ISAI 40:26 - Pathien Lekhabu Inthieng (BSI)

²⁶ Chungtienga khin in mithai hang inlên unla, khienghai khi tu siem am an na, en ta u: ama chun sipaihai khi indawt peiin a ṭhuoi suok hlak a, an hmingin a ko seng hlak a; a hrâtna nasat lei le, thilthawtheina tienga a hrât leiin pakhat khawm kim naw an um ngai nawh.

ISAI 40:26 ပူးပေါင်းရင်းမြစ်များ

INṬANNA 1:14

Chun, Pathienin, “Sûn le zân ṭhêna dingin vân boruok lientaka chun varhai um sienla, chuonghai chu inchikna dâm, hunbi dâm, ni dâm, kum dâm hrietna ding ni raw se;

INṬANNA 1:16

Chuongchun, Pathienin var ropuitak pahni khi a siem ta a; var ropui lem chu sûn rorêltu dingin, var ropui naw lem chu zân rorêltu dingin: arasihai khawm a siem bawk a.

INPÂKNA HLABU 102:25

Leihnuoi innghatsan chu tiena i phûm tah a na, Vânhai khawm i kutsuok an nih.

INPÂKNA HLABU 119:91

Chuonghai chu vawisûn hin i rorêlhai angin an um zing a, Thil po po chu i siehlawhai an ni si a.

INPÂKNA HLABU 121:1

Tlâng tiengahai khin ka mit hang inlên ka ta, Khâwtienga inthawkin am a mi ṭhangpuina ding hung tlung a ta?

INPÂKNA HLABU 19:1

Vânhai khin Pathien ropuizie chu ân hriettir a, Boruok lientak khin a kutsuok chu ân langtir hlak a.

INPÂKNA HLABU 66:3

Pathien kuomah, “I thilthawhai chu a va ropui de! I thilthawtheina nasatzie leiin nangma dotuhai chu i kuomah intuklût an tih.

ISAI 34:16

Lalpa lekhabuah zawng unla, tiem ro; chuonghai laia chun pakhat khawm a kim naw um naw ni a, pakhat khawm kawppui nei naw um naw ni; ka bau ngeiin thu a pêk a, a thlarau ngeiin chuong chu a ṭhuoi khâwm tâwl ta si a.

ISAI 42:5

Pathien, Lalpa, vân siemtu, keiphartu, hnuoi le a sûnga inthawka suok po po suklientu, a chunga mihai kuoma inthuokna petu chun hieng ang hin a tih:

ISAI 44:24

Lalpa, nangni intlantu, sula inthawka nangni inngîrtu cheu chun hieng hin a tih, “Kei hi Lalpa, thil po po siemtu, mâni chaua vân keiphartu, hnuoi suklientu chu ka nih; tu am ka kuomah a um a?

ISAI 45:12

Hnuoi hi ka siem a, a chunga mihriem um hi ka siem bawk a, keimân ka kut ngei hin vân ka keiphar a, a sipaihai chu thu ka pêk bawk a nih.

ISAI 45:7

Var ka siem hlak a, inthim khawm ka siem hlak a nih; inremna ka siem hlak a, intheidana khawm ka siem hlak; kei hi Lalpa, chuong thilhai po po thaw hlaktu chu ka nih,” tiin.

ISAI 48:12

Aw Jakobhai le ka ko Israelhai, ka thu hi ngai ro; kei hi ama chu ka nih; a hmasa tak chu ka na, a nuhnung tak khawm ka nih.

ISAI 48:13

Anih, ka kut hin leihnuoi innghatsan chu a phûm a, ka kut changtieng hin vânhai khi a keiphar a; ka ko phingleh an ngîr khâwm hlak.

ISAI 51:6

Vân tienga hai khin in mit hang inlên unla, hnuoi tienga leihnuoi chu en ro: vân khi meikhu angin lân zâm hmang a ta, leihnuoi hi silfên angin la hlui a tih, a sûnga umhai chu chuong ang bawk chun la thîng an tih; ka sandamna ruok hi chu kumkhuoin um a ta, ka felna khawm hi sukboin um naw ni.

ISAI 66:2

Hieng thil iengkim hi ka kutin ka siem a ni si a, chuongchun, hieng thil iengkim hi a hung um tah a nih, Lalpain a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

DÂN PAHNINA 4:19

Annawleh, vân tieng in hang ngha a, nisa dâm, thla dâm, arasi dâm, vân mi hai po po dâm in hang hmu a, Lalpa in Pathienin vânkhuphnuoia mi po po ta dinga a siempêkhai chun hîp a ti cheu a, bieng in ta, an rawng dâm bâwl khat rawi in tih.