ISAI 35:4 - Pathien Lekhabu Inthieng (BSI)

⁴ Lungril dâwihai kuoma chun, “Hrâttakin um unla, ṭi naw ro, ngai ta u, in Pathien chu phubalâkna leh hung a tih, Pathien thungna le chun; hung a ta, sandam a ti cheu,” ti ro.

ISAI 35:4 ပူးပေါင်းရင်းမြစ်များ

1 CHANCHIN SUINA 28:20

Chun, David chun a naupa Solomon kuoma chun, “Insukhrât la, insukhuoi la, thaw el rawh; ṭi naw la, beidawng bawk naw rawh; Lalpa Pathien, ka Pathien ngei chu i kuomah a um si a; Lalpa ina rawngbâwlna sin po pohai chu zo a ni vawng hmakhat chun inhlawsamtir naw ni che a, nghatsan bawk naw ni che.

INPÂKNA HLABU 116:11

Ka hamhaiin, “Mi po po khêl an nih,” ka lo ti ta a.

INPÂKNA HLABU 145:19

Ama ṭituhai dit chu inhlawtlingtir a ta, An khêkri chu hrieng a ta, anni sandam a tih.

INPÂKNA HLABU 50:3

Ei Pathien chu hung a ta, to zing naw nih: A hmatieng chun mei kâng dur dur a ta, A vêla chun thlipui nasatak hrâng bawk a tih.

INPÂKNA HLABU 94:1

Aw Lalpa, nang phubalâkna thu neitu Pathien, Nang phubalâkna thuneitu Pathien, hung var suok rawh.

ISAI 1:24

Chuleiin, Lalpa, Sipaihai Lalpa, Israelhai Mi Hrât chun, hieng ang hin a hril a nih: “A! A mi dotuhai hi sukfithla el ka ta, ka hmêlmahai chungah phuba lâng ka tih:

ISAI 25:9

Chun, chu nia chun, “Ngai ta u, hi hi ei Pathien a ni hi, ama hi ei nghâk zing a; chuongchun, ama chun mi sandam a tih: hi hi Lalpa chu a ni hi; ama hi ei nghâk zing a, a sandamnaa chun hlimin lâwm ei tih,” tîng an tih.

ISAI 28:16

chuleiin, Lalpa Pathien chun hieng ang hin a hril, “Ngai ta, lung, lung fie hnung, a kia lung hlutak ka phûm, dettak chu, Ziona chun lungphûm dingin ka rem hi; ama ringtu chu inhmaw naw nih.

ISAI 31:5

Vatehai an bu chunga an vuong an vuong ang hin sipaihai Lalpa chun Jerusalem khuo chu vêng a ta; vêng a ta sansuok a tih, fe kânin humhim bawk a tih.

ISAI 32:4

Thaw thut hmanghai lungril chun hrietna thu chu hrefieng a ta, danginâwkhai lei chu fietakin ṭawng thei a tih.

ISAI 33:22

Lalpa chu ei rorêltu a na, Lalpa chu dân mi petu a nih; Lalpa chu ei lal a na, ama chun mi sandam a tih.

ISAI 34:8

Lalpa phuba lâk ni a ni ta si a; Zion sêlna kawng thua thungna kum chu.

ISAI 37:20

Chuleiin, aw Lalpa kan Pathien, nang hi, nang chau hi, Lalpa i nih ti leihnuoi hluo ram po po hin an hriet theina dingin annia inthawk hin mi sandam rawh,” tiin.

ISAI 37:6

Isai chun an kuomah, “In pu kuoma chun hieng ang hin in hril ding a nih, ‘Lalpa chun hieng ang hin a tih, I thu hriet, Assuria lal siehlawhaiin an mi hrilsietnahai kha ṭi naw rawh.

ISAI 40:2

Jerusalem mihai kuomah thlamuongna tieng pangah thu hril unla, an indona chu a tâwp a, an suolna chu ngaidam an ni a, an thil suksuol po po aiah Lalpa kuta inthawkin a let hniin an hmu tah ti hril ro.

ISAI 44:2

Lalpa nangni siemtu, sula inthawka nangni inngîrtu, nangni ṭhangpuitu ding chun hieng ang hin a tih, ‘Aw Jakobhai ka siehlawhai, nangni Jesurun ka ithlanghai, ṭi naw ro,’

ISAI 47:3

I saruokna chu inkhum lovin um a ta, anih, i zamaw chu inlang a tih; phuba lâng ka ta, mi tukhawm inrempui naw ningah.

ISAI 49:25

Nih e a, Lalpa chun hieng ang hin a tih, ‘Mi hrâttak salhai meu khawm lâkpêkin um an ta, mi ṭium râllâkhai chu sansuokin um an tih; nangma dotu chu ka do ding a ni si a, i nauhai khawm ka sandam ding a nih.

ISAI 49:4

Kei ruok chun, “Athlâwn elin sin ka thaw inrim a, iengkhawm ni lova le boruok elah ka tha ka sêng a, nisienlakhawm, matheilovin ka chunga rorêlna ding chu Lalpa kuomah a nih a um chu, mi thungna ding khawm chu ka Pathien kuomah a nih a um chu, ” ka ti a.

