ISAI 36:16 - Pathien Lekhabu Inthieng (BSI)

¹⁶ Hezekia thu ngai naw ro, Assuria lal chun hieng ang hin a hril si a, Mîn rempui unla ka kuoma hin hung suok ro, mi tinin mâni grêp hruia mi le mi tinin mâni theichang kûnga mi fa seng unla, mi tinin mâni tuikhur tui dâwn seng ro:

ISAI 36:16 ပူးပေါင်းရင်းမြစ်များ

INṬANNA 32:20

‘Chun, ngai ta, i siehlaw Jakob chu kan hnunga sawn a um,’ ti bawk unla,” tiin thu a pêk seng a. “Lâwmman ka hmaa fe hin a lung sukdam ka ta, chu hnunga chun a hmêl hmûng ka tih; chuongchun, mi lo lâwm el a tih,” a ti a nih.

INṬANNA 33:11

Pathienin a mi lunginsiet a, ka nei ṭeu leiin lunginsiettakin ka thil hung pêk che hi chu pawm rawh,” a ta. Chuong ang chun a thlêm a, ama chun a pawm ta a.

2 SAMUEL 8:6

Chuongchun, David chun Suria rama Damaskaa chun sipaihai a sie a; chuongchun, Suria mihai chu David siehlawhai an hung ni ta a, thilpêkhai an hung pêk hlak a. Chun, Lalpain David chu a fena tieng taphawta chun ân hnetir pei a.

1 LALHAI 4:20

Judahai le Israelhai chu tuisuoriet pang ṭieu phaiphin zât zetin an tam a: an fâkin an dâwn a, hlimtakin an um hlak a.

1 LALHAI 4:25

Chun, Solomon dam sûng po chun Judahai le Israelhai chu Dana inthawka Beer-seba khuo chenin mi tin mâni grêphrui bula le mâni theichang kûng bula chun lungmuongtakin an um seng a.

2 LALHAI 18:31

Hezekia thu chu pawm naw ro, Assuria lal chun hieng ang hin a ti a nih: Mîn rempui unla, ka kuomah hung thla ro, mi tinin mâni grêp hruia mi le, mâni theichang kûnga mi fa seng unla, mi tinin mâni tuikhur tui tlân seng ro:

2 LALHAI 5:15

Chun, Pathien mi kuoma chun ama le a ruolhai po po leh an hung kîr nâwk a, a hmaa chun a ngîr a; ama chun, “Tuhin ngai ta, hnuoi chung po poah, Israel rama chau naw hin chu Pathien a um nawh ti ka hriet tah; chuleiin, tuhin ka ngên che a nih, i siehlaw thilpêk hi la rawh,” a ta.

THUVARHAI 27:18

Tukhawm theichang kûng enkawl chun, chutaka a ra chu fâng a ta, A hotu lo nghâk zingtu chu chawimawi ni bawk a tih.

THUVARHAI 5:15

I tuibêl ngeia tui le, I tuisunsuo ngeia tui luong chu dâwn rawh.

ISAI 36:17

ka hunga nangni ram anga bei le uoin umna ram, bei le grêp huonhai umna rama ka fepui hmâkhat cheu chun.

MIKA 4:4

Mi tinhai chu an grêp hrui hnuoia le an theichang kûng hnuoiah ṭhung lem an ta, tukhawma sukṭi naw ni hai; sipaihai Lalpa bau chun a hril ta a.

ZEKARIA 3:10

Chu nia chun, theichang kûng le grêphrui hnuoia chun nangni mi tin chun mâni tuolbâwmhai chu ko tâng in tih,” sipaihai Lalpa chun a tih.

2 KORINTH 9:5

Chuleiin, unauhai hi, thilpêk in itiemlâwk kha lo siem lâwk dinga in kuoma hung hmasa dinga ngên ṭulin ka ring a nih, chu ngei chu lâkpêk ang ni lova, phal taka pêk ang lemin inzosaa a lo umna dingin.

1 SAMUEL 11:3

Chun, Jabes khuoa upahai chun a kuomah, “Israel ram po poa mi kan hang tir theina dingin ni sari mi la ngai phawt rawh; chutaka a mi sandam ding tukhawm an um naw chun i kuomah hung suok el kan tih,” an ta.

1 SAMUEL 25:27

Chun, hi ka pu ta dinga i siehlawin lâwmman ka hung chawi hi ka pu hung zuitu tlangvâlhai hi pêk ni raw se.