ISAI 33:22 - Pathien Lekhabu Inthieng (BSI)

²² Lalpa chu ei rorêltu a na, Lalpa chu dân mi petu a nih; Lalpa chu ei lal a na, ama chun mi sandam a tih.

ISAI 33:22 ပူးပေါင်းရင်းမြစ်များ

INṬANNA 18:25

Nang êm chun, chuong ang êm chun, mi felhai chu mi suolhai anga an um vena dinga mi felhai chu mi suolhai laia sukhlum ve el chu i thaw awm êm si naw a; nang êm chun i thaw âwm êm si naw a: hnuoi chung po po Rorêltu chun feltakin a thaw naw ding am a nih?” a ta.

NEHEMIA 10:14

Mipui hotuhai chu: Paros, Pahath-moab, Elam, Zattu, Bani,

INPÂKNA HLABU 44:4

Aw Pathien, nang chu ka Lal i nih, Jakob sanhimna dingin thu pe rawh.

INPÂKNA HLABU 44:5

Nangma leiin a mi dotuhai chu sikthlûng kan ta, I hming leiin a mi thawtuhai chu chîl hrep kan tih.

INPÂKNA HLABU 50:6

Chuongchun, vânhai khin a felna chu tlânginsampui a ta, Ama Pathien ngei chu rorêltu a ni si a.

INPÂKNA HLABU 74:12

Nisienlakhawm, Pathien chu inhma chena ka Lal a nih, Hnuoi laitaka sandamna siemhlaktu chu.

INPÂKNA HLABU 75:7

Pathien chu rorêltu a ni lem: Ama chun pakhat a suktlâwm a, pakhat a suksâng hlak.

INPÂKNA HLABU 89:18

Kan phaw hi Lalpa ta a ni si a, Kan lal hi Israelhai Mi Inthieng ta a nih.

INPÂKNA HLABU 98:9

Hnuoi ro rêl dingin a hung ding a ni si a, Khawvêl hi feltakin ro rêlpêk a ta; Thlierbîk nei lovin mi tin ro chu rêl a tih.

ISAI 1:10

Sodom rorêltuhai, Lalpa thu hi hre unla, Gomorra mihai, ei Pathien dân thua hin na sit ro!

ISAI 11:4

rimsihai chu feltakin ro rêlpêk lem a ta, hnuoia mi thuhnuoirawlhai ta ding chun thlierbîk nei lovin kâwkpêk bawk a tih; a bau hembâwk chun hnuoi hi vuong a ta, a hmûra thuok chun mi rilohai chu that a tih.

ISAI 12:2

Ngai ta, Pathien chu ka sandamna a na, ring ka ta, ṭiin um naw ning ah; Lalpa Jehova chu ka hrâtna le ka hla a ni si a; a mi sandamtu a lo ni ta bawk a,” tiin.

ISAI 16:5

Chuongchun, lalṭhungpha chu lunginsietnaa sukdetin um a ta, chu chunga chun, David puon ina chun, mi pakhat, rorêlin, rorêlna fel zawngin, thil fel inhmâwtaka thaw nghâlin, titakzetin ṭhung a tih.

ISAI 2:4

Ama chun hnam tin kârah ro rêl a ta, chi tamtak khawm kâwk bawk a tih; chun, an kâwlhnâmhai chu hnuoi inletna hmawr zumahai sut an ta, an feihai chu thei kûng âtbawngna chem inkuoiahai sut an ta, hnam dangin hnam dang chungah kâwlhnâm inlet ta naw ni a, indo dân khawm inchûk ta bawk naw ni hai.

ISAI 24:23

Chu hnunga chun thla khi inzaktakin um a ta, nisa khi muolphotakin um a tih; sipaihai Lalpa chu Zion tlâng le, Jerusalem khuoa le, a upahai hmaa chun, ropuitakin lalah a um ding a ni si a.

ISAI 25:9

Chun, chu nia chun, “Ngai ta u, hi hi ei Pathien a ni hi, ama hi ei nghâk zing a; chuongchun, ama chun mi sandam a tih: hi hi Lalpa chu a ni hi; ama hi ei nghâk zing a, a sandamnaa chun hlimin lâwm ei tih,” tîng an tih.

ISAI 33:17

I mithai chun lal chu a mawinaa chun la hmûng a ta, ram par lientak la thlîr a tih.

ISAI 35:4

Lungril dâwihai kuoma chun, “Hrâttakin um unla, ṭi naw ro, ngai ta u, in Pathien chu phubalâkna leh hung a tih, Pathien thungna le chun; hung a ta, sandam a ti cheu,” ti ro.

ISAI 37:20

Chuleiin, aw Lalpa kan Pathien, nang hi, nang chau hi, Lalpa i nih ti leihnuoi hluo ram po po hin an hriet theina dingin annia inthawk hin mi sandam rawh,” tiin.

ISAI 41:21

In thu chu hung hril ro, Lalpain a tih; pathien in tina san takhai chu hung la suok unla, Jakobhai Laltak chun a tih.

ISAI 44:6

Lalpa Israelhai Lal, an intlantu sipaihai Lalpa chun hieng ang hin a tih, “Kei a hmasa tak chu ka na, a nuhnung tak khawm ka nih; keima naw chu Pathien hrim hrim an um nawh.

ISAI 49:25

Nih e a, Lalpa chun hieng ang hin a tih, ‘Mi hrâttak salhai meu khawm lâkpêkin um an ta, mi ṭium râllâkhai chu sansuokin um an tih; nangma dotu chu ka do ding a ni si a, i nauhai khawm ka sandam ding a nih.

ISAI 49:26

Chun, nangma nêksâwrtuhai chu anni sa ngei infâktir ka ta; uoin thlum inrui ang hin anni thisenin inrui an tih; chuongchun, mi po poin, kei Lalpa hi nangma sandamtu le nangma intlantu, Jakobhai Mi Hrât chu ka nih ti mi hrieng an tih,’ ” tiin.

ISAI 51:4

Aw ka mihai, ka thu hi lo ngai unla; aw ka hnamhai, ka thua hin na lo sit ta u; keimaa inthawkin dân thu a hung suok ding a ni si a, mi tin enna dingin ka rorêlna chu inchâwltir ka tih.

ISAI 51:5

Ka felna chu a hnai a, ka sandamna chu a suok ta a, ka bânhai hin mi tin ro rêlpêk a tih, thlierkârhai chun mi nghâk an ta, ka bân hi ring an tih.

ISAI 51:7

Felna hretu, ka dân thu lungrila vawn mihai, ka thu hi lo ngai ro, mihriemhai hrilsietna ṭi naw unla, an halna cheu leiin lunginzîng bawk naw ro.

ISAI 60:16

Chun, hnam tin nênetui fâwp i ta, lalhai nêne khawm nêng i tih; kei Lalpa hi nangma sandamtu le nangma intlantu, Jakobhai Mi Hrât chu ka nih ti la hre bawk i tih.

ZEKARIA 9:9

Aw Zion naunu, nasatakin hlim rawh; aw Jerusalem naunu, inringtakin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngaitlâwmtakin, sabengtung chungah, sabengtungtê chung ngeia hung chuongin.

MATTHAI 21:5

“ ‘En ta, i Lal chu thuhnuoirawltakin, Sabengtung chungah, sabengtungtê chunga ngeia chuongin, I kuomah a hung ding a nih,’ tiin, Zion naunu chu hril rawh,” ti hi.

MATTHAI 25:34

“Chu phâ chun, Laltak chun a changtienga mihai kuomah, ‘Ka Pa vochuomhai, hung unla, khawvêl siem tîra inthawka, in ta dinga ram buotsai chu chang ro;

LUKA 2:11

Vawisûn hin in ta dingin David khuoah Sandamtu a pieng tah, Lal Krista chu.

THILTHAWHAI 5:31

Ama ngei kha Pathienin Lal le Sandamtua um dingin a changtieng a chawimawi tah, Israelhai suol insimtir ding le ngaidam dingin.

2 KORINTH 5:10

Mi tinin taksaa ei thilthawhai a sie a ṭhaa ei thaw ang peia ei hmu seng theina dingin, Krista rorêlna ṭhungpha hmaa chun suklangin ei um vawng ding a ni si a.

DÂN PAHNINA 33:2

“Sinaia inthawkin Lalpa chu a hung a, Seira inthawkin an kuomah a tho a, Paran tlânga inthawkin a var a suok a; Mi inthieng sângsâwm laia inthawkin a hung; A kut changtieng chun an ta dingin dân chawk thei a um a.

HEBRAIHAI 5:9

chuongchun, sukṭhat famkima hung umin a thu awi po pohai ta dingin chatuona sandamna bulpui a hung ni ta a,

JAKOB 4:12

Dân petu le rorêltu pakhat chau a um; sandam theia, sukbohmang thei chu; nang tuolbâwmhai sawisêltu chu tu am i ni leh?

THUPUONGSUO 19:16

Chun, a puona le a êlpuia chun, “Lalhai Lal le hotuhai Hotu,” tia hming ziek a um.

1 SAMUEL 12:12

Chun, Ammon thlahai lal Nahas chu nangni do dingin a hung ti in hriet phingleh ka kuomah, ‘A ni nawh ie, lalin ro mi rêlpêk raw se,’ in ti a, Lalpa Pathien chu in lal a ni zing si a.