ISAI 33:19 - Pathien Lekhabu Inthieng (BSI)

¹⁹ Mi ṭiumtak, ṭawng inriltaka i hriet thei nawa ṭawng mihai, ṭawng danglam i hrietthiem nawa ṭawnghai chu hmu ta naw ti ni.

ISAI 33:19 ပူးပေါင်းရင်းမြစ်များ

INṬANNA 11:7

Thaw ro, zu fêng ei tiu a, ṭawng an inhriettuo thei nawna dingin an ṭawng zu suktumpêk ei tiu,” a ta.

2 LALHAI 19:32

Chuleiin, Lalpa chun Assuria lal chungchâng thu chu hieng ang hin a hril: ‘Hi khawpui hi hung tlung naw ni a, hitaka hin thal kâp bawk naw nih; phaw leh a kâwla hin hung bawk naw ni a, a khaw hrûla hin hnuoi dêng pâwng bawk naw ni hai.

FESUOKNA 14:13

Mosie chun mipui kuoma chun, “Ngîr ṭawk ṭawk unla, ṭi naw ro, Lalpa sandamna, in ta dinga vawisûn a thaw ding chu en el ro; vawisûna Aigupta mi