ISAI 35:5 - Pathien Lekhabu Inthieng (BSI)

⁵ Chu pha chun mitdelhai mit chu sukmengin um a ta, nasêthai na chu sukvarin um a tih.

ISAI 35:5 ပူးပေါင်းရင်းမြစ်များ

JOB LEKHABU (THE BOOK OF JOB) 33:16

Mihai nahai chu a hawngpêk a, Zillâwknahai chun anni a sukṭi hlak.

INPÂKNA HLABU 146:8

Lalpa chun mitdelhai mit a sukvar hlak a, Lalpa chun kûn ngâwi ngâwi hai chu a keitho hlak a; Lalpa chun mi felhai chu a hmangai hlak.

FESUOKNA 4:11

Lalpa chun a kuomah, “Mihriem bau chu tuin am a siem a? Tuin am mi chu ṭawngtheilo, nasêt, mitvar le mitdelin a siem? Kei, Lalpa hin ni lo am a nih?

THUVARHAI 20:12

Hrietna na le, hmuna mit chu, Chuhai ve ve chu Lalpa siem an nih.

ISAI 29:18

Chu nia chun nasêthai chun lekhabu thu chu nain hre tâng an ta, mitdelhai mithai chun inthim hnuoi le inthim laia inthawkin hmu tâng an tih.

ISAI 42:16

Mitdelhai chu an hriet ngai naw lampuiah ṭhuoi ka ta, an hriet ngai naw lampuiahai chun ṭhuoi ka tih; an hmaa chun inthim chu varah siem ka ta; lampui kâwi laihai chu suktlûn bawk ka tih. Chuong thil chu thâwng ka ta, anni khawm thlathlam naw ningah.

ISAI 42:18

Nasêthai, nain hre ro; mitdelhai, in hmu theina dingin en ro.

ISAI 43:8

Mit nei si mitdelhai le, na nei si nasêthai chu, ṭhuoi suok ro.

ISAI 48:8

Anih, in nain in hriet ngai naw a; anih, in lungrilin in hriet ngai bawk nawh; anih, inhma hrim hrim khan in na chu hawngin a um ngai nawh; vervêktak takin in thaw hlak ti le, sula inthawk hrimin bawsetuhai an ti hlak cheu ka hriet si a.

ISAI 50:4

Mi sâwltak chu thua ka suksâwldam theina dingin Lalpa Pathien chun inchûktirhai lei a mi pêk a; ama chun tûk tinin a keihar a, inchûktirhaiin an hriet anga hre dingin ka na hi a keihar hlak.

ISAI 50:5

Lalpa Pathien chun ka na a mi sukhawngpêk a, kei chu ka hel naw a, ka ngha kîr bawk nawh.

JEREMIA 6:10

An hriet theina dingin tu kuom am thuhrilin hrilfieng ka ta? Ngai ta, an nahai chu verlo an na, an hriet thei hrim hrim nawh! ngai ta, Lalpa thu chu an kuoma chun inhalna ang chau a na, amaa chun lâwmna hrim an nei nawh.

MATTHAI 12:22

Chu lai chun, mitdel ṭawngtheinaw khawhri iman pakhat a kuomah an hung ṭhuoi a; chun, ama chun a lo sukdam a, chuongchun, ṭawngtheinaw chu a hung ṭawng theiin, a hung hmu thei ta a.

MATTHAI 21:14

Chun, Pathien biekina chun mitdelhai le kebaihai a kuomah an hung a, anni a sukdam a.

LUKA 4:18

“Riengvaihai kuoma Chanchin Ṭha hril dingin Lalpân hriek a mi nal leiin, Lalpa Thlarau chu ka chungah a um; Ama chun salhai kuoma suokna thu le, Mitdelhai kuoma mitvar nei nâwkna thu hril ding dâm, Suknawmnat tuorhai insuoktirna ding dâm,

JOHAN 11:37

Nisienlakhawm, ṭhenkhat chun, “Hi mitdel mit sukvartu hin, hi mipa khawm hi ân thi naw tir thei naw am a nih?” an ta.

JOHAN 9:39

Chun, Isûn, “Rorêl dinga hi khawvêla hin hung ka nih, mitdelhai chu an mit a hung varna ding le, mitvarhai chu an mit a hung indelna dingin,” a ta.

THILTHAWHAI 26:18

An mit sukvar dingin an kuomah ka tir che hi, chuongchun, inthim chu var tieng nghatsan an ta, Setan thuneina chu Pathien tieng nghatsan an tih, suol ngaidamna an hmuna dingin le an mi ringna leia inthieng tahai kuomah ro chan an nei ve theina dingin,’ a ta.

EPHESI 5:14

suklanga um taphawt chu var a ni si a. Chuleiin, “Nang a in! meng la, Mithi laia inthawkin tho rawh. Chuongchun, Krista chun, Hung ên var a ti che,” a ti kha.