ISAI 34:3 - Pathien Lekhabu Inthieng (BSI)

³ Anni laia thata umhai chu pei suokin um an ta, an ruong rimsie chu innam vut vut a ta; tlânghai chu an thisen suktuiin um a tih.

ISAI 34:3 ပူးပေါင်းရင်းမြစ်များ

ISAI 10:4

Salhai hnuoiahai chun kûn an ta, thata umhai hnuoiahai chun tlûng an tih, chu chau chu an chan ni tâng a tih. Chuong ang lâwma a thaw khawm chun a lunginsen chu a la bo chuong si naw a, a kut chu a lân let ta rawp a.

ISAI 34:7

Ramsielchalhai khawm chu an ruola sât thlûkin um an ta, bâwngchalhai, bâwngchalngênghai leh; an ram chun thisen inrui a ta, an pilvut chu thâunaa sukthâuin um a tih.

ISAI 66:24

Chun, fe suok hlak an ta, keia chunga bawsetuhai ruok chu en an tih, an ngêhai chu a thiin, an mei chu sukhlumin a um ding a ni si naw a, mi po po ta dingin thil tirdakumtak nîng a tih”.

JEREMIA 22:19

Sabengtung phûm angin phûm an ta, Jerusalem dai kawtkhârhai khêla hnûka kei dawkin.

JEREMIA 25:33

Chun, chu nia chun Lalpa sukhlumna chu hnuoi tâwp khing khata inthawka a tâwp khingtieng chen nîng a ta; chuonghai chu sûn ni naw ni hai a, lâk khâwm khawm ni naw ni hai a, phûm khawm ni bawk naw ni hai; leihnuoi chunga êk el ni lem an tih.

EZEKIEL 14:19

Annawleh, rama chun hripui ka tir a, a chunga chun, ramsa le mihriemhai chu sât thla dinga, thisenin ka lunginsenna ka bunthlâk chun,

EZEKIEL 32:4

Chun, hnuoi chungah mâksan ka ti che a, Ram palailakah peihâwn ka ti che a; Chunglêng vatehai po po chu i chungah in umtir ka ta, Nangmaa chun hnuoi pumpuia ramsahai chu suktlai ka tih.

EZEKIEL 35:6

ka hring zing angin, Lalpa Pathien chun hieng hin a tih: thisen ta dingin buotsai ka ti che a, thisen chun hnawt a ti che; thisen chu i theida naw leiin, thisen chun hnawt a ti che.

EZEKIEL 38:22

Ama chu thisen le hripuiin do ka ta; chun, ama le a pâwlhai le ama kuoma mipui tamtak umhai chunga chun ruopui vânâwnin, ṭêk le mei le meitâwklungin sûr ka ta.

EZEKIEL 39:11

“Chun, chu nia chun, Israela chun, tuipui saktieng panga fethlengtuhai phairuom chu Gog ta ding chun inphûmna hmun dingin pêng ka ta; chutaka chun Gog le a mihai po po chu phûm an tih; chun, anni chun ‘Hamon-gog Phairuom’ ti nghe nghêng an tih.

EZEKIEL 39:4

Israel tlânghai chunga chun tlûng i ta; nang le i pâwlhai po po le, hnam tamtak nanga kuoma umhai le chun, chun, fâk zo dingin vate chi tin phîngṭâmhai le rama ramsahai kuoma chun pêng ka ti che.

JOEL 2:20

amiruokchu, in kuoma inthawkin hmârtieng sipai ruol chu sawnhmang dai ka ta, ram ṭâwl le râusannaah infetir ka tih, a hmasa pâwl saktieng Tupuiah, a nuhnung pâwl thlangtieng Tupuiah; hung ṭhuoi suok a ta, rimsetakin hung innam a tih, thil nasatak a thaw ta leiin.

AMOS 4:10

“Aigupta ram angin nangni lai hripui ka tir a, kâwlhnâmin in tlangvâlhai chu ka that ta a, in sakawrhai ka ṭhuoi hmang tah a nih; chun, in sipai hmun rimsie chu hnâra innam khawpin kân umtir a, chuong khawm chun ka kuomah in hung kîr nawh,” Lalpa chun a tih.

NAHUM 3:3

Sakawr chungchuong mihaiin kâwlhnâm tât tle le fei inlet de zawt zawtin hma an nawr a. Mi tamtak thatin an um a, mithi ruong tiemsênglo a um a, ruonghaia chun an inpal nawk nawk a.

THUPUONGSUO 14:20

Chun, khaw puo tienga grêp sâwrna khura chun a sir sâwr a, chuongchun, grêp sâwrna khura inthawk chun thisen a hung suok a, fîng sâng khat le za ruk chen sakawrhai thîrbar chena inthûk a nih.