ISAI 40:4 - Pathien Lekhabu Inthieng (BSI)

⁴ Ruom tin suksâng ni vawng a ta, tlâng tin, muol tin sukhnuoi ni bawk a tih; lampui kâwihai chu suktlûn nîng an ta, ân ṭum nawna laihai chu sukruol ni bawk a tih;

ISAI 40:4 ပူးပေါင်းရင်းမြစ်များ

THUVARHAI 2:15

An lampuihaia mi kâwihai, An lampuihai pêtsantuhaia inthawkin.

ISAI 40:3

Mi khêk râwl chun, “Thlalêrah Lalpa lampui buotsai unla, ram ṭâwla chun ei Pathien ta dingin lamlien sukruol ro.

ISAI 40:5

chun, Lalpa ropuina chu suklang nîng a ta, mi po poin chu chu hmu seng an tih; Lalpa bau chun a hril ta si a,” a ta.

ISAI 42:11

Thlalêr le an khawpuihai chun an râwl insuo raw se, Kedarhai umna khuohai chun: Sela khuoa umhai chu hlimtakin hla sak hai sienla, tlâng sîpa inthawk chun khêk raw se,

ISAI 45:2

“Kei i hmaah fêng ka ta, ân ṭumnawnahai chu sukruol ka tih, dâr kawtkhârhai chu sukse rem rum ka ta, a kalna thîr tluonhai chu sukbawng ka tih;

ISAI 49:11

Chuongchun, ka tlâng po po chu lampuiah siem ka ta, ka lamlienhai chu suksângin um bawk a tih.

ISAI 62:10

Suok unla, kul kawtkhârahai chun suok ro; mihai ta dingin lampui buotsai unla, sung pâwng unla, lamlien chu sung pâwng ro; lunghai chu rût fai unla, mihai ta dingin inchikna târ suok ro.

EZEKIEL 17:24

Chun, chu lova thing po pohai chun kei Lalpa chun thing insâng chu ka keihnuoi a, thing inhnuoi chu ka suksâng tah, thing hring chu ka sukṭâwl a, thing ṭâwl chu ka sukhring tah ti hrieng an tih; kei Lalpa chun ka hrilin ka thaw ta a nih,” tiin.

EZEKIEL 21:26

Lalpa Pathien chun hieng hin a tih: Lallukhum chu sawn la, lallukhum chu la hmang rawh; hi hi a pângngai zing ni ta naw ni; ân hnuoi chu chawisâng la, ân sâng chu sukhnuoi rawh.

ZEKARIA 4:7

Aw tlâng lien, tu am i na? Zerubbabel hmaa chun phaizâwl hung ni el i tih, chun, ama chun a chungah, “Zângaina, zângaina,” ti khêkrihai leh lung chunghnungtak chu hung la suok a tih.

LUKA 18:14

Ka hril cheu hi, a hmasa nêkin ama lem chu thiem changin a inah a fe thla ta lem a. Inngaihlu taphawt tlâwm an ta, inngaitlâwm taphawt chu chawimawiin um an tih,” a ta.

LUKA 3:5

Ruom tin sung sip ni vawng a ta, Tlâng tin, muol tin sukhnuoi ni bawk a tih. Lampui kâwihai hung tlûn a ta, Lampui inṭumnawhai hung inruol bawk a tih;

1 SAMUEL 2:8

Pilvuta inthawkin pasie chu a keitho hlak a, Pasie chu êkdûra inthawkin a chawikâng hlak, Mi lienhai kuomah ân umtir theina ding le, Ropuina lalṭhungpha an chang theina dingin, Leihnuoi innghatsan chu Lalpa ta a nih; Khawvêl chu a chungah ân nghat ta si a.