlakhawm, chutaka chun ko ding tukhawm um naw ni hai a; an mi lienhai po po chu iengkhawm ni naw ni hai.

ISAI 40:17

Hnam tinrênghai chu a hmaa chun iengkhawm an ni naw a, ama ngai chun iengkhawm ni lo nêka tlâwm lem, boruok el an nih.

ISAI 40:2

Jerusalem mihai kuomah thlamuongna tieng pangah thu hril unla, an indona chu a tâwp a, an suolna chu ngaidam an ni a, an thil suksuol po po aiah Lalpa kuta inthawkin a let hniin an hmu tah ti hril ro.

ISAI 41:24

Ngai ta u, iengkhawm in lo ni naw hi, in thil thaw khawm iengkhawm a ni bawk nawh, nangni thlangtuhai cheu chu mi tirdakumtak an ni hi.

ISAI 41:29

En ta u, an rêngin, an sinthawhai chu iengkhawm ni lo a na, thil umlo el a nih, an milim sunghai khawm chu thli le boruok el a nih.

ISAI 45:24

Miin, ‘ Lalpaa chau felna le hrâtna a um,’ tiin, ka chungthu la hril an tih; ama kuoma mi ngei hung an ta, a chunga lungninawhai po po chu muolphotakin um tâng an tih.

ISAI 49:25

Nih e a, Lalpa chun hieng ang hin a tih, ‘Mi hrâttak salhai meu khawm lâkpêkin um an ta, mi ṭium râllâkhai chu sansuokin um an tih; nangma dotu chu ka do ding a ni si a, i nauhai khawm ka sandam ding a nih.

ISAI 49:26

Chun, nangma nêksâwrtuhai chu anni sa ngei infâktir ka ta; uoin thlum inrui ang hin anni thisenin inrui an tih; chuongchun, mi po poin, kei Lalpa hi nangma sandamtu le nangma intlantu, Jakobhai Mi Hrât chu ka nih ti mi hrieng an tih,’ ” tiin.

ISAI 54:15

Ngai ta, an la pung khâwm a ni thei, nisienlakhawm, ka thu ni naw ni; nangma thaw dinga pung khâwm taphawt chu nangma leiin tlûng an tih.

ISAI 54:17

Nangma thawna dinga hriem sut hrim hrim ṭhahnem naw ni a, lei tinrêng thupawia nangma hung khingtuhai che chu thiemnaw inchangtir i tih. Chu chu Lalpa siehlawhai rochan chu a na, an felna chu ka kuoma inthawk a nih, Lalpain a tih.

JEREMIA 12:17

Amiruokchu, an ngai naw chun, chu hnam chu hmalthlâng ka ta, hmalthlain suksieng ka tih, Lalpa chun a tih.

JEREMIA 2:3

Israel hi Lalpa ta dinga inthieng, a hlâwkna ra hmasa tak chu a na; ama fa zotuhai po po chu suola ngai nîng an ta, an chunga chun thil ṭha naw tlung a tih, Lalpa chun a tih.”

DANIEL 4:35

Hnuoi chung hluotuhai po po chu iengkhawm ni lo anga ngai an na, Hnuoi chung hluotuhai le vâna sipai pâwl ruolhai chunga chun A nuom ang angin a thaw a, Tukhawmin a kut chu an chel thei naw a. “Nangin ieng am i thaw an leh?” an ti thei bawk nawh.

ZEKARIA 12:3

Chu nia chun hieng hi hung nîng a ta, hnam po pohai ta dingin Jerusalem chu lung phurriksakah siem ka ta, chuonga amaa insukriktuhai po po nasataka sukhliem nîng an ta; chuongchun, hnuoi chunga hnam po pohai a chunga chun inhâwrkhâwm an tih,” tiin.

THILTHAWHAI 16:39

An va fe a, an thlêm a, an ṭhuoi suok a, khuoa inthawk chun fe hmang dingin an ngên a.

THUPUONGSUO 3:9

Ngai ta, Setan inkhâwmna inhai laia mi, Juda tak ni lova, khêl hrila Juda intihai laia mi chu, ka tir ding a nih, ngai ta, i ke bulah chibai hung inbûktir ka ta, ka hmangai che ti inhriettir bawk ka tih.