ISAI 33:2 - Pathien Lekhabu Inthieng (BSI)

² Aw Lalpa, mi lunginsiet la; kan nghâk zing che hi: tûk tin kan bân hung ni la, lunginzîng huna chun a mi sandamtu hung ni bawk rawh.

ISAI 33:2 ပူးပေါင်းရင်းမြစ်များ

INPÂKNA HLABU 123:2

Ngai ta, siehlawhai mitin an pu kut tieng a en hlak ang le, Siehlawnu mitin a pi kut tieng a en hlak angin, Keini mit khawma Lalpa kan Pathien kuom tieng a en zing a nih, Keini a mi lunginsiet hmakhat chun.

INPÂKNA HLABU 143:8

Zîngkâr chun i ngilneina thu mîn hriettir la, Nang ka ring si che a; Ka fena ding lampui chu mîn hriettir la; Ka lungril hi i kuomah ka sie tlat hlak si a.

INPÂKNA HLABU 25:3

Anih, nangma nghâktu hrim hrim chu tukhawm muolphoin um naw ni hai, A san um lova vervêktaka thawtuhai ruok chu muolphoin um an tih.

INPÂKNA HLABU 27:1

Lalpa chu ka var le ka sandamna a nih, tu am ṭîng ka ta? Lalpa chu ka hringna kulbîng a nih; tu am ṭîng ka ta ?

INPÂKNA HLABU 33:22

Aw Lalpa, i ngilneina chu kan chungah um raw se. Kan beisei ang pei chein.

INPÂKNA HLABU 37:39

Mi felhai sandamna ruok chu Lalpa kuoma inthawk a ni a. Ama chu lunginzîng laia an kulbîng a ni hlak a.

INPÂKNA HLABU 46:1

Pathien chu ei inhumhimna le ei hrâtna, Lunginzîng laia ṭhangpui vartu hnai zing a nih.

INPÂKNA HLABU 46:5

Pathien chu a lai takah a um a, inhnîng naw ni a, Pathienin khawfingchat pha chun ṭhangpui a tih.

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a ti a.

INPÂKNA HLABU 60:11

A mi dotuhai thaw dingin mi ṭhangpui la; Mihriem ṭhangpuina chu teplo mei mei a ni si a.

INPÂKNA HLABU 62:1

Ka hringna hin Pathien chau a nghâk a, Amaa inthawk chun ka sandamna a hung suok ding a nih.

INPÂKNA HLABU 62:5

Ka hringna, Pathien chau nghâk rawh; Ka beiseina hi ama kuoma inthawka suok a ni si a.

INPÂKNA HLABU 62:8

Nangni mipuihai, ienglai khawmin ama chu ring unla, In lungril chu a hmaa chun bunthla ro: Pathien chu ei ta dinga inhumhimna a nih.

INPÂKNA HLABU 90:15

Nangin i mi sukrimsik ni le, Thil ṭha naw kan tuok kum sûng hu ang khan mi suklâwm rawh.

INPÂKNA HLABU 91:15

A mi ko pha chun, dawn ka ta, A lunginzîng lai chun a kuomah um ka ta, Ama chu sanhimin chawimawi ka tih.

FESUOKNA 14:27

Mosie chun tuipui chunga chun a kut chu a phar a, zîngkâr a hung ni chun tuipui chu a luong hrât pângngaiin a luong nâwk ta a; Aigupta mihai chu an tlânsie a, Lalpa chun Aigupta mihai chu tuipuia chun a pei lût ta a.

ISAI 17:10

Pathien i sandamtu i theinghil a, i hrâtna lungpui chu i hriet zing si naw a; chuleiin, kûng mawitak takhai i phun hlak a, a sûnga chun kau danglamtak takhai i sunbûr fur hlak a;

ISAI 25:4

Mi ṭiumhai thuok chu thlipuiin bang a nam sawk sawk anga a hung um lai hin, nang chu mi rimsihai ta dingin kulbîng, pasie lunginzîng laia dinga kulbîng, thlipuia inthawka inhumhimna, nisa sat hlietu i ni hlak si a.

ISAI 25:9

Chun, chu nia chun, “Ngai ta u, hi hi ei Pathien a ni hi, ama hi ei nghâk zing a; chuongchun, ama chun mi sandam a tih: hi hi Lalpa chu a ni hi; ama hi ei nghâk zing a, a sandamnaa chun hlimin lâwm ei tih,” tîng an tih.

ISAI 26:16

“Lalpa, an lunginzîng lai chun an sir hlak che a, i hremna chu an chunga a tlâk lai chun an ṭawngṭai zawmzawt a.

ISAI 26:8

Anih, Aw Lalpa, i rorêlna lampuia chun kan nghâk zing che a, kan hringna dit zâwng chu i hming tieng le i hriet zingna tieng hi a nih.

ISAI 37:3

Anni chun a kuomah, “Hezekia chun hieng ang hin a tih, ‘Vawisûn ni hi lunginzîngna ni le hmingsietna ni a nih, nauhai chu an pieng a hun ta si a; anni chu nei dingin hrâtna a um ta si nawh,

ISAI 40:10

En ta u, Lalpa Pathien chu mi hrâttak angin a hung ding a ni hi; a bân chun a aiah ro rêl a tih; en ta u, a lâwmman chu a kuomah a um hi, a thungna chu a hmaah a um bawk a.

ISAI 51:5

Ka felna chu a hnai a, ka sandamna chu a suok ta a, ka bânhai hin mi tin ro rêlpêk a tih, thlierkârhai chun mi nghâk an ta, ka bân hi ring an tih.

ISAI 59:16

Chun, mi hrim hrim an um nawh ti a hriet a, hnipêktu hrim hrim an um nawh ti a hriet a, hnipêktu hrim hrim an um naw chu mak a ti a; chuleiin, ama bân ngei chun sandamna ân siempêk a, ama felna ngei chun ama le ama ân chelngîr ta a.

ISAI 8:17

Kei chun Jakob sûnghai laia a hmai thuptu Lalpa chu nghâk ka ta, ama chu thlîr zing ka tih.

JEREMIA 14:8

Aw nang Israel beisei, buoina hun laia sandamtu, hi rama hin ieng dingin am mikhuol ang chau, zân khat riek dinga inzin mi puon in zartu ang el chu nîng i ta?

ṬAP HLA 3:23

Zîng tinin an thar a; i ringumna chu a ropui a nih.

HOSEA 14:2

Thu chawi pumin Lalpa kuom tieng kîr nâwk la, A kuoma chun hieng ang hin hril rawh, “Rîtlona po po chu la hmang la, A ṭha taphawt chu pawm la, Chuongchun, kan hmûr rahai chu, Bâwngchal aiah hung inhlân kan tih.