ISAI 33:24 - Pathien Lekhabu Inthieng (BSI)

²⁴ Chu khuoa um chun, “Ka damnaw ie,” ti naw ni a, a sûnga mi umhai chu suol ngaidamin um an tih.

ISAI 33:24 ပူးပေါင်းရင်းမြစ်များ

2 CHANCHIN SUINA 30:20

Chuongchun, Lalpa chun Hezekia ṭawngṭaina chu a lo ngai a, mipuihai khawm chu a lo sukdam ta a.

FESUOKNA 15:26

ama chun, “Lalpa in Pathien rawl chu nguntaka in ngai a, a mit hmua thildik chu in thaw a, a thupekhai tieng in na in sit a, a dân ziekhai chu in vawng tlat chun, Aigupta mihai chunga kân tlungtir natnahai hrim hrim kha in chungah intlungtir dêr naw ningah: Lalpa nangni sukdamtu cheu chu ka ni si a,” a ti a.

ISAI 1:5

Iengdinga hel zuol deu deu a, vuoka la um rawp ding am in ni a? Lu chu a pumin a na a, lungril khawm chu a pumin a châu tah.

ISAI 30:26

Chu naw khawm chu, Lalpa chun a mihai silna chu a tuom a, an sâtna pawphai chu a sukdam ni chun, thla var chu nisa var tlukin um tâng a ta, nisa var chu a lêt sariin, ni sari sûng var tlukin, um tâng a tih.

ISAI 40:2

Jerusalem mihai kuomah thlamuongna tieng pangah thu hril unla, an indona chu a tâwp a, an suolna chu ngaidam an ni a, an thil suksuol po po aiah Lalpa kuta inthawkin a let hniin an hmu tah ti hril ro.

ISAI 44:22

In bawsietnahai chu sûm sâmup sukboin ka sukbo ta a, in suolhai chu sûm sukbo angin ka sukbo ta bawk a; ka kuomah hung kîr nâwk ro, kân tlan ta si cheu a.

ISAI 58:8

“Chu pha chun i var chu zîng nisa suok angin hung suok a ta, i damna ding chu hung inder suok vak a tih; i felna chun i hma ṭhuoi a ta; Lalpa ropuina chu i hnung dâltu nîng a tih.

JEREMIA 30:17

Hrisêlna pe nâwk ka ti che a, i hliemnahai chu sukdampêk ka ti che, Lalpa chun a ti si a; ‘Zion hi a nih, tukhawma an pawisak naw chu,’ tiin, nang chu hnam ṭawphnawk an inbûk che leiin.

JEREMIA 50:20

Chuong niahai chun, chuong pha chun, Lalpa chun a tih: Israel suolna chu zawng nîng a ta, iengkhawm um naw ni; chun, Juda suolna khawm chu hmu ni ta naw ni a; a mahla anga ka hla tahai chu ka ngaidam ding a ni si a.

EZEKIEL 16:63

Thil i lo thawtahai po poa ka ngaidam pha che chun i hriet zing a, i hmai a mâwk a, în zak leia i bau i kâk dêr ta nawna dingin, Lalpa Pathien chun a tih,” tiin.

ZEKARIA 12:8

Chu ni chun Lalpa chun Jerusalem hluotuhai chu hliekhûng a ta, chu nia anni laia hrât naw chu David ang nîng a ta; chun, David sûngkuo chu Pathien ang, an hmaa Lalpa vântirko ang chu nîng a tih.

DÂN PAHNINA 28:27

“Sukdam ruollo, Aigupta khuoihli dâm, pânsie dâm, invûngna dâm, uithak dâmin Lalpain hrem a ti cheu.

DÂN PAHNINA 7:15

Chun, Lalpa chun hri po po sukkiengpêk vawng a ti cheu a, in hriet ta hnung Aigupta ram hrihai chu in chungah inlêngtir naw ni a, a theidatuhai po po chungah inlêngtir lem a tih.

JAKOB 5:14

Nangni lai damnaw an um am? Kohran upa inkotir sienla, anni chun Lalpa hminga hriek nâlin a chungah ṭawngṭai raw hai se.

THUPUONGSUO 21:4

An mita inthawkin mitthli po po hrufai a ta; Thina um nâwk ta naw ni a, Lungngai dâm, ṭap dâm, nat dâm khawm, Um nâwk ta bawk naw ni a; Thil hmasahai chu a bo tah,” tiin.

THUPUONGSUO 22:2

Chun, vadung pang tuoka chun Hringna Thing, chi tum sâwm le pahnia ra, thla kipa ra, a um a; chu thing hnahai chu hnam tin sukdamna ding a nih.