ISAI 40:19 - Pathien Lekhabu Inthieng (BSI)

¹⁹ Milim siemfâwm hi, sinthaw mi chun a sung a, rângkachak sut mi chun rângkachakin ân luon a, chu chu ding chun tangka khaidiethai a sungpêk hlak.

ISAI 40:19 ပူးပေါင်းရင်းမြစ်များ

INPÂKNA HLABU 135:15

Hnam tin milimhai chu tangka le rângkachak an na, Mihriem kutsuok an nih.

INPÂKNA HLABU 135:18

Chuong siemtuhai chu chuong ang bawk chun um an ta, Anih, chuong ringtuhai po chu.

ISAI 2:20

Chuong niahai chun mihai chun an tangka milimhai le an rângkachak milimhai, biek dinga an insiempêkhai chu, buikelet kuoma le bâk kuoma chun pei an ta,

ISAI 2:8

An ram chu milimin a sip a, anni kuta thaw suok, anni kutpârhaia siem chu an biek hlak.

ISAI 30:22

Chun, in tangkaruo milim siem, tangkaruoa cheina le in rângkachak milim sung, rângkachak tuia inluonna chu, suksieng in ta, thil pawrche angin pei tâng in tih; a kuoma chun, “Fe hmang dai rawh,” tîng in tih.

JEREMIA 10:9

Tangkaruo thlênghaia sut, Tarsisa inthawka hung lâkhai le, Uphaza inthawka rângkachak, themthiem le rângkachak thîrsu kuthai sinthaw chu: a dum pâwl le a dum êm chu an thuom dingin, mi themthiemhai kutsuok vawng an nih.

DANIEL 5:4

Uoin chu an hang dâwn a, rângkachak dâm, tangka dâm, dârsen dâm, thîr dâm, thing dâm, lung dâm pathienhai chu an inpâk ta a.

HOSEA 8:6

Israela inthawk chun hi hi a ni si a, Sinthawtu siem a na, Pathien a ni nawh; Anih, Samaria sebâwngte lim chu suknâwi vawng nîng a tih.

RORELTUHAI 17:4

Chun, tangka chu a nu a hang pêk chun a nu chun tangka za hni chu a lâk a, tangkaraw suttu kuomah a pêk a, ama chun milimin a lo siem a, milimin a lo sung ta a, chu chu Mika ina chun a um a.