ISAI 33:23 - Pathien Lekhabu Inthieng (BSI)

²³ I hruihai chu sukfuolin a um a; an puon zâr bul chu an sukdet thei naw a, puon zâr chu an zâr thei naw a; chu lai tak chun râllâk sum tamtak chu semin a um a; kebaihai khawmin râllâk sum an lâk ta a.

ISAI 33:23 ပူးပေါင်းရင်းမြစ်များ

2 LALHAI 7:16

Chun, mipuihai chu an va suok a, Suria mihai riekhmun chu an va dap ta rak a. Chuongchun, Lalpa thu ang ngeiin beiphit indi mi tekhâwng khat chu shekel khatah an zawr a, buṭei tekhâwng hni chu shekel khatah.

2 LALHAI 7:8

Chun, chuong inphârhai chun riekhmun tawntir an va tlung chun puon in pakhata hin an va lût a, an fâkin an dâwn a, chutaka tangkaruo dâm, silfênhai chu an lâk a, an va thuphmang a; chun, an va kîr nâwk a, puon in dangah an lût nâwk a, chutaka mi khawm chu an lâk a, an va thuphmang nâwk a.

2 CHANCHIN SUINA 20:25

Chun, Jehosaphat le a mihai chu an thuom hlîppêk dinga an hung chun lunghluhai, silfênhai, hausakna nasatak elhai chu anni lai chun an hmusuok a, chuonghai chu an phur sêng lo rauin an lâk a; chuong ang lâwm chun a tam a, ni thum sûng zet chu râllâk thilhai chu an lâk a.

INPÂKNA HLABU 68:12

Sipaihai lalhai chu an tlânsie an tlânsie a, In nghâktunu chun râllâk sum chu a sem a.

INPÂKNA HLABU 68:13

Vaṭhu thla tangkaruoa tuoma, A thla hmawr khawm rângkachak engtaka tuom angin, Berâm huon kârahai dâm i zâl ding am a nih?

ISAI 33:1

Nang rawk tuok ngai si lova, rawktu, vervêktaka thaw tuok ngai si lova, vervêktaka thawtu, i chung a rik ie! Mi rawk i bân phaleh, rawk la tuok vêng i ta; vervêktaka i thaw zo phaleh i chungah vervêktakin thâwng an tih.

ISAI 33:21

Chutaka chun Lalpa, vadung lientak tak le, vadungtêhai um nghên nghuonna hmun chu, ropuitakin ei kuomah um lem a tih; chuong tui chunga chun indona lawng lientak kheraval nei mi hrim hrim fe naw ni a, lawng lien ropuitak khawma fe khêl bawk naw nih.

ISAI 33:4

In sum râllâka lâk ding chu thilhringin thil an thak khâwm sup sup ang hin thak khâwmin um a ta; khâuṭhikṭhihai an inchâwm sup sup ang hin annirawi chu sum chunga chun inchâwm sup sup an tih.

ISAI 35:6

Chu pha chun kebaihai chu sakhi angin inchâwm an ta, ṭawng theinawhai lei chun hlimtakin hla sak a tih; thlalêra chun tuihai chu hung inkhaw suok huou huou a ta; ram ṭâwla chun vadunghai tui chu hung inchik suok hur hur bawk a tih.

EZEKIEL 38:13

Seba le Dedan le, Tarsis sumdâwng mihai le, chutaka sakeibaknei tuoihai chun i kuomah, ‘Râllâk sumhai chu la dinga hung am i nih? Râl chu man dingin i pâwlhai chu i kei khâwm ta am a nih? Rângkachak le tangka dâm phur hmang ding le, ran ruolhai chu ṭhuoi hmanga, thuomhnawhai chu la hmang a, râllâk sum nasatak el la ding chun?’ tîng an ti che a.

THILTHAWHAI 27:19

A zîng nâwk chun anni kut ngeiin lawng hmangruohai an pei suok nâwk ta a.

1 KORINTH 1:27

nisienlakhawm, Pathienin khawvêl thil invêthai chu a thlang lem a, mi varhai chu a sukmuolpho theina dingin;

1 SAMUEL 30:10

David ruok chun a hnawt pei a, ama le mi za lihai le chun, mi za hni chu an chau ta leiin Besor vadung chu an kai thei ta naw a, an lo um tah a nih.