ISAI 36:20 - Pathien Lekhabu Inthieng (BSI)20 Chuong ram pathienhai po po laia mi chun tuhaiin am an ram keimaa inthawkin an sanhim ta hlak leh? Lalpa chun Jerusalem hi keimaa inthawk hin sanhim uok a ti maw?’ tiin,” a ta. အခန်းကိုကြည့်ပါ။ |
Chun, Pathien mi chun Israel lal chu a va hnai a, a va biek a, a kuomah, “Lalpain hieng ang hin a tih, ‘Suria mihaiin Lalpa chu tlânghai pathien a na, ruom pathien chu a ni naw an ti a nih; chuleiin, hieng mipui tamtakhai hi i kutah ka pêk ding a nih; chuongchun, kei hi Lalpa chu ka nih ti hrieng in tih,’ tiin,” a ta.
Chuleiin, tuhin Hezekia hin hlêm naw raw se cheu, hieng ang kawng hin thlêmthlu bawk naw raw se cheu, nangni khawma ring hrim hrim naw ro; ka thlatuhai le keima kuta inthawk hin, tu ram amanih, tu hnam amani pathien chun a mihai chu a sansuok thei hrim hrim ngai si naw a; ka kuta inthawk hin in Pathien chun a va sansuok thei âwm naw cheu de aw!’ ” tiin.
tuhin tawtawrâwt dâm, theihle dâm, ṭingṭang dâm, rawsem dâm, perkhuong dâm, baza le rimawi tinrêng ri chu in hriet pha pha, in bawkkhupa milim ka siem chu chibai in bûk ding chun a ṭha; amiruokchu, chibai in bûk naw chun, chu dârkâr sûng ngeia chun meithuk chawklai râpthlâktaka chun peiin um in tih; ka kuta inthawka sansuok ding cheu pathien chu tu am a ni leh?” a ta.