ISAI 36:7 - Pathien Lekhabu Inthieng (BSI)

⁷ Annawleh, ka kuomah, Lalpa kan Pathien chu a nih kan ring chu, i ti chun, ama chu Hezekia chun Judahai kuoma le Jerusalem mihai kuomah, Hi maichâm hmaa chau hin inbiek ding a nih, tiin, a bâwlhmun le a maichâmhai a lâk hmangpêk kha a ni nâwm a nih?

ISAI 36:7 ပူးပေါင်းရင်းမြစ်များ

2 LALHAI 18:22

Annawleh ka kuomah, Lalpa kan Pathien chu a nih ka ring chu, in ti chun, ama chu Hezekia chun Judahai le Jerusalem mihai kuoma Jerusalem khuoa hi maichâm hmaa hin in biek ding a nih, tiin bâwlhmunhai leh a maichâmhai a lâk hmangpêk kha a ni naw am a nih?’ tiin.

1 CHANCHIN SUINA 5:20

Anni chunga chun ṭhangpuiin an uma, Hagar mihai chu an kuta pêkin an um ta a; anni le um po pohai le chun; indonaa chun Pathien chu an ko a, ama chun anni chu a dawn a, anni chun amaa chun ringna an innghat si a.

2 CHANCHIN SUINA 30:14

Chun, an tho a, Jerusalema maichâm umhai le, riminhnik râwna maichâmhai po po chu an lâk a, Kidron vadungtêa chun an pei ta a.

2 CHANCHIN SUINA 31:1

Chun, hieng thil po po hi zo a ni hnung chun, Israel chutaka umhai po po chu Juda khawpuiahai chun an fe a, lungphunhai chu an suknâwi a, Asera chu an phûrthlûk a; Benjamin le Juda ram po poa bâwlhmunhai le maichâmhai chu an vuok chim vawng a; Ephraim le Manasse rama khawm, a rênga an suksiet vawng hmakhat chun an thaw pei a. Chu, Israel mipuihai chu, mi tin mâni hmun nei sengah, mâni khawpui sengah an kîr ta a.

2 CHANCHIN SUINA 32:12

Hi Hezekia bawk hin bâwlhmunhai le maichâmhai chu a lâkhmangin, Juda ram le Jerusalema mihai chu, maichâm pakhat hmaa chun Pathien chibai bûk in ta, a chunga chun riminhnik khawm in raw ding a nih, tia thu pe kha?

INPÂKNA HLABU 42:5

Aw ka hringna, iengdinga i kûn zing am? Iengdinga ka sûnga hin i buoi am a na? Pathien beisei rawh, a hmêla damna lei chun, Ama chu ka lân pâk ding a ni si a.

ISAI 36:8

Chuongchun, ka hni che hi, ka pu Assuria lal kuoma chun thu tiem rawh, chuongchun, keiin sakawr sâng hni pêng ka ti che, nangin a chunga chuongtu dinghai i ngaituo thei ding phawt chun.

1 KORINTH 2:15

Thlarau mi ruok chun thil iengkim a hriet chieng hlak, ama hlak chu tûkhawmin an hriet chieng si nawh.