ISAI 37:4 - Pathien Lekhabu Inthieng (BSI)

⁴ Rabsake, a pu Assuria lalin Pathien hring hrilse dinga a itirpa thuhrilhai chu Lalpa i Pathienin a naa a hriethai chun la kâwk ngei a tih; chuleiin, hlabîka la umhai ta ding hin i ṭawngṭâina chu hang inhlân rawh,’ a ti a,” an ta.

ISAI 37:4 ပူးပေါင်းရင်းမြစ်များ

2 SAMUEL 16:12

Lalpa chun ka rimsikzie hi hung hmûng a ta. Lalpa chun vawisûna hienga ṭawngsie a mîn phur hi a ṭha tiengin a mi hung thung el khawm a ni thei a nih,” a ta.

2 LALHAI 17:18

Chuleiin, Lalpa chu Israelhai chunga chun a lung a sen ta êm êm a, a mithmu phâk nawah a sawn hmang dai ta a; Juda hnam chau naw chu um an um ta naw a.

2 LALHAI 19:4

A pu Assuria lalin Pathien hring hming hrilse dinga a tir Rabsake thuhrilhai po po chu, Lalpa i Pathien chun hrieng a ta, a thuhril, Lalpa i Pathienin a thu hriet chu a la kâwk rawi mawh; chu chu lei chun a la um sunhai chu ṭawngṭaipêk rawh,’ a ti che,” an ta.

2 CHANCHIN SUINA 28:19

Israel lal Ahaz leiin, Lalpain Judahai chu a hung suktlâwm a; ama chu Judahai chunga nuomtâwka a khawsak lei le Lalpa chunga a bawsiet nasa êm leiin.

2 CHANCHIN SUINA 34:21

“Fe unla, kei le, Juda le Israel rama mâksana la umhai ta ding hin lekhabu hmu suoka um thu ang khan Lalpa mi hung râwnpêk ta u; lekhabua ziek po po, ang taka thaw dinga, ei thlatuhai chun Lalpa thu chu an lo pawm ta naw lei khan, Lalpa lunginsenna ei chunga bunthlâka um hi a nasa a nih,” tiin.

INPÂKNA HLABU 106:23

Chuleiin, sukbohmang rawi a tih, tia, a lunginsen sukkîr dingin, A mi thlang Mosie chu a lûtna dinga chun a hmaah ngîr naw sien lem chu, Sukbohmang a tih, ti a hril a.

INPÂKNA HLABU 50:21

Chuong thil chu i thaw a; nisienlakhawm, ka to zing a; Chuongchun, nangma ang charah i mi ruot hlak a, Nisienlakhawm, kâwk ka ti che a i mithmuah indawt peiin suklang ka tih.

ISAI 1:8

Zion naunu chu grêp huona vêngbûk ang le, fanghma huona ṭu ang le, khawpui inhuolvêl anga mâksanin a um tah.

ISAI 1:9

Sipaihai Lalpa chun hlabîkhai tlâwmte mi lo hlapêk naw sienla chu Sodom ang khan um dai tâng ei ta, Gomorra ang el khan um tâng ei tih.

ISAI 10:20

Chun, chu ni chun, Israelhai hlabîkhai le Jakob sûnghai laia a la dam sunhai chun anni thattu chu ring nâwk ta naw ni hai a; Lalpa Israelhai Mi Inthieng chu, titakzetin ring lem tâng an tih.

ISAI 10:22

I mi Israelhai chu tuisuoriet phaiphin zâtin um hai sien khawm, a la um sunhai chau chu an kîr nâwk ding a ni si a; felna luong liemna suksietna chu tlung dinga ruot tlat a nih.

ISAI 11:11

Chun, chu nia chun Lalpa chun a mihai, a thi mahla la um sun, Assuria rama inthawk dâmin, Aigupta rama inthawk dâmin, Pathros rama inthawk dâmin, Kus rama inthawk dâmin, Elam rama inthawk dâmin, Sinar rama inthawk dâmin, Hamath khuoa inthawk dâmin, tuisuoriet thlierkâra inthawk dâma la nâwk dingin a vawi hninaa chun a kut la phar nâwk a tih.

ISAI 36:13

Chun, Rabsake chu a ngîr a, Juda ṭawngin râwl inringtakin a khêk a, “Lal ropuitak Assuria lal thuhai hi lo ngai ro.

ISAI 36:18

Lalpain mi sandam a tih, tîn, Hezekia hin thlêm hlau rawi a ti cheu, fîmkhur ro. Hnam tin pathien laia mi hrim hrimin an ram chu Assuria lala inthawkin an sanhim ta hlak am a nih?

ISAI 36:20

Chuong ram pathienhai po po laia mi chun tuhaiin am an ram keimaa inthawkin an sanhim ta hlak leh? Lalpa chun Jerusalem hi keimaa inthawk hin sanhim uok a ti maw?’ tiin,” a ta.

ISAI 37:17

Aw Lalpa, i na hung sit la, ngai ta; aw Lalpa, i mit meng la, en ta; Pathien hring hi hrilse dinga mihai tirtu Sennakerib thuhai po po hi ngai ta.

ISAI 37:31

Chun, Juda sûnghai laia a la dam sunhai chu a suktienga zungkeia, a tungzâwnga rain um nâwk a tih.

ISAI 37:32

Jerusalema inthawkin a la um sunhai chu suok an ta, Zion tlânga inthawkin a la dam dinghai chu suok bawk an tih; sipaihai Lalpa ṭhahnemngaina chun chuong chu thâwng a tih.

ISAI 37:5

Chuongchun, lal Hezekia siehlawhai chu zâwlnei Isai kuoma chun an hung a.

ISAI 41:14

Nang chawkchawnâl Jakob le Israel mihai, ṭi naw ro, ṭhangpui ka ti cheu, Lalpain a tih, nangni intlantu cheu chu Israelhai Mi Inthieng chu a nih.

ISAI 46:3

Aw Jakob sûnghai le, Israel sûnghai laia hlabîkhai po po, phînga inthawka ka puok a, sula inthawka ka pawm tahai, ka thu hi lo ngai ro;

JEREMIA 26:19

Juda ram lal Hezekia le, Juda mihai po po chun ama chu an that el am a nih? Lalpa chu a ṭi a, Lalpa ditsakna chu a hni a; chuongchun, Lalpa chun an chunga thil ṭha naw a lo hril ta kha a lamlêt a ni nâwm a ni kha? Chuong a ni chun eini thlatuhai ta ding ngeiin thil ṭha nawtak ei thaw a ni ding a nih,” an ti a.

JEREMIA 42:2

zâwlnei Jeremia kuoma chun hieng hin an hril a, “Kan ngên che hi, kan hninahai hi i hmaa chun pawm ni raw se; hieng tuta la mahlahai po po ta ding hin, Lalpa i Pathien kuoma chun kan ta dingin ṭawngṭai rawh; i mitin a hmu chie ang hin, tamtak kha tlâwmte chau hi hlain kan um a nih;

DANIEL 2:18

Babulona mi var danghai lai chun Daniel le a ruolhai chu an thi ve nawna dinga, hi thurûk chungchâng thua hin vâna Pathien zângaina chu an ngên theina dingin.

JOEL 2:17

Thiempu, Lalpa rawngbâwltuhai chu, tuolpûk le maichâm inkâra chun ṭap sienla, “Aw Lalpa i mihai hla la, i rochanhai hi hrilsieta uma hnamhaiin an chunga ro an rêlpêk dingin pe naw rawh: ‘An Pathien chu khâw lai am a um ta leh,’ tiin an mipuihai lai chun ieng dingin am tîng an ta?” ti raw se.

AMOS 5:15

Suolna chu theida unla, ṭhatna ngaina unla, kawtkhâra rorêlna chu inngîr nghet ro; Josefhai laia hlabîkhai chunga chun Lalpa, sipaihai Pathien chun lunginsietna a nei el rawi mawh.

AMOS 7:2

Chun, chu rama hlohna chu an fâk zo hnungin, “Aw Lalpa PATHIEN, ngaidam rawh, ka ngên che hi; Jakob chu iengtin am ngîr thei a ta, ama a chîn si a?” ka ti a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:27

Isai khawma Israelhai thu khêkpuiin, “Israel mihai chu tuisuorieta phaiphin zâtin tam hai sien khawm, a ihrem bâk chau chu sandamin um an tih.

JAKOB 5:16

Chuongchun, sukdama in um theina dingin in suolhai thupha inchawi tuo unla, in ṭawngṭaipêk tuo hlak ro.

JOSUA 14:12

Chuongchun, hi tlâng Lalpain kha nia a lo hril ta kha mi pe el ta la, khânga Anakim mihai an um a, an khawpuihai khawm a ropuiin kula inhuon khup a nih ti kha nia khan i hriet kha, Lalpa chun mi umpuiin, anni chu ka hnawt suok thei rawi mawh, Lalpain a lo hril ta ang khan,” a ta.

1 SAMUEL 12:19

Chun, mipui po po chun Samuel kuoma chun, “Kan thi nawna dingin Lalpa i Pathien kuoma chun i siehlawhai hi mi ṭawngṭaipêk rawh, hi thil ṭha nawtak, lal kan lo hni hi, kan suol po po belsatu a ni ta hi,” an ta.

1 SAMUEL 12:23

Chu chau khawm chu a ni naw a, in ta dinga ṭawngṭai ma a, Lalpa chunga suol chu keia ta ding khawma a âwm naw tawp a nih; lampui ṭha le lampui indik khîkhmu pei lem ka ti cheu.

1 SAMUEL 14:6

Chun, Jonathan chun, a râlthuom chawitu tlangvâl kuoma chun, “Hung rawh, sertan lo sipaihai umnaa sawn va fêng ei tih; Lalpa chun thil a mi thawpêk khiet rawi mawh; Lalpa ta ding chun a tam amanih, a tlâwm amania sandam chu iengkhawm a thei nawna a um chuong si naw a,” a ta.

1 SAMUEL 17:26

Chun, David chun a kâwla ngîrhai kuoma chun, “Hi Philistin mi hi sukhlum a, Israelhai hmingsietna sukbotu chu iengti anga thaw ding am nîng a ta? Hi sertan lo Philistin mi hi tu am a na Pathien hring sipaihai a hei cho vei chu?” a ta.

1 SAMUEL 17:36

I siehlaw hin sakeibaknei le savawm khawm ka sukhlum ve ve ta hlak a; chu sertan lo Philistin mi chu anni ang bawk chun um ve el a ti maw le, Pathien hring sipaihai a cho vei a,” a ta.

1 SAMUEL 7:8

Chuongchun, Israel mihai chun Samuel kuoma chun, “Philistin mihai kuta mi sandam dinga Lalpa i mi kopêk chu ma naw raw khai,” an ta.