ISAI 37:20 - Pathien Lekhabu Inthieng (BSI)

²⁰ Chuleiin, aw Lalpa kan Pathien, nang hi, nang chau hi, Lalpa i nih ti leihnuoi hluo ram po po hin an hriet theina dingin annia inthawk hin mi sandam rawh,” tiin.

ISAI 37:20 ပူးပေါင်းရင်းမြစ်များ

1 LALHAI 8:43

nangin i umna vâna inthawkin lo ngai la, hnam dang mi chun a hni ang che chu lo thawpêk rawh; i mi Israelhai ang bawka khawvêla hnam tinin i hming an hriet a, an ṭi che a, hi ka in bâwl hin i hming a put a nih ti an hung hriet theina dingin.

1 LALHAI 8:59

Chun, a siehlaw thua le a mi Israelhai thua hin a mi zir ang peiin a châng theina dingin hieng ka thuhril, Lalpa hmaa hnina kân tlunhai hi sûn le zânin ei Pathien Lalpa hmaa chun châm zing raw se:

1 LALHAI 8:60

Lalpa hi Pathien a na, tukhawm dang an um nawh ti khawvêla hnam tinin an hung hriet theina dingin.

INPÂKNA HLABU 46:10

To unla, Pathien ka nih ti hi hre ro, Hnam tin lai chawimawiin um ka ta, hnuoia hin chawimawiin um ka tih.

INPÂKNA HLABU 59:13

Annirawi chu lunginsenin sukbohmang la, an um ta nawna dingin sukbohmang rawh, Pathienin Jakobrawi chungah ro a rêl ti hre tâwl raw hai seh, Leihnuoi tâwp chenin.

ISAI 25:9

Chun, chu nia chun, “Ngai ta u, hi hi ei Pathien a ni hi, ama hi ei nghâk zing a; chuongchun, ama chun mi sandam a tih: hi hi Lalpa chu a ni hi; ama hi ei nghâk zing a, a sandamnaa chun hlimin lâwm ei tih,” tîng an tih.

ISAI 33:22

Lalpa chu ei rorêltu a na, Lalpa chu dân mi petu a nih; Lalpa chu ei lal a na, ama chun mi sandam a tih.

ISAI 35:4

Lungril dâwihai kuoma chun, “Hrâttakin um unla, ṭi naw ro, ngai ta u, in Pathien chu phubalâkna leh hung a tih, Pathien thungna le chun; hung a ta, sandam a ti cheu,” ti ro.

ISAI 37:16

“Aw sipaihai Lalpa, Israel Pathien, cherubhai chunga ṭhung, nang hi, nang chau hi, hnuoi chunga um po pohai Pathien chu i nih, nang chun hnuoi le vân hi i siem a nih.

ISAI 42:8

Lalpa chu ka nih, chu chu ka hming a nih; ka ropuina hi mi dang kuomah pe naw ningah a, inpâk ka hlawna hi milim siem fâwmhai kuomah pe bawk naw ning.

ISAI 45:5

Kei hi Lalpa chu ka na, a dang hrim an um nawh, keima naw chu Pathien hrim hrim an um nawh, mi hre ngai naw la khawm i kâwng khitpêk ka ti che:

EZEKIEL 36:23

Chun, ka hming ropuitak chu, hnamhai laia sukpawrchea lo um tah, anni laia in lo sukpawrche ta chu sukthieng ka ta; chuongchun, hnamhai chun Lalpa chu ka nih, ti mi hre tâng an tih, Lalpa Pathien chun a tih; an mithmua nangnia sukthienga ka um pha chun.

EZEKIEL 39:21

Chun, ka ropuina chu hnamhai laia chun sieng ka ta, chuongchun, hnam po pohai chun rorêlna ka suktlung ta le, an chunga ka kut kân nghat chu hmûng an tih.

JOEL 2:17

Thiempu, Lalpa rawngbâwltuhai chu, tuolpûk le maichâm inkâra chun ṭap sienla, “Aw Lalpa i mihai hla la, i rochanhai hi hrilsieta uma hnamhaiin an chunga ro an rêlpêk dingin pe naw rawh: ‘An Pathien chu khâw lai am a um ta leh,’ tiin an mipuihai lai chun ieng dingin am tîng an ta?” ti raw se.

MALAKI 1:11

Nisa suoknaa inthawka a tlâkna chenin Jentailhai lai hman ka hming hi a ropui a na; hmun tinahai chun riminhnik dâm ka hminga inhlân a na, thil inthieng inhlân leh; Jentailhai lai hman ka hming chu a ropui si a, sipaihai Lalpa chun a tih.