ISAI 38:5 - Pathien Lekhabu Inthieng (BSI)

⁵ “Fe la, Hezekia kuomah hril rawh, ‘ Lalpa, i pu David Pathien chun hieng ang hin a tih. I ṭawngṭâina kha ka hriet a, i mitthlihai khawm ka hmu a, ngai ta, i dam sûng nihai hi kum sâwmpangain suksei ka tih.

ISAI 38:5 ပူးပေါင်းရင်းမြစ်များ

1 LALHAI 15:4

Nisienlakhawm, David leiin Lalpa Pathien chun ama hnunga a naupa la tungdingna ding le Jerusalem khuo inngîr det dingin Jerusalem khuoa chun khâwnvar a pêk a.

1 LALHAI 8:25

Chuongchun, aw Lalpa Israelhai Pathien, i siehlaw ka pa David kuomah, ‘I thlahai chu ka mithmua i um anga ka mithmua um ve dinga an um dâna an fîmkhur phawt chun ka mithmuah Israelhai lalṭhungphaa ṭhung ding tlasam naw ti nih,’ tia i lo tiem ta kha hung hlen la.

2 LALHAI 18:13

Chun, lal Hezekia kum sâwm le kum li ân lal kumin Assuria ram lal Sennakerib chu Judai rama khuo kulpui nei po pohai chu thaw dingin a hang fe a; a lâk ta a.

2 LALHAI 18:2

Ân lal ṭantir chun kum sâwmhni le kum nga mi a nih; chun, Jerusalemah kum sâwmhni le kum kuo ân lal a; a nu hming chu Abi, Zekaria naunu a nih.

2 LALHAI 19:20

Chuong lai chun Amoz naupa Isai chun Hezekia kuomah, “Lalpa Israel Pathien chun hieng ang hin a ti a nih ‘Assuria lal Sennakerib sietna ding tienga ka kuoma i ṭawngṭai kha ka lo hriet,’ tiin, mi a tir a.

2 CHANCHIN SUINA 34:3

Naupang a la ni laiin, a rorêl a kum rietnaa inthawk chun a thlatu David Pathien chu a zawng ṭan a; chun, kum sâwmpahninaa chun Juda ram le Jerusalem chu Asera dâm, milim a kera kerhai dâm, milim a sunga sunghai dâm le bâwlhmun po poa inthawk chun a sukthieng ṭan ta a.

JOB LEKHABU (THE BOOK OF JOB) 14:5

A nihai chu biruot a na, a thla ni zâthai khawm chu nangma kuomah a um a, Nang chun a fe pei thei nawna dingin a ramrihai chu i khang tâk hnung chu.

INPÂKNA HLABU 116:15

A mi inthienghai thina chu, Lalpa ngai chun hlutak a nih.

INPÂKNA HLABU 147:3

Lungriem ithlâkhai chu a sukdam a, An hliemnahai chu a tuom hlak a.

INPÂKNA HLABU 39:12

Aw Lalpa, ka ṭawngṭâina hi ngai la, ka konaa hin na sit la, Ka mitthli tla hi tosan naw rawh: I mikhuol ka na, A mi thlatuhai po po ang khan khuolchâm el ka ni si a.

INPÂKNA HLABU 56:8

Nangin kân vâkvainahai hi în chik hlak a, Ka mitthlihai hi i savun pênga chun thun la. I lekhabuah a chuong tâwl naw am a nih?

INPÂKNA HLABU 6:9

Lalpa chun ka hnina chu a hriet ta si a, Lalpa chun ka ṭawngṭâina chu pawm a tih.

THUHRILTU 3:3

Sukhlum hun le sukdam hun a um a, Ṭhiek hun le bâwl hun a um a;

ISAI 37:21

Chun, chuong lai chun Amoz naupa Isai chun Hezekia kuoma chun mi a tir a, hieng ang hin a hril a, “Lalpa Israelhai Pathien chun hieng ang hin a ti a nih: Assuria lal Sennakerib sietna ding tienga ka kuoma i ṭawngṭai leiin,

ISAI 38:4

Chuongchun, Lalpa thu chu Isai kuoma chun a hung tlung a,

ṬAP HLA 3:56

Ka râwl chu i hriet a, ka khêkna le, kân thuoknaah i na chu suksêt naw la.

MATTHAI 22:32

‘Kei Abraham Pathien, Isak Pathien, Jakob Pathien ka nih,’ tiin Pathien chu mithi Pathien a ni naw a, mi hring Pathien a ni lem,” a ta.

LUKA 1:13

Nisienlakhawm, vântirko chun a kuomah, “Zakaria, ṭi naw, i hni kha hriet a nih, i nuhmei Elizabethin naupasal neipêk a ti che, a hmingah Johan i sak ding a nih.

THILTHAWHAI 27:24

‘Paula, ṭi naw, Kaisar hmaah i ngîr ding a nih; chun, ngai rawh, lawnga i kuoma fehai po po khawm hi Pathienin a pêk che a nih,’ a mi ti a nih.

2 KORINTH 7:6

Nisienlakhawm, inngaitlâwmhai thlamuongtu Pathien chun, Tita hungna chun a mi thlamuong ta a;

THUPUONGSUO 7:17

Berâmte, lalṭhungpha laia um chu an vêngtu nîng a ta, hringna tuikhurahai ṭhuoi a tih; chun, Pathienin an mita inthawk mitthli po po hrufai tâng a tih,” a ta.