ISAI 38:17 - Pathien Lekhabu Inthieng (BSI)

¹⁷ Ngai ta, ka lungmuongna dingin a nih, ninginîpna nasatak ka nei kha; Nisienlakhawm, nang chun ka hringna i lunginsiet leiin, sietna khur sûnga inthawk chu i sanhim ta a; Ka suolhai po po kha i hnungtienga chun i pei vawng si a.

ISAI 38:17 ပူးပေါင်းရင်းမြစ်များ

JOB LEKHABU (THE BOOK OF JOB) 29:18

Chun, ‘Ka bua chun thîng ka ta, Ka nihai chu phaiphin zâtin sukpung ka tih,’ ka ti a.

JOB LEKHABU (THE BOOK OF JOB) 33:24

Ama chun a chunga chun zângaiin, ‘Khur sûnga fenaa inthawkin ama chu sanhim ro, Intlanna ka hmu suok ta a.

INPÂKNA HLABU 10:2

Mi rilohai chapona leiin mi rimsihai chu hnawt zêkin an um hlak a; An thil suol ngaituo suokhaia chun anni ngei âwk raw se.

INPÂKNA HLABU 103:12

Sak le thlang ân hlat angin, Ei bawsietnahai chu ei kuoma inthawkin a sie hmang dai ta a.

INPÂKNA HLABU 103:3

Ama chun i rîtlona po po a ngaidam hlak a, I natna po po a sukdam hlak.

INPÂKNA HLABU 103:4

Bohmangnaa inthawkin i hringna chu ân tlan hlak a, Zainêmna le lainatnahai ân khumtir hlak che a.

INPÂKNA HLABU 30:3

Aw Lalpa, nangin ka hringna hi Seola inthawk chun i ṭhuoi suok a: Khur sûnga ka ṭum nawna dingin, nangin i mi hum dam si a.

INPÂKNA HLABU 40:2

Bohmangna khura inthawkin, chirhak inhnâktaka inthawk chun a mi khai suok ta a: Chun, ka ke chu lungpui chungah ân nghat a, ka ke pênhai chu a sukdet a.

INPÂKNA HLABU 55:23

Nisienlakhawm, aw Pathien, nangin anni chu bohmangna khura chun infe thlâktir i ta, Thisen insuo hmang ke le hlêm hmang mihai chu an dam sûng chenve khawm dam naw ni hai: Kei ruok chun nang chu ring ka ti che.

INPÂKNA HLABU 85:2

I mihai rîtlona i ngaidam a, An suolna po po chu în khum zo tah.

INPÂKNA HLABU 86:13

Ka chunga i ngilneina chu a nasain; Ka hringna hi khursûng hnuoihnungtaka inthawkin i sanhim si a.

ISAI 38:15

Ieng am hril ka ti aw? ama chun a mi biek a, ama bawk chun a thaw ta a: Ka hringna ninginîp lei khan ka dam sûng kum po poa chun damtêtein fe dîm dîm tâng ka tih.

ISAI 43:25

Kei, keima ngeiin, keima le keima lei ngawta in bawsietnahai thaihmang hlaktu chu ka nih; in suolnahai khawm hre zing naw ning.

JEREMIA 31:34

chun, mi tinin mâni tuolbâwmhai chu inchûktir ta naw ni hai a, mâni unauhai seng leh; “Lalpa chu hre ro,” tiin inchûktir ta naw ni hai, anni a chîn taka inthawka a lien tak chenin kei an mi hriet vawng ta ding a nih, Lalpa chun a tih: an bawsietnahai chu ngaidam ka ta, an suolna khawm hre zing ta naw ning.

JONA 2:6

Tlâng bul tâwp rêthaia chun ka zu fe a, Hnuoi chun kumkhawa dingin a kalnahai chun a mi khâr khum a; Amiruokchu, nangin aw Lalpa ka Pathien, khursûnga inthawk chun ka hringna chu i lâk suok a nih.

JONA 2:7

Ka hringna chu ka sûnga a chau lai chun, Lalpa chu ka hriet zing a; Ka ṭawngṭaina chu i biekin inthienga chun i kuomah a hung tlung a nih.