ISAI 38:2 - Pathien Lekhabu Inthieng (BSI)

² Chuongchun, Hezekia chu bang tieng ngha chun ân let a, Lalpa kuomah a ṭawngṭai a.

ISAI 38:2 ပူးပေါင်းရင်းမြစ်များ

1 LALHAI 8:30

Chun, i siehlaw le i mi Israelhai hin hi hmun tieng nghaa an ṭawngṭai pha chun an hninahai chu lo ngaipêk hlak la, anih, i chêngna hmun vâna inthawk chun lo ngai la; chun, lo ngaiin ngaidam la.

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a ti a.

INPÂKNA HLABU 91:15

A mi ko pha chun, dawn ka ta, A lunginzîng lai chun a kuomah um ka ta, Ama chu sanhimin chawimawi ka tih.

ISAI 38:1

Chuong lai chun Hezekia chu thi ngamin a na a; Chun, Amoz naupa zâwlnei Isai chu a kuomah a hung a, a kuomah, “ Lalpa chun hieng ang hin a tih, ‘I sûnghai khawsak dân ding rêlpêk rawh; dam suok lovin, i thi ngei ding a ni si a,’ tiin,” a ta.

ISAI 38:3

“Aw Lalpa, i hmaa thutak le lungril ṭha famkim puta ka um hlakzie le, i mithmua thil ṭha ka thaw hlakzie kha, ka hni che hi hre zing raw aw,” a ta. Chun, Hezekia chu a ṭap a ṭap ta a.

MATTHAI 6:6

Nang ruok chun i ṭawngṭaiin, i pindan sûng rilah lût la, i kawt khâr la, i Pa arûka um kuoma chun ṭawngṭai rawh; chuongchun, i Pa arûka hmutu che chun thung a ti che.