10 En ta u, Lalpa Pathien chu mi hrâttak angin a hung ding a ni hi; a bân chun a aiah ro rêl a tih; en ta u, a lâwmman chu a kuomah a um hi, a thungna chu a hmaah a um bawk a.
Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin Lalpa thu chu Abram kuomah mang angin a hung tlung a.
Ngai ta, Lalpa chun mi hrât thilthawtheitak a nei a; ama chun riel nasatak tla dur dur, thlipui thil sukse rem rum ang le, tuilien nasatak lien zur zur ang elin, hnuoiah pei chawr a tih.
Kei ruok chun, “Athlâwn elin sin ka thaw inrim a, iengkhawm ni lova le boruok elah ka tha ka sêng a, nisienlakhawm, matheilovin ka chunga rorêlna ding chu Lalpa kuomah a nih a um chu, mi thungna ding khawm chu ka Pathien kuomah a nih a um chu, ” ka ti a.
Chuleiin, ama chu mi lienhai chanvo ang sem vêng ka ta, ama chun râllâk sumhai chu mi hrâthai sem vêng a tih; a hringna chu thi khawp raka a bunthlâk a, bawsetuhai laia tiemsaa a um leiin; nisienlakhawm, mi tamtak suolna chu a phur a, bawsetuhai ta ding chun a ṭawngṭaipêk a.
Anih, thutak a um ta naw a; thil ṭha naw bânsantu chu râllâkah ân siem hlak; Lalpain chu chu a hmu a, indikna hrim hrim um ta naw chun a suklungni ta naw a.
Chun, mi hrim hrim an um nawh ti a hriet a, hnipêktu hrim hrim an um nawh ti a hriet a, hnipêktu hrim hrim an um naw chu mak a ti a; chuleiin, ama bân ngei chun sandamna ân siempêk a, ama felna ngei chun ama le ama ân chelngîr ta a.
An thilthawhai angin, an thilthawhai ang ngeiin, ama chun thung a tih, ama dotuhai chu lunginsennain, a hmêlmahai chu thungnain thung a tih; thlierkârhai khawm thungrul a tih.
Ngai ta u, Lalpain leihnuoi tâwp chenin hieng ang hin ân hriettir a nih, “Zion naunu kuomah hieng ang hin hril ro, ‘En ta, nangma sandamna a hung tlung ding a ni hi; en ta, a lâwmman chu a kuomah a um hi, a thungna chu a hmaah a um bawk a.
Chuongchun, ka hei en a, ṭhangpuitu ding hrim hrim an um nawh; chel ngîrtu ding hrim hrim an um naw chu mak ka ti a; chuleiin, keima bân ngei hin sandamna a mîn tlun a; ka lunginsenna chun a mi chel ngîr ta a.
Lalpa chun hieng hin a tih: I râwl chu ṭapnaa inthawk le, i mithai chu mitthlihaia inthawkin insûm rawh; i sinthaw chu lâwmman pêk a ni ding a ni si a, Lalpa chun a tih; chun, anni chu hmêlma rama inthawk chun hung kîr nâwk an tih.
“Ngai ta u, ka tirko chu ka tir a, ama chun ka hmaah lampui chu buotsai a tih: chun, Lalpa in izawng chu, a biekina chun hung nghâl a tih; chun, thuthlung tirko in ilâwm zâwng chu, ngai ta u, a hung ie,” sipaihai Lalpa chun a tih.
Chuongchun, naupanghai hi tisa le thisen changtuhai an ni ni tâwl leiin, ama khawmin chuong ang bawk chun chuong thilhai chu a chang ve ta a; thînain thîna thuneitu (chu chu Diebol a nih), a sukbohmang theina ding le,
Thil suksuoltu chu Diebola suok a nih; Diebol chun a tîra inthawkin thil a suksuol si a, Pathien Naupa hung inlang san tak chu Diebol sinthawhai a sukbohmang theina dingin a nih.
Chuongchun, Berâmte chu do an ta, chun, Berâmte chu hotuhai Hotu le lalhai Lal a ni leiin anni chu hnêng a tih; chun, a kuoma um, kohai, thlanghai, ringumhai chun hne bawk an tih,” a ti a.
Chun, lalṭhungpha lientak vârtak le a chunga ṭhung chu ka hmu a, a hmaa inthawk chun hnuoi le vân an tlân hmang a, an ta dingin hmun hrim a um ta naw a.