ISAI 38:19 - Pathien Lekhabu Inthieng (BSI)

¹⁹ Mi hringin, mi hringin, anni ngei chun vawisûna ka thaw ang hin inpâk an ti che; Pa chun a nauhai kuomah i thutak chu inhriettir a tih.

ISAI 38:19 ပူးပေါင်းရင်းမြစ်များ

INṬANNA 18:19

Lalpa lampui an hraw theina dingin, a hnunga a nauhai le a sûnghai, thil feltaka thaw ding le rorêl anga thaw dinga thu a pêk theina dingin ama chu ka ruot ta si a, a chungchâng thu a hril chu Lalpain Abraham chunga ân tlungtir theina dingin,” a ta.

INPÂKNA HLABU 118:17

Thi naw ning a, dam ka ta, Lalpa thilthawhai chu inhriettir lem ka tih.

INPÂKNA HLABU 119:175

Ka hringna hi hring raw se; chuongchun, ân pâk ding che annâwm, I rorêlnahai khawmin mi ṭhangpui raw se.

INPÂKNA HLABU 145:4

Suon khatin suon dang kâwlah i thilthawhai chu inpâk sâwng pei an ta, I thilthaw ropuitakhai chu inhriettir an tih.

INPÂKNA HLABU 146:2

Ka dam sûng po chun Lalpa chu inpâk ka ta, Ka hring sûng po chun ka Pathien inpâkin hla sak ka tih.

FESUOKNA 10:2

anni lai ngeia inchikna ka thawhai le, Aigupta mihai chu ieng angin am an chungah thil ka thawa ti i naupa le i tupa hrieta ngei khawm i hril theina dingin le; Lalpa chu ka ni ngei ti i hriet theina dingin, ti rawh,” a ti a.

THUHRILTU 9:10

I kutin sinthaw ding a hmu phawt chu i theitâwpin thaw la, i fêna ding thlâna chun varna amanih, hrietthiemna amanih, hlêmna amanih, sinthawna amanih a um ta si naw a.

JOEL 1:3

Chu chu in nauhai hril unla, in nauhai chun an nauhai hril sienla, an nau nâwksâwnghai chun suon dang hril pei raw hai se.

JOHAN 9:4

Sûn a ni laiin a mi tirtu sin ei thaw ding a nih, zân a ni ding a ni ta hi, chu pha chun tukhawmin thaw thei naw ni hai.

DÂN PAHNINA 11:19

Chuong chu in nauhai inchûktir in ta, in ina in ṭhung lai dâmin, lampuia in fe lai dâmin, in zâl lai dâmin, in tho pha khawm in hril hlak ding a nih.

DÂN PAHNINA 4:10

“Horeb tlânga Lalpa in Pathien hmaa ngîr a, Lalpain ka kuomah, ‘Mipuihai chu mi ko khâwm pêk rawh, hnuoia an um sûng poa mi ṭi dân an inchûk theina dingin an nauhai inchûktir dingin ka thuhai lo inhriettir ka tih,’ a mi ti ni khawm kha theinghil rawi in tih.

DÂN PAHNINA 4:9

Chuleiin, fîmkhur unla, nguntakin inenkawl phawt el ro, chuong naw chun, in mita in thil hmuhai chu theinghil in ta, in dam sûngin in lungrila inthawk chun bo hlau rawi a tih; in nauhai le in tuhai chen khawm inchûktir hlak ro.

DÂN PAHNINA 6:7

in nauhai ṭhahnemngaitakin inchûktir in ta, in ina in ṭhung lai dâm, lampuia in fe lai dâm, in zâl lai dâm, in tho huna khawm in hril hlak ding a nih.