ISAI 59:18

An thilthawhai angin, an thilthawhai ang ngeiin, ama chun thung a tih, ama dotuhai chu lunginsennain, a hmêlmahai chu thungnain thung a tih; thlierkârhai khawm thungrul a tih.

ISAI 61:2

Lalpa lungawi kum thu le ei Pathien phubalâk ni thu hril ding dâm, lungngaihai po po thlamuon ding dâm,

ISAI 63:4

Phubalâk ni chu ka lungrilah a um si a, ka mi intlanhai kum chu a hung tlung ta bawk a nih.

ISAI 66:15

Ngai ta u, a lunginsenna chu hrîkthla ding le, a kâwkna chu meichawkhaia hrîkthla dingin, Lalpa chu mei leh a hung ding a ni si a, a tawlailîrhai chu thlivir ang el nîng a tih.

ISAI 7:4

a kuomah, ‘Fimkhur la, um ṭawk ṭawk rawh, meiser bawng khu mei mei pahni, Suria le Rezin le Remalia naupa lunginsenna nasatak chu, ṭi naw la, i lungril chu inlau naw raw se.

DANIEL 10:18

Chun, mihriem hmêl angtak put pakhat hin a mi hung them nâwk a; a mi sukhrât ta a.

DANIEL 10:19

Ama chun, “Aw nasataka ditsaka umpa, ṭi naw rawh, i kuomah thlamuongna um raw se; insukhrât rawh, anih, insukhrât rawh,” a ta. Chun, ka kuoma thu a hung hril phing chun sukhrâtin ka um ta a, “Ka lalpa hin thu hril raw se, i mi sukhrât ta si a,” ka ta.

HOSEA 1:7

Juda sûnghai ruok chu lainat ka ta, thalngul amanih, kâwlhnâm amanih, indona amanih, sakawr amanih, sakawr chung chuong mi amania anni sandam lovin, Lalpa an Pathien chun sandam ka tih,” a ta.

HABAKKUK 2:3

Inlârna hi hun ruota hung tlung ding a la na, A tâwp chu a hnai mêk zing a, inkhêl bawk naw nih; A muong khawma nghâk zing la, A hung tlung ngei ding a ni leiin,” tiin.

HAGGAI 2:4

Anachu, Aw Zerubbabel, tuhin insukhrât rawh,’ Lalpa chun a ti a nih; Lalpa chun, ‘Aw Josua, nang Jehozadak naupa thiempu lal, insukhrât la, a rama mi po pohai, insukhrât unla, sin chu thaw ro,’ a tih, nangni lai ka um si a, mipuihai Lalpa chun a tih:

MALAKI 3:1

“Ngai ta u, ka tirko chu ka tir a, ama chun ka hmaah lampui chu buotsai a tih: chun, Lalpa in izawng chu, a biekina chun hung nghâl a tih; chun, thuthlung tirko in ilâwm zâwng chu, ngai ta u, a hung ie,” sipaihai Lalpa chun a tih.

LUKA 21:28

Chun, chuong thil chu a hung tlung hlimin, dâk suok unla, hang en ro; in intlanna ding a hnai ta leiin,” a ta.

EPHESI 6:10

A tâwp taka chun Lalpaa le a hrâtna thahruia chun thilthawtheina neiin um ro.

1 THESSALONIKA 5:14

Chun, unauhai, kan ngên cheu, dân ang nawa umhai chu kâwk unla, lungril chînhai chu infui unla, a hrât nawhai chu ṭhangpui unla, mi po po chungah dâwthei takin um ro.

2 TIMOTHE 2:1

Chuongchun, nang, ka nau, Krista Isua lunginsietna uma hin suknghetin um rawh.

HEBRAIHAI 9:28

chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang lovin vawi hninaah hung inlang nâwk a tih.

THUPUONGSUO 1:7

Ngai ta u, ama chu sûmhai le chun a hung ding a nih; mit tinrêngin hmûng an ta, a suntuhai ngei khawm khan; khawvêla hnam po poin ama ṭa bawk an tih. Chuong angtak chun ning a tih, Amen.

THUPUONGSUO 2:10

I tuor dinghai hi ṭi naw; ngai ta, fiea i um theina dingin, Diebol chun nangni laia mi ṭhenkhat intângna inah a khum ding cheu a nih; chun, ni sâwm rinum tuor in tih. Thi chenin ringumin lo um rawh, chuongchun, hringna lallukhum pêng ka ti che.

THUPUONGSUO 22:20

Hieng thu inhriettirtu hin, “Anih, ka hung vak ding a nih,” a tih. Amen, hung ta la, Lalpa Isu.

1 SAMUEL 23:17

Chun, a kuomah, “Ṭi dêr naw rawh, ka pa Saula kut chun zawng suok naw ni che; Israelhai lalah um i ta, kei nanga dawt nîng ka tih, chu khawm chu ka pa Saula hin a hriet zing a nih,” a ta. Chun, an pahni chun Lalpa hmaa thu an thlung a;