ISAI 33:21 - Pathien Lekhabu Inthieng (BSI)

²¹ Chutaka chun Lalpa, vadung lientak tak le, vadungtêhai um nghên nghuonna hmun chu, ropuitakin ei kuomah um lem a tih; chuong tui chunga chun indona lawng lientak kheraval nei mi hrim hrim fe naw ni a, lawng lien ropuitak khawma fe khêl bawk naw nih.

ISAI 33:21 ပူးပေါင်းရင်းမြစ်များ

INPÂKNA HLABU 29:3

Lalpa râwl chu tuihai chunga chun ân ri a Ropuina Pathien chu a hung inri dur dur a, Lalpa ngei chu tui tamtak chunghaia chun a hung inri a.

ISAI 12:6

Ziona umhai, inringtakin khêk unla, khêk tuor tuor ro, Israelhai Mi Inthieng nangni laia um chu a ropui si a,” tiin.

ISAI 33:17

I mithai chun lal chu a mawinaa chun la hmûng a ta, ram par lientak la thlîr a tih.

ISAI 41:18

Tlâng insâng kawl vel vula chun vadunghai inluong suoktir ka ta, ruom laiahai chun tuihnârhai insuoktir bawk ka tih; thlalêr chu dîlah siem ka ta, ram ṭâwl chu tuihnârah siem bawk ka tih.

ISAI 43:19

Ngai ta u, thil thar ka thaw ding a nih; tuta inthawk hin mâwng a tih; chu chu in hriet naw ding am a nih? Thlalêra meu khawm lampui siem ka ta, ram ṭâwla chun vadunghai siem bawk ka tih.

ISAI 43:20

Ka mi, ka ithlanghai chu dâwn ding ka pêk theina dingin thlalêra chun tuihai kân umtir leiin ramsahai chun mi chawimawi an ta, sihalhai le vate rîngsei chen khawmin;

ISAI 48:18

Aw nangni hin ka thupêkhai chu lo ngai chu ni unla chu aw! In chungah inremna chu vadung ang ela umin, in felna chu tuipui infâwnhai ang elin a um ding bah;

ISAI 66:12

Lalpa chun hieng ang hin a ti si a, “Ngai ta u, inremna chu vadungpui ang elin a kuom chenin inluongtir ka ta, hnam tin ropuina chu vadungtê a kuong liem dûl dûl angin a kuom tlungin inluongtir bawk ka tih, chuongchun, chu chu nêng in tih; hmathlâk a ti cheu a, a khûp chunga chun inchâwmtir a ti cheu.

ZEKARIA 2:9

Ngai ta u, anni chunga chun ka kut chu thin ka ta, chuongchun, anni rawng bâwlpêktuhai ta dingin râllâk sum hung ni tâng an tih; chun, sipaihai Lalpa chun kei a mi tir a nih ti hre tâng in tih.

NAMBAR 23:21

Jakob a chun rîtlona hrim a hmu naw a, Israel mihai lai chun kâwmâwna a hmu bawk nawh. Lalpa an Pathien chu an kuomah a um a, Anni lai chun Lal chawimawina ri chu a um a.

THILTHAWHAI 7:2

Chun, Stephan chun, “Unauhai, pahai ngai ta u, ei thlatu Abraham Harana a um hmaa, Mesopotamia rama a um lai khan Ropuina Pathien chu a kuomah a hung inlâr a,

DÂN PAHNINA 23:15

“Siehlaw, in kuoma an pu hung tlânsuoksan chu in pêk lêt nâwk ding a ni nawh.