ISAI 35:6 - Pathien Lekhabu Inthieng (BSI)

⁶ Chu pha chun kebaihai chu sakhi angin inchâwm an ta, ṭawng theinawhai lei chun hlimtakin hla sak a tih; thlalêra chun tuihai chu hung inkhaw suok huou huou a ta; ram ṭâwla chun vadunghai tui chu hung inchik suok hur hur bawk a tih.

ISAI 35:6 ပူးပေါင်းရင်းမြစ်များ

NEHEMIA 9:15

an phîngṭam sukrena dingin vâna inthawkin bei i pêk a, an dangchâr sukrêna dingin lungpuia inthawkin tui i suksuokpêk a, i bân phar meua, ‘Pêng ka tih,’ i ti ram hluo ding thu i pêk a.

INPÂKNA HLABU 107:35

Thlalêr chu dîlah ân changtir hlak a, Ram ṭâwl chu tuihnârahai ân changtir bawk hlak.

INPÂKNA HLABU 46:4

Vadung pakhat a um a, chu kau chun Pathien khawpuihai chu a suklâwm hlak, Achunghnungtak umna hmun inthieng chu.

INPÂKNA HLABU 51:15

Aw Lalpa, nangin ka hmûr hi hawng la, Chuongchun, ka bau hin inpâkna chu ân hriettir ding annâwm.

FESUOKNA 17:6

Ngai ta, Horeba lungpui chunga sawn i hmaah ngîr ka ta; chun, lungpui chu vuong i ta, a sûnga inthawkin tui hung suok a tih, mipuiin an dâwn theina dingin,” a ti a. Mosie chun Israel upahai mithmu ngeiah chuong ang tak chun a thaw ta a.

ISAI 30:25

Chun, inthatna nasatak nia râl vêng inhai chu a chim ni chun, tlâng insâng tina le muol pâwng insâng tina chun vadungpuihai le vadungtê tui luonghai hung um a tih.

ISAI 32:2

Mi pakhat chu thlipuia inthawka inbîkna hmun ang le, ruopuia inthawka inbîkna ang nîng a ta, hmun ṭâwla tui luonghai ang, ram châutaka lungpui lientak hlim ang el chu.

ISAI 32:4

Thaw thut hmanghai lungril chun hrietna thu chu hrefieng a ta, danginâwkhai lei chu fietakin ṭawng thei a tih.

ISAI 33:23

I hruihai chu sukfuolin a um a; an puon zâr bul chu an sukdet thei naw a, puon zâr chu an zâr thei naw a; chu lai tak chun râllâk sum tamtak chu semin a um a; kebaihai khawmin râllâk sum an lâk ta a.

ISAI 35:1

Thlalêr le ram inril chu lâwm a ta; ram ṭâwl chu hlimin phûlpâr pâr angin pâr a tih.

ISAI 42:11

Thlalêr le an khawpuihai chun an râwl insuo raw se, Kedarhai umna khuohai chun: Sela khuoa umhai chu hlimtakin hla sak hai sienla, tlâng sîpa inthawk chun khêk raw se,

ISAI 44:3

Dangchâr chunga chun tui ka hung buok ding a ni si a, hnuoi ṭâwlahai chun tuiluonghai chu ka hung buok bawk ding a nih; in thlahai chungah ka thlarau buok ka ta, in nauhai chungah ka malsâwmna buok bawk ka tih:

ISAI 48:21

Thlalêrahai chun a ṭhuoi lai khan an dang a châr naw a; lungpuia inthawk chun an ta dingin tuihai ân luong suoktir a; lungpui chu a sukkawi a, chuongchun, tuihai chu a hung suok ta zur zur a.

ISAI 51:3

Lalpa chun Zion chu a thlamuon ta si a; a hmun se tahai po po chu a thlamuon a, a thlalêr chu Eden angin a siem a, a ram ṭâwl chu Lalpa huon angin a siem bawk a; chutaka chun lâwmna le hlimna dâm, lâwmthu hrilna le hla sak ri dâm um a tih.

JOEL 3:18

“Chu ni chun tlâng insânghai chun uoin thlum infartir an ta, tlânghai chu nênetuiin luong a tih, Juda ram vadungtêhai po po chu tuiin luong a ta; Lalpa ina inthawkin tuikhur hung inchik dawk a tih, Sittim varuom chu hung sukhnâwng a tih.

ZEKARIA 14:8

Chun, chu nia chun tui hringhai Jerusalema inthawkin hung suok a ta; a chenve chu saktieng tuipuiah, a chenve chu thlangtieng tuipui-ah, nipui lai le thlasik huna khawm a ni ding a nih.

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

NAMBAR 20:11

Mosie chun a bân a phar a, lungpui chu a hmawl chun vawi hni a hang vuok a; chuongchun, tui a hung suok ta zur zur el a, pungkhâwmhai le an ranhai chun an dâwn ta a.

MATTHAI 11:5

mitdelhai an mit a lo var tah, kebaihai kein an lâwn tah, phârhai an lo inthieng tah, nasêthai an na a lo var tah, mithihai keithoin an um tah, pasiehaiin Chanchin Ṭha thu hril an dawng tah.

MATTHAI 12:22

Chu lai chun, mitdel ṭawngtheinaw khawhri iman pakhat a kuomah an hung ṭhuoi a; chun, ama chun a lo sukdam a, chuongchun, ṭawngtheinaw chu a hung ṭawng theiin, a hung hmu thei ta a.

MATTHAI 21:14

Chun, Pathien biekina chun mitdelhai le kebaihai a kuomah an hung a, anni a sukdam a.

LUKA 1:64

Chun, kârlovin a lei le a bau chu a hung insût a. Pathien inpâkin a hung ṭawng suok ta a.

LUKA 11:14

Chun, Isûn khawhri ṭawngtheinaw pakhat a hnawt dawk a. Chun, khawhri chu a suok phingleh ṭawngtheinaw chu a ṭawng ta a; chuongchun, mipuihaiin mak an ti hle a.

THILTHAWHAI 3:2

Chun, patling tu amanih a pieng tira inthawka ke inbai an hung zâwn a, ama chu biekina lûthai kuoma kut daw dingin, biekin kawtkhâr, “Mawi,” an ti bula chun, ni tin an inzâltir hlak a.

THILTHAWHAI 8:7

khawhri inthiengnawhai chu mi tamtak an imanhai sûnga inthawkin rawl inringtaka khêka an suok leiin le, zeng le keinbai tamtak khawm an hung dam ta leiin.

KOLOSSA 3:16

Krista thu chu varna tinrêngin nangnia chun um ṭeu raw se; inpâkna hla dâm, Pathien hla dâm, thlarau tieng hla dâma inchûktirin inkâwk tuo unla, lungrila lâwmna neiin Pathien chu hla sakpêk ro.

THUPUONGSUO 22:1

Chun, ama chun, a khawlai taka, hringna tui vadung, krustal lung anga tle, Pathien le Berâmte lalṭhungphaa inthawka hung suok, a mîn entir a.

THUPUONGSUO 22:17

Thlarau le mo chun, “Hung rawh,” an ti a. A hre taphawt chun, “Hung rawh,” ti raw se. Dangchâr taphawt hung raw se; a nuom taphawtin hringna tui hi a thlâwnin la raw se.