ISAI 36:8 - Pathien Lekhabu Inthieng (BSI)

⁸ Chuongchun, ka hni che hi, ka pu Assuria lal kuoma chun thu tiem rawh, chuongchun, keiin sakawr sâng hni pêng ka ti che, nangin a chunga chuongtu dinghai i ngaituo thei ding phawt chun.

ISAI 36:8 ပူးပေါင်းရင်းမြစ်များ

1 LALHAI 20:10

Chun, Benhadad chun a kuomah mi a tir nâwk a, “Ka hnungzuituhai po po hin Samari khaw pilvut veikhat chau khawm an changkim thei ding chun pathienhaiin an law law mi law hai sienla, chu nêka nasa khawm a,” a ta.

1 LALHAI 20:18

Ama chun, “Inrem tuma hung an ni chun a hringin lo man unla, indo tuma hung an ni chun a hring bawkin lo man ro,” a ta.

2 LALHAI 14:14

Chun, Lalpa ina mi le, lal ina ro siekhâwmnaa mi, rângkachak le tangka le bûr le bêlhai a um taphawt chu a lâk a, hrêna intâng dinghai leh; chun, Samari khuo tieng chun a fe nâwk ta a.

2 LALHAI 18:13

Chun, lal Hezekia kum sâwm le kum li ân lal kumin Assuria ram lal Sennakerib chu Judai rama khuo kulpui nei po pohai chu thaw dingin a hang fe a; a lâk ta a.

2 LALHAI 18:23

Chuongchun, ka pu, Assuria lal le chun thu intiem ro, chuongchun, sakawr sâng hni pêng ka ti che, a chunga chuongtu dinghai i hmu thei ding phawt chun.

ISAI 36:2

Chun, Assuria lal chun Rabsake chu sipaihai tamtak ṭhuoiin Lakis khuoa inthawkin Jerusalema lal Hezekia kuoma chun a tir a. Chun, dîl sakhnung lem tuilâkna kâwla puon sâwptu phûl lamliena chun a ngîr a.

ISAI 36:7

Annawleh, ka kuomah, Lalpa kan Pathien chu a nih kan ring chu, i ti chun, ama chu Hezekia chun Judahai kuoma le Jerusalem mihai kuomah, Hi maichâm hmaa chau hin inbiek ding a nih, tiin, a bâwlhmun le a maichâmhai a lâk hmangpêk kha a ni nâwm a nih?

ISAI 36:9

Iengtin am tawlailîrhai le sakawr chung chuong mihai tieng thuah Aigupta chunga i ringna innghatin, ka pu siehlaw chîn takhai laia hotu pakhat khawm hi i dang zo ding am a nih?