ISAI 41:10 - Pathien Lekhabu Inthieng (BSI)

¹⁰ ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 41:10 ပူးပေါင်းရင်းမြစ်များ

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin Lalpa thu chu Abram kuomah mang angin a hung tlung a.

INṬANNA 26:24

Chu zân ngei chun Lalpa chu a kuomah a hung inlâr a, “Kei hi i pa Abraham Pathien chu ka nih, ṭi naw rawh, i kuomah ka um annâwm, mal sâwm ka ti che a, ka siehlaw Abraham leiin i thlahai chu ka la sukpung ding a nih,” a ti a.

INṬANNA 31:5

an kuomah, “In pa hmêl ka enin hi hma ang khan ka chungah a ṭha ta nawh ti ka hmu a; nisienlakhawm, ka pa Pathien chu ka kuomah a um zing a nih.

INṬANNA 49:24

Nisienlakhawm, ama thalngul chu ngartakin a um zing a, A kut thahai chu sukhrâtin a um a, Jakob Mihrât kut chun, (Chutaka inthawk chun berâm vêngtu, Israel lungpui chu a hung um a.)

2 SAMUEL 22:19

Anni chun ka vângsiet ni chun an mi hung thaw a, Nisienlakhawm, Lalpa chu kân nghatna tak a nih.

1 CHANCHIN SUINA 12:18

Chun, sâwmthum laia a hotu tak Amasai kuoma chun thlarau chu a hung tlung ta a, ama chun, “David, nangma ta kan na, nangma tienga ṭhang kan nih, nang Jesai naupa; inremna, nanga kuoma chun inremna um sienla, nangma ṭhangpuituhai che kuoma khawm inremna chu um raw se; i Pathien chun a ṭhangpui si che a,” a ta. Chun, David chun anni chu a lâwmlût ta a, sipai pâwl hotuhaiah a siem tâwl ta a.

2 CHANCHIN SUINA 20:17

Hi indonaa hin in do ngai kher naw nih, intlar phawt unla, ngîr ṭawk ṭawk ro; Lalpa sandamna chu en zing el ro; aw Juda mihai le Jerusalem mihai, ṭi naw unla, beidawng bawk naw ro; zingah anni chu hang thaw unla, Lalpa chu in kuomah a um si a,’ ” tiin.

2 CHANCHIN SUINA 32:8

ama kuoma chun tisaa sipai pâwl an na, amiruokchu, eini kuoma chu Lalpa ei Pathien chu mi ṭhangpui ding le ei indona chu do dingin a um a nih,” tiin. Chun, mipui chu Juda lal Hezekia thuhrila chun an sâwldam hle a.

INPÂKNA HLABU 144:11

Mi sansuok la, mikhuolhai kuta inthawkin mi sanhim rawh, An bau chun thu teplo mei mei an hril hlak; An kut changtieng chu kut changtieng indik naw a nih.

INPÂKNA HLABU 144:8

An bau chun thu teplo mei mei an hril hlak a; Vânni khâmnaa chen khawm khêl an la hril ta rawp a.

INPÂKNA HLABU 145:14

Lalpa chun a tluhai po po chu a chel zing hlak a, Kûn ngawi ngawia um po pohai chu a keitho hlak.

INPÂKNA HLABU 147:12

Aw Jerusalem, Lalpa chu inpâk rawh, Aw Zion, i Pathien chu inpâk rawh.

INPÂKNA HLABU 18:36

Ka hnuoia ka kalchawina chu i suklien a, Chuongchun, ka kehai hi ân tleu nawh.

INPÂKNA HLABU 27:1

Lalpa chu ka var le ka sandamna a nih, tu am ṭîng ka ta? Lalpa chu ka hringna kulbîng a nih; tu am ṭîng ka ta ?

INPÂKNA HLABU 29:11

Lalpa chun a mihai kuomah hrâtna pêng a ta, Lalpa chun a mihai chu thlamuongnain malsâwm a tih.

INPÂKNA HLABU 33:12

Lalpa Pathiena nei hnam chu an hamṭha a, Ama rochan dinga a thlang mihai chu.

INPÂKNA HLABU 37:17

Mi rilo bânhai chu sukthliekin a um ding a ni si a, Mi fel ruok chu Lalpain a chel zing hlak.

INPÂKNA HLABU 37:24

Tlu sienla khawm tlu letdêr chun um naw ni a, Lalpain a kutin a chel zing si a.

INPÂKNA HLABU 41:12

Kei chu lungril ṭhatak ka putnaa hin nangin i mi chel zing a, I hmaa chun kumkhuoa dingin i mi sie a.

INPÂKNA HLABU 46:11

Sipaihai Lalpa chu ei kuomah a um a, Jakob Pathien chu ei kulbîng insâng a nih.

INPÂKNA HLABU 46:7

Sipaihai Lalpa chu ei kuomah a um a, Jakob Pathien chu ei kulbîng insâng a nih.

INPÂKNA HLABU 63:8

Ka hringna hin a zui tlat che a, I kut changtiengin i mi kei hlak.

INPÂKNA HLABU 65:5

Aw a mi sandamtu Pathien, Thil râpthlâktakhaiin keini mi hung dawn i tih, Nang kâwlkawdawnga mi po po le, Tuisuoriet chung hlataka umhai iring chu i nih.

INPÂKNA HLABU 99:4

Laltak hrâtna chun rorêlna a ngaina a, Nang chun thlierbîk nei nawna i sukdet hlak a, Nang chun Jakobrawihai chungah ro i rêl a, feltakin i thaw hlak a.

FESUOKNA 14:13

Mosie chun mipui kuoma chun, “Ngîr ṭawk ṭawk unla, ṭi naw ro, Lalpa sandamna, in ta dinga vawisûn a thaw ding chu en el ro; vawisûna Aigupta mi in hmuhai hi kumkhuoin in hmu nâwk ta naw ding a ni si a.

FESUOKNA 20:20

Mosie chun mipui kuomah, “Ṭi naw ro. Pathien ṭiumna chu in hmua in suol nawna dingin nangni infiena ding cheuin ama chu a hung a ni si a,” a ti a.

ISAI 12:2

Ngai ta, Pathien chu ka sandamna a na, ring ka ta, ṭiin um naw ning ah; Lalpa Jehova chu ka hrâtna le ka hla a ni si a; a mi sandamtu a lo ni ta bawk a,” tiin.

ISAI 35:4

Lungril dâwihai kuoma chun, “Hrâttakin um unla, ṭi naw ro, ngai ta u, in Pathien chu phubalâkna leh hung a tih, Pathien thungna le chun; hung a ta, sandam a ti cheu,” ti ro.

ISAI 37:6

Isai chun an kuomah, “In pu kuoma chun hieng ang hin in hril ding a nih, ‘Lalpa chun hieng ang hin a tih, I thu hriet, Assuria lal siehlawhaiin an mi hrilsietnahai kha ṭi naw rawh.

ISAI 43:5

Ṭi naw ro, in kuomah ka um si a; in thlahai chu khawsak tienga inthawkin hung ṭhuoi ka ta, khawthlang tienga inthawkin ṭhuoi khâwm ka ti cheu a,

ISAI 44:2

Lalpa nangni siemtu, sula inthawka nangni inngîrtu, nangni ṭhangpuitu ding chun hieng ang hin a tih, ‘Aw Jakobhai ka siehlawhai, nangni Jesurun ka ithlanghai, ṭi naw ro,’

ISAI 49:8

Lalpa chun hieng ang hin a tih, “ Hun lâwmumah ka ngaithlâk che a, sandamna niah ka ṭhangpui che; ram inngîr ding le rochan ram râusan ta hnunghai annirawi chu inhluotir dingin ka humhim chein, mihai thuthlung dingin ka ruot che:

ISAI 50:9

Ngai ta, Lalpa Pathien chun mi ṭhangpui a tih; tuin am thiemnaw mîn changtir a ta? Ngai ta, chuonghai po po chu silfên angin la hlui a ta, hângthimin fa se vawng a tih.

ISAI 52:7

Tlângahai chanchin ṭha intluna, in- remna thu khêkpuia, thil ṭha chanchin ṭha intluna, sandamna thu khêkpuia, Zion kuomah, “I Pathien chu lalah a ṭhung,” tituhai ke chu a va mawi de!

ISAI 60:19

Nisa khi sûna nangma êntu ni ta naw ni a; thla khawm khin varna dingin sukvar ta bawk naw ni che; Lalpa ruok chu i ta dingin kumkhuoa vartuah um tâng a tih, I Pathien chu i ropuina dingin um bawk a tih.

ṬAP HLA 3:57

Nang ka hung ko ni chea chun i hung hnai a; “Ṭi naw rawh,” i ta.

DANIEL 10:12

Chun, ama chun ka kuomah, “Daniel ṭi naw rawh, i Pathien hmaa nang le nang în sukhnuoi a, a ngaina hre dinga i lungril i siem nia inthawk khan i thuhai chu hriet a lo ni ta a, i thuhai lei chun hi ka hung a nih.

DANIEL 6:16

Chun, lal chun thu a pêk a, Daniel chu an hung ṭhuoi a, sakeibakneihai pûka chun an pei lût ta a. Lal chun a hril a, Daniel kuoma chun, “I Pathien a rawng i bâwl zing hlak chun sansuok a ti che, ” a ta.

HOSEA 1:9

Chun, Lalpa chun hieng hin a ti a, “A hmingah Lo-ammi sak rawh, nangni hi ka mihai in ni si naw a; chun, kei khawm in Pathien ni naw ning,” a ta.

HAGGAI 1:13

Chun, Lalpa mitir Haggai chun Lalpa thucha chu mipuihai kuoma chun, “In kuomah ka um, Lalpa chun a tih,” tiin a hril a.

HAGGAI 2:5

Aigupta rama inthawka in hung suok laia in kuoma ka thuthlung thu anga khan in kuomah ka um a, ka thlarau chu nangni laia chêng zing a ni si a: ṭi dêr naw ro, Lalpa chun a tih,” tiin.

ZEKARIA 10:12

Chun, anni chu Lalpaa chun sukhrât ka ta, chun, ama hmingin a suk a tungin fe tâng an tih, Lalpa chun a tih.

ZEKARIA 10:6

Chun, Juda insûng chu hung sukhrât ka ta, Josef insûng chu sandam ka tih; chun, anni chu hung ṭhuoi kîr nâwk ka tih, an chungah lunginsietna ka nei si a; chun, anni chu ka lo pei thlâk naw ang hrimin um tâng an tih; chun, an thu chu ngai bawk ka ta, Lalpa an Pathien ka ni si a.

ZEKARIA 13:9

Chun, a hmun thumna chu meiah infethlengtir ka ta, tangkaruo chu sukthieng a ni angin sukthieng ka ta, rângkachak chu fie a ni angin fieng ka tih: chun, ka hming lam an ta, kei khawma anni chu ngai tâng ka tih; ‘Ka mihai an nih,’ tîng ka ta; chun, anni khawma, ‘Lalpa chu ka Pathien a nih,’ mi tîng an tih,” a ta.

LUKA 1:13

Nisienlakhawm, vântirko chun a kuomah, “Zakaria, ṭi naw, i hni kha hriet a nih, i nuhmei Elizabethin naupasal neipêk a ti che, a hmingah Johan i sak ding a nih.

LUKA 1:30

Chun, vântirko chun a kuomah, “Mari, ṭi naw, Pathien ngaisak zâwng i nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:31

Chuong thua chun ieng am hril tâng ei ta? Pathien eini tieng a ṭhang chun tuin am mi do thei a ta?

2 KORINTH 12:9

Chun, ama chun ka kuomah, “Ka lunginsietna i ta dingin a hun deh, ka thilthawtheina hi hrâtnawnaah i sawnnaw sukfamkima a um,” a ti ta a. Chuongchun, Krista thilthawtheina chu ka chunga a um theina dingin, lâwmtakin ka hrâtnawnahai hi suong lem tâng ka tih.

EPHESI 3:16

A ropuina hauzie ang peiin, a Thlarau zârah mihriem sûngril tienga chun thilthawtheinaa sukhrâta ân umtir theina ding cheu le,

DÂN PAHNINA 20:1

“In hmêlmahai do dinga in suoka sakawrhai le tawlailîrhai dâm, mipuihai dâm, nangni nêka tam in hmuin, anni chu in ṭi ding a ni nawh; Aigupta rama inthawka ṭhuoi suoktu cheu Lalpa in Pathien chu in kuomah a um si a.

PHILIPPI 4:13

A mi sukhrâttu Krista zâra chun iengkim ka thaw thei a nih.

JOSUA 1:9

Hrâttak le huoitakin um rawh; ṭi naw la, zâm bawk naw rawh, Lalpa i Pathien chu i fena taphawtah i kuomah a um pei ding annâwm,”tiin, a hril a.

RORELTUHAI 6:16

Lalpa chun a kuomah, “I kuomah ka um pei ding annâwm; chuongchun, Midianhai chu mi pakhat ang elin hne vawng el i tih,” a ti a.