ISAI 34:8 - Pathien Lekhabu Inthieng (BSI)

⁸ Lalpa phuba lâk ni a ni ta si a; Zion sêlna kawng thua thungna kum chu.

ISAI 34:8 ပူးပေါင်းရင်းမြစ်များ

INPÂKNA HLABU 94:1

Aw Lalpa, nang phubalâkna thu neitu Pathien, Nang phubalâkna thuneitu Pathien, hung var suok rawh.

ISAI 13:6

Inrûm rak rak ro, Lalpa ni chu a hnai ta si a, Iengkimthawtheia inthawka suksietna a hung tlung angin a hung tlung ding a nih.

ISAI 13:9

Ngai ta, ram sukbohmang ding le chutaka mi suolhai chu a sûnga inthawka sukbohmang dingin Lalpa ni chu nasatakin lunginsenna le lunginthakna nasatak leh a hung tlung ding a nih.

ISAI 26:21

Ngai ta u, Lalpa chu, an suolna leia hnuoia umhai hrem dingin a umnaa inthawk chun a hung ṭum ding a nih; hnuoi khawm hin a thisenhai chu suklang a ta, mi an thathai chu inkhum ta naw ni.

ISAI 35:4

Lungril dâwihai kuoma chun, “Hrâttakin um unla, ṭi naw ro, ngai ta u, in Pathien chu phubalâkna leh hung a tih, Pathien thungna le chun; hung a ta, sandam a ti cheu,” ti ro.

ISAI 47:3

I saruokna chu inkhum lovin um a ta, anih, i zamaw chu inlang a tih; phuba lâng ka ta, mi tukhawm inrempui naw ningah.

ISAI 49:26

Chun, nangma nêksâwrtuhai chu anni sa ngei infâktir ka ta; uoin thlum inrui ang hin anni thisenin inrui an tih; chuongchun, mi po poin, kei Lalpa hi nangma sandamtu le nangma intlantu, Jakobhai Mi Hrât chu ka nih ti mi hrieng an tih,’ ” tiin.

ISAI 61:2

Lalpa lungawi kum thu le ei Pathien phubalâk ni thu hril ding dâm, lungngaihai po po thlamuon ding dâm,

ISAI 63:4

Phubalâk ni chu ka lungrilah a um si a, ka mi intlanhai kum chu a hung tlung ta bawk a nih.

JEREMIA 46:10

Chu ni chu Lalpa, sipaihai Lalpa ni, a hmêlmahai chunga phuba a lâk theina dinga, phuba lâkna ni a ni si a; kâwlhnâm chun fazo a ta, tlai a tih; chun, an thisen chu a khawp tâwkin dawn bawk a tih; Lalpa sipaihai Lalpa chun hmârtieng ramah Euphrates vadungpui panga chun inthâwina chu a nei si a.

HOSEA 9:7

Hremna nihai chu a hung tlung a, Thungna nihai chu a hung tlung ie! Israel chun chu chu hrieng a ta; I rîtlona chu a tamin intaina a tam leiin. Zâwlnei chu ân vêt a, thlarau mi chu ân hâi a nih.

JOEL 3:4

Anih, aw Tura le Sidon le Philistin ram po pohai, ka ta dingin ieng am in ni a? In mi thung ding am a nih? In mi thung chun, hrâttakin, inhmawtakin in mi thungna chu in lu chung ngeiah thung vêng ka ti cheu.

MIKA 6:1

Lalpa thu hril chu tuhin lo ngai ta u: Tho la, tlâng lienhai hmaa chun khing la, tlâng chînhai chun i râwl ngai raw se.

LUKA 18:7

An chungah zai la daw hri sien khawm, a mi thlang, asûn azâna ama kotuhai phuba chu Pathienin a lâkpêk naw ding am a nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:5

I lulul le i lungril ngar leiin, lungsenna le Pathien rorêlna feltak hung inlang ding nia ding chun i chungah lungsenna în khâwlkhâwm a ni lem a nih.

DÂN PAHNINA 32:35

Phuba lâk le thung chu keima thaw ding a nih, An kalbi ân tleu pha chun, An sietna ni chu a hung hnai an ta a, An chunga thil tlung dinghai chu hung tlung vak a tih.

THUPUONGSUO 14:11

Chun, chuong mihai sawisakna meikhu chu chatuonin hang fêng a ta; Sahrâng le a lim chibai bûktuhai, a hming inchikna nei taphawthai khawm chun, a sûn a zânin châwl hrim nei naw ni hai,” tiin anni chu a hung zui a.

THUPUONGSUO 18:20

“Aw vân le nangni mi inthienghai, tirkohai dâm, zâwlneihai dâm, lâwm ro, ama chun in chunga ro a rêlna chun Pathienin a chungah ro a rêl ve ta hi,” tiin.

THUPUONGSUO 19:2

A rorêlnahai chu ân dikin a fel a nih. Ama chun nawchizawr ropuitak, a mi dit chîng leia hnuoi sukkhawhlotu chu, a ro a rêl a, a suokhai thisen insuo phuba chu a kutin a lâk ta hi, an ti ka hriet a.”