ISAI 34:10 - Pathien Lekhabu Inthieng (BSI)

¹⁰ Asûn azânin sukrêmin um naw ni a; a meikhu chu kumkhuoin intung ngut ngut a tih; suon um sûng po po chun serâwpin um zing a ta, tukhawma kumkhuo khawma pal naw ni hai.

ISAI 34:10 ပူးပေါင်းရင်းမြစ်များ

ISAI 1:31

Chun, mi hrâttak chu ziza pawn ang ni tâng a ta, a sinthaw chu meisi ang ni tâng a tih; chuongchun, kâng rêl an ta, tukhawma sukrêm naw ni hai,” tiin.

ISAI 13:20

Iengtika khawm chutaka chun mi um ta naw ni hai a, suon um sûng po po chun a sûnga um um naw ni hai; Arab mihai chun chutaka chun an puon in chu zâr naw ni hai a; berâm vêngtuhaiin chutaka chun an berâm ruol chu inbawktir bawk naw ni hai.

ISAI 24:1

Ngai ta, Lalpa chun hnuoi hi sukruokin, a sukram ding a na, a letkhupin, a umhai chu a sukdar ding a nih.

ISAI 34:17

Ama chun an ta dingin ai a sânpêk a, a kutin hruia inkhiin ram chu a sempêk tâwl a; kumkhuoin nei an ta, suon um sûng po po chun chutaka chun um an tih.

ISAI 66:24

Chun, fe suok hlak an ta, keia chunga bawsetuhai ruok chu en an tih, an ngêhai chu a thiin, an mei chu sukhlumin a um ding a ni si naw a, mi po po ta dingin thil tirdakumtak nîng a tih”.

JEREMIA 49:18

Sodom le Gomorra le chu kâwl vêla khawpuihai suksiet ang khan, chutaka chun tukhawm chêng naw ni hai, tukhawm inzinah va fe bawk naw ni hai, Lalpa chun a tih.

JEREMIA 7:20

Chuleiin, Lalpa Pathien chun hieng hin a tih: Ngai ta, ka lunginsenna le ka ṭiumna chu hi hmuna hin bunthlâk nîng a ta, mihriem chunga le, ramsahai chunga le, rama thinghai chunga le, hnuoia rahai chunga chun; chun, kâng a ta, ṭhel ni ngai naw ni.

EZEKIEL 29:11

Mihriem ke chun fethleng ta naw ni a, sa ke khawm chu fethleng ta bawk naw ni; chun, kum sâwmli sûng chu hluoin um bawk ta naw nih.

NAHUM 2:10

Sukruokin a um a, sukrêm a ni a, suksiet dêr a nih, lungril chu ân tuihmang a, khûphai chu ân vuoktuo a, kâwng po po chu a na ngawi ngawi a, an rênga hmêl chu a dâng zo vawng a nih.

THUPUONGSUO 18:18

“Chun, lawng hotu taphawt dâm, lawnga fe hlak taphawt dâm, lawng mi dâm, tuipuia sinthaw taphawt dâm chu hlataka ngîrin, a kâng khu chu thlîr pumin, ‘Hi khaw ropui tluk hi khâwlai khuo am um a ta?’ tiin an khêk a.

THUPUONGSUO 19:3

Chun, “Halleluia! A khu chu chatuonin a tungin fêng a tih,” an ti nâwk a.