ISAI 33:20 - Pathien Lekhabu Inthieng (BSI)

²⁰ Kan ruoiṭhena khawpui Zion khi en ta, i mit chun Jerusalem chu umna muongumtak, puon in iengtik khawma sawn lo ding, a keimarna hem iengtik khawma phawi lo ding, a keina hrui hrim hrim intan lo ding ang chu, hmûng a tih.

ISAI 33:20 ပူးပေါင်းရင်းမြစ်များ

INPÂKNA HLABU 128:5

Lalpa chun Ziona inthawkin malsâwm a ti che: Chuongchun, i dam sûng po chun Jerusalem ṭhatna chu hmûng i tih.

INPÂKNA HLABU 46:5

Pathien chu a lai takah a um a, inhnîng naw ni a, Pathienin khawfingchat pha chun ṭhangpui a tih.

INPÂKNA HLABU 46:6

Hnam tin an inri hum hum a, ramhai chu ân hnîng a, Ama chun a râwl ân suoh a, leihnuoi hi ân tui zo ta a.

ISAI 32:18

Chuongchun, ka mihai chu râlmuonga umnaahai le in dettakhaia le châwlna hmun muongumtakhaia chun um tâng an tih.

ISAI 33:6

I dam sûng chun um nghetna um a ta, sandamna dâm, varna dâm, hrietna dâm um ṭeu a tih; Lalpa ṭîna chu a ro a nih.

ISAI 37:33

Chuleiin, Lalpa chun Assuria lal chungchâng thuah hieng ang hin a tih, ‘Ama chun chu hi khawpui hi hung tlung naw ni a; hitaka hin thal kâp bawk naw ni, phaw leh a kâwla hin hung bawk naw ni a, a thawna dingin hnuoi kul siem bawk naw ni, Lalpain a tih.

ISAI 4:5

Chun, Lalpain Zion tlânga umna po po chunga le a inkhâwmpuihai chunga chun sûnah sûm le meikhu, zânah meichawk var siempêk a tih: ropuina po po chunga chun iengkhat zar a um ding a ni si a.

ISAI 54:2

I puon in hmun chu zau rawh, i umnahai puon in chung chu keipharin um raw se; ret naw rawh, i hruihai chu suksei la, i keimarna hembûrhai chu sukdet rawh.

ISAI 66:14

Chun, chu chu hmûng in ta, in lungril chu hlim a ta, in ruhai khawm hlohna hring dup angin inno hlut hlut a tih; chuongchun, Lalpa kut chu a siehlawhai tieng a um ti hrieng an ta, a hmêlmahai chunga chun lungni naw ni.

EZEKIEL 48:35

A vêl chun tawng sîng khat sâng riet nîng a ta; chu khawpui hming chu chu nia inthawk chun, “Jehova Samma nîng a tih,” tiin.

EZEKIEL 48:8

Chun, Juda ramria chun, saktieng panga inthawka thlangtieng pang chen chu, ram thilinhlân in inhlân ding chu nîng a ta, a khang tieng tawng sîng hni sâng nga, a dung tienga chun, saktienga inthawka thlangtieng chena chan khat ang kha nîng a ta; chun, biekin chu a laia chun um a tih.

MATTHAI 16:18

Chun, nang Peter i nih ti ka hril che; hi lungpui chunga hin ka kohran rem ka ta, mithi khuo kul kawtkhârhai chun chu chu ngam naw ni hai.

DÂN PAHNINA 12:5

Lalpa in Pathienin in hnam po po laia a hming umna ding hmun a la ruot ding chu zawng lem in ta, chutaka chun in fe ding a nih.

DÂN PAHNINA 16:16

Kum tin nangni laia pasal po po chu vawi thum Lalpa hmaa hmun a la ruot dinga chun an inlang ding a nih. Chawlṭhanglo bei ruoiṭhea dâm, châwlkâr ruoiṭhea dâm, bâwkte ruoiṭhea dâm.

THUPUONGSUO 3:12

A hnetu taphawt chu ka Pathien biekina chun banah siem ka ta, chutaka inthawk chun suok ta naw ni; chun, amaa chun ka Pathien hming leh, ka Pathien khuo Jerusalem Thar, ka Pathien kuoma mi vâna inthawka hung ṭum ding hming leh, ka hming thar leh ziek ka tih.