ISAI 40:29 - Pathien Lekhabu Inthieng (BSI)

²⁹ Châuhai kuoma chun thilthawtheina a pêk hlak a; hrâtna hrim nei nawhai chu a sukhrât hlak.

ISAI 40:29 ပူးပေါင်းရင်းမြစ်များ

INṬANNA 49:24

Nisienlakhawm, ama thalngul chu ngartakin a um zing a, A kut thahai chu sukhrâtin a um a, Jakob Mihrât kut chun, (Chutaka inthawk chun berâm vêngtu, Israel lungpui chu a hung um a.)

NEHEMIA 6:9

“An sinthaw chu an puitling thei nawna dingin an kuthai chu suksietin um a tih,” tiha mi hrilṭi nuom ruok an nih. Chuongchun, aw Pathien, ka kuthai hi mi hung sukhrâtpêk raw aw.

INPÂKNA HLABU 29:11

Lalpa chun a mihai kuomah hrâtna pêng a ta, Lalpa chun a mihai chu thlamuongnain malsâwm a tih.

INPÂKNA HLABU 68:10

I rawihai chun chutaka chun umhmun an khuor a, Aw Pathien, nang chun i ṭhatnain rimsihai ta dingin i buotsai a.

INPÂKNA HLABU 68:35

Aw Pathien, i hmun inthienghaia inthawk chun ṭi i um a; Israelhai Pathien, ama ngei chun a mihai kuomah hrâtna le thilthawtheina a pêk hlak. Pathien chu inpâkin um raw se.

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 50:4

Mi sâwltak chu thua ka suksâwldam theina dingin Lalpa Pathien chun inchûktirhai lei a mi pêk a; ama chun tûk tinin a keihar a, inchûktirhaiin an hriet anga hre dingin ka na hi a keihar hlak.

JEREMIA 31:25

Mi chauhai chu ka suktlai a, mi lungngai tinhai khawm chu ka sukhar bawk a.

ZEKARIA 10:12

Chun, anni chu Lalpaa chun sukhrât ka ta, chun, ama hmingin a suk a tungin fe tâng an tih, Lalpa chun a tih.

2 KORINTH 4:16

Chuleichun, kan dawl naw a, kan puotieng mihriem hi hung awngrawp tieu tieu sien khawm kan sûng tieng mihriem chu ni tin siem thar peiin a um lem a nih.

DÂN PAHNINA 33:25

I kalnahai chu thîr le dârsen nîng a ta, I dam sûng poin i hrâtna khawm um zing a tih,” a ta.

PHILIPPI 4:13

A mi sukhrâttu Krista zâra chun iengkim ka thaw thei a nih.

KOLOSSA 1:11

hlimtaka selna le dawtheina tinrêng nei dinga a ropuina hrâtzie ang peia hrâtna tinrênga sukhrâta in um theina dingin kan ngênpêk cheu.

HEBRAIHAI 11:34

Hrât nawnaa inthawka hrâttaka siemin an um a, indonaa chun mi hrât khawkhêng an lo na, hnam dang indo pâwlhai an intlânsiettir a.

RORELTUHAI 15:19

Chuongchun, Pathien chun Lehi hmuna khur um chu a hung sukkak phuk a; chun, tui a hung inchik suok ta a; chu chu a hang dâwn chun a lungril a hung hrât nâwk ta a, a hung har ta huoi a, chuongchun, chu hminga chun En-hakkore an ti ta a, tu chen hin Lehi hmuna chun a la um zing a nih.

1 SAMUEL 2:4

Mi hrât thalngulhai a sukthliek a, A kathai kâwng chu hrâtnaa khitin a um a,