ISAI 37:6 - Pathien Lekhabu Inthieng (BSI)

⁶ Isai chun an kuomah, “In pu kuoma chun hieng ang hin in hril ding a nih, ‘Lalpa chun hieng ang hin a tih, I thu hriet, Assuria lal siehlawhaiin an mi hrilsietnahai kha ṭi naw rawh.

ISAI 37:6 ပူးပေါင်းရင်းမြစ်များ

FESUOKNA 14:13

Mosie chun mipui kuoma chun, “Ngîr ṭawk ṭawk unla, ṭi naw ro, Lalpa sandamna, in ta dinga vawisûn a thaw ding chu en el ro; vawisûna Aigupta mi in hmuhai hi kumkhuoin in hmu nâwk ta naw ding a ni si a.

ISAI 35:4

Lungril dâwihai kuoma chun, “Hrâttakin um unla, ṭi naw ro, ngai ta u, in Pathien chu phubalâkna leh hung a tih, Pathien thungna le chun; hung a ta, sandam a ti cheu,” ti ro.

ISAI 37:5

Chuongchun, lal Hezekia siehlawhai chu zâwlnei Isai kuoma chun an hung a.

ISAI 51:7

Felna hretu, ka dân thu lungrila vawn mihai, ka thu hi lo ngai ro, mihriemhai hrilsietna ṭi naw unla, an halna cheu leiin lunginzîng bawk naw ro.

ISAI 7:4

a kuomah, ‘Fimkhur la, um ṭawk ṭawk rawh, meiser bawng khu mei mei pahni, Suria le Rezin le Remalia naupa lunginsenna nasatak chu, ṭi naw la, i lungril chu inlau naw raw se.

LEVI DÂN 26:8

Mi pangain za hnawt in ta, mi zain sîng hnawt in ta; in hmêlmahai chu in hmaah kawlhnâma thatin um an tih.

MARKA 4:40

Chun, ama chun an kuomah, “Iengdinga chuong bêk bêka ṭi am in na? Ringna hrim in la nei naw a ni maw?” a ta.

MARKA 5:36

Isu ruok chun, an thu hril chu ngaisak lovin inkhâwmna in hotu kuoma chun, “Ṭi naw, awi el rawh,” a ta.

JOSUA 11:6

Chun, Lalpain Josua kuomah, “Anni leiin ṭi naw rawh, zîngah hieng tik phât hin anni chu sukhlum sa vawngin Israelhai chu ka hung pêk el ding a nih; an sakawr thahai chu sat pêk i ta, an tawlailîrhai chu i raw el ding a nih,” a ta.