ISAI 4:2 - Pathien Lekhabu Inthieng (BSI)

² Chu ni chun Lalpa kâu chu mawitak le ropuitakin um a ta, Israelhai a la damhai ta ding chun hnuoia rahai chu ṭhatak le mawitakin um a tih.

ISAI 4:2 ပူးပေါင်းရင်းမြစ်များ

INPÂKNA HLABU 67:6

Hnuoi hin a thil ṭo chu a pêk a, Pathien, eini Pathien ngei chun mal mi sâwm a ta.

INPÂKNA HLABU 72:16

Hnuoiah, tlâng chungahai hin bu tamtak um a ta, A vui chu Lebanon angin inhnîng suou suou a ta, Khuoa mihai chu hnuoi hlobet angin inno hlut hlut an tih.

FESUOKNA 28:2

I unaupa Aron ta dingin mawina ding le ropuina dingin silfên inthieng i siempêk ding a nih.

ISAI 11:4

rimsihai chu feltakin ro rêlpêk lem a ta, hnuoia mi thuhnuoirawlhai ta ding chun thlierbîk nei lovin kâwkpêk bawk a tih; a bau hembâwk chun hnuoi hi vuong a ta, a hmûra thuok chun mi rilohai chu that a tih.

ISAI 26:1

Chu nia chun Juda ramah hi hla hi sak an tih; “Khawpui dettak ei nei a, ama chun sandamna chu kul banghai le kulpuihai leh ruot a tih.

ISAI 27:6

Hun la hung tlung dinga chun Jakobhai chun zung kei an ta; Israelhai chu kumûmin pâr an tih; chuongchun, hnuoi chung hi rain suksip an tih.

ISAI 30:23

Chuongchun, ama chun in bu chi hnuoia in tu ding ta ding chun ruotui chu pêng a ta; hnuoia thil mâwnghai chu bu dingin pêng a tih; chu chu ṭhatak, hlâwktak nîng a ta, chu nia chun in ranhai chu ran tlatna hmun lientakahai chun tlâng an tih.

ISAI 45:8

Vânhai, chungtienga inthawk khan infarthlâktir ro, vân dumhai khan felna hung buok thla raw hai se, sandamna an inder dawktir theina dingin hnuoi inhawng sienla, felna leh mâwng hmunkhat raw se; kei Lalpa hin chu chu ka siem a nih.

ISAI 53:2

A hmaa chun thil ṭo innotak angin ama chu ân dâwn suok si a, hnuoi ṭâwla zung angin a hung kak suok bawk a nih; pienken ṭhatna le hmêl mawina hrim hrim a nei naw a, ama ei hmuin ama ei ditna dingin mawina hrim hrim a nei nawh.

ISAI 60:15

Tu khawm isir ngai lo khawpa râusan le theidaa i um aiah kumkhaw suong tak, suon tamtak lâwmnaah siem ka ti che.

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

ISAI 61:11

Leihnuoi hin a thil indâwn chu ân suoktir hlak ang le, huon hin a sûnga thil chînghai chu ân mâwngtir ang hin, Lalpa Pathien chun felna le inpâkna hnam tinrêng hmaa chun ân dertir ding a ni si a.

JEREMIA 23:5

Ngai ta, nihai chu a hung tlung mêk; Lalpa chun a tih: David-a hin kau feltak chu hung inṭotir ka ta, ama chun lal angin rorêl a ta, vartakin thâwng a ta; rama chun rorêlna le felna chu suksuok a tih.

JEREMIA 33:15

Chuong nihaia le, chu huna chun, David kuoma chun felna Kau hung indâwntir ka ta, rama chun rorêlna le felna chu tir suok a tih.

JEREMIA 44:14

chuongchun, Juda la um sun, va mikhuol dinga Aigupta rama va fehai chu tukhawm, Juda ram hung kîr nâwka chêng an inhâwkna rama hung kîr nâwk ding hin suokthleng naw ni hai a, um zing bawk naw ni hai; a suokthlenghai ti chau naw chu tukhawm an hung kîr nâwk âwm si naw a,” tiin.

JEREMIA 44:28

Chuong kâwlhnâma inthawka suokthlenghai, mi tlâwmte chau chu Aigupta rama inthawk chun Juda rama chun hung kîr nâwk an tih; chuongchun, va mikhuol dinga Aigupta rama Juda la um sun va fehai po po khan, keia thu am a ni, anni thu a ieng am a dingchang lema ti hre tâng an tih.

EZEKIEL 34:29

Anni lai chun hming inthang khawp thlâichingna pêng ka ta, chu rama chun ṭâm ifâk zoin um ta naw ni hai a, hnam danghai biekrâwpna chu tuor ta bawk naw nihai.

EZEKIEL 36:8

Nisienlakhawm, nangni, Aw Israel tlânghai, in kauhai chu inzâmdawktir in ta, in rahai chu ka mi Israelhai in pêk ding a nih; hung nghâl el ding an ni si a.

EZEKIEL 7:16

Nisienlakhawm, chutaka lo suokthleng chu suokthleng an ta, vaṭhu angin tlângahai chun um an ta, an rêng el chun sûn an tih, mi tinin mâni suolna seng chu.

JOEL 2:32

Chun, hieng ang hi nîng a ta, tukhawm Lalpa hming lam taphawt chu sanhim nîng an tih; Lalpain a hril ang khan a tlânsuokhai chu Zion tlânga le Jerusalem khuoah an um âwm si a, chu hai lai chun Lalpain a kohai chu ṭhang an tih.”

JOEL 3:18

“Chu ni chun tlâng insânghai chun uoin thlum infartir an ta, tlânghai chu nênetuiin luong a tih, Juda ram vadungtêhai po po chu tuiin luong a ta; Lalpa ina inthawkin tuikhur hung inchik dawk a tih, Sittim varuom chu hung sukhnâwng a tih.

OBADIA 1:17

Zion tlânga ruok chu a tlân suokhai chu um an ta, inthieng a tih; chun, Jakob sûnghai chun an rochan chu chang an tih.

ZEKARIA 3:8

Tuhin thiempu lal aw Josua, nang le i hmaa i rawihai ṭhung hlakhai le chun ngai ta u; inchikna dinga mihai an ni si a; ngai ta u, a Kau, ka siehlaw chu ka hung lâk suok ding a ni si a.

ZEKARIA 6:12

chun, a kuoma chun hril la, ‘Sipaihai Lalpa chun hieng ang hin a tih: Ngai ta, mi pakhat a hming chu Kau a nih; ama chu a hmuna inthawkin hung inṭhang a ta, Lalpa biekin chu hung bâwl a ta:

ZEKARIA 9:17

A ṭhatna chu a va nasa lâwm lâwmin, a mawina chu a va nasa lâwm lâwm de aw! bu chun tlangvâlhai chu sukhlim a ta, uoin thar chun nunghâkhai chu sukhlim a tih.

MALAKI 3:17

Sipaihai Lalpa chun, “Anni chu ka tahai nîng an ta, ro mak bîktak ka siemna nia ngei chun; chun, miin a naupa ama rawngbâwltu chu a hla hlak angin anni chu hlâng ka tih.

MATTHAI 24:22

Chun, chuong nihai chu suktâwi ni naw sien chu mihriem hrim hrim damin suok naw ni hai; nisienlakhawm, thlanghai lei chun chuong nihai chu suktâwi nîng a tih.

LUKA 21:36

Chuongchun, chuong thil hung tlung dinghai po po chu pumpel tlâk le Mihriem Naupa hmaa ngîr tlâka ruot in ni theina dingin, ieng lai khawmin ṭawngṭai pumin ngaiven ro,” a ta.

JOHAN 1:14

Chun, Thu chu taksain a hung inchang a, eini lai a hung um ta a, (Pa nau khât nei ropui angin a ropuizie ei hmu), lunginsietna le thutakin a sip.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.

2 PETER 1:16

Ei Lalpa Isu Krista thilthawthei zie le a hung nâwkna thu chu kan inhriettir lai cheu khan, tienami vartaka ngaituo suok elhai zâwm kan ni naw a, a ropuina hmutuhai kan ni lem in sâwnnaw.