ISAI 36:6 - Pathien Lekhabu Inthieng (BSI)

⁶ Ngai ta, hi luong hmawl pawr, Aigupta hi, i ring a ni hi, chu chu miin a ringsan chun a kutah sunlût ngei a tih; Aigupta lal Pharao chu ama ringtuhai po po chunga chun chuong ang chu a ni hlak.

ISAI 36:6 ပူးပေါင်းရင်းမြစ်များ

2 LALHAI 17:4

Chun, Assuria lal chun Hosea in a phier rûk thu a lo hriet a, Aigupta lal So kuomah mi a tir bawk a, kum tina a pêk hlak ang khan Assuria lal chu sie chu a pêk ta bawk si naw a; chuleiin, Assuria lal chun intângna inah khuop pumin a khum ta a.

2 LALHAI 18:21

Ngai ta, hi luong hmawl pawr Aigupta hi i ring a ni âwm a; chu chu miin a ringsan chun a kutah sun a tih, Aigupta lal Pharao chu ama ringtuhai po po chunga chun chuong ang chu a ni hlak a nih.

INPÂKNA HLABU 146:3

Mi lienhai chu ring naw unla, Mihriem naupa ṭhangpuina hrim hrim um nawna chu, ring bawk naw ro.

THUVARHAI 25:19

Buoina hun laia mi ringum naw chunga ringna innghat hi, Ha tlam le, ke ru suktuona inpel ang a nih.

ISAI 31:1

Aigupta rama ṭhangpuina zawnga zu fe a, sakawrhai chunga ringna innghat a, a tam leia tawlailîrhai le an hrât êm leia sakawr chunga chuong mihai ring a, Israelhai Mi Inthieng tieng en si lova, Lalpa khawm râwn si lohai chu an chung a rik ie!

ISAI 31:3

Aigupta mihai chu Pathien an ni naw a; mihriem el an na; an sakawrhai chu thlarau an ni naw a, tisa el an na; chuongchun, Lalpain a kut a phar pha chun a ṭhangpuitu chu pêm thlawk thlawk a ta, a ṭhangpuina khawm chu tlûng a ta, an rêng chun bohmang vawng lem an tih.

EZEKIEL 17:17

Mi tamtak chu sât thla dinga kulhai bâwla, tlângpâwnghai siema an um pha chun, Pharao le a sipai pâwl thilthawtheitakhai le, a pâwl ropuitakhai chun indonaa dingin iengkhawm thawpêk naw ni hai.

EZEKIEL 29:16

Anni chu enkawl dinga an hung kîr pha, suolna chu hriet zing dinga siemin, Israel sûngkuoa chun ringumna hrim um ta naw ni a; chun, Lalpa Pathien chu ka ni ti mi hre tâng an tih, ” tiin.