ISAI 36:13 - Pathien Lekhabu Inthieng (BSI)

¹³ Chun, Rabsake chu a ngîr a, Juda ṭawngin râwl inringtakin a khêk a, “Lal ropuitak Assuria lal thuhai hi lo ngai ro.

ISAI 36:13 ပူးပေါင်းရင်းမြစ်များ

2 CHANCHIN SUINA 32:18

Chun, khawpui chu an lâk el theina dingin Jerusalema mi umhai, kula umhai chu suklâu ding le, sukbuoi dingin Juda ṭawngin râwl inringtakin an khêk khum a.

ISAI 36:11

Chun, Eliakim le Sebna le Joa hai chun Rabsake kuomah, “Kan hni che hi i siehlawhai hi Suria ṭawngin mi be ta rawh, chu chu kan hriet thei si a; kul bang chunga mihai na hrietah Juda ṭawngin mi be ta naw raw khai,” an ti a.

ISAI 36:12

Nisienlakhawm, Rabsake chun, “Ka pu chun in pu kuom chau le in kuom chaua hieng thu hi hril dingin a mi tir am a nih? Kul bang chunga ṭhunghai, nangni le mâni êk la fa dinghai le mâni zun la dâwn dinghai kuoma hin a mi tir lem a ni nâwm a nih?” a ta.

ISAI 36:4

Chun, Rabsake chun an kuomah, “Hezekia kuoma chun hieng ang hin hril ro, ‘Lal ropuitak Assuria lal chun hieng ang hin a tih, I ringna în nghatna hi ieng am a ni leh?

ISAI 37:4

Rabsake, a pu Assuria lalin Pathien hring hrilse dinga a itirpa thuhrilhai chu Lalpa i Pathienin a naa a hriethai chun la kâwk ngei a tih; chuleiin, hlabîka la umhai ta ding hin i ṭawngṭâina chu hang inhlân rawh,’ a ti a,” an ta.

ISAI 8:7

ngai ta, Lalpa chun Vadungpui tui, hrâttakhai le tamtakhai, (Assuria lal le a ropuina po po chu) an chungah inluongtir a tih; chuongchun, a kuong po po chu hung liem dûl dûlin, a pang po poa chun hung liem dûl dûl a tih;

DANIEL 4:37

Tuhin, kei Nebukadnezzar hin vâna Pathien chu ka chawimawiin, ka chawisângin kân pâk a; a sinthawhai po po chu indikna a na, a lampuihai chu felna a nih; chun, chapoa fehai chu a sukhnuoi thei a nih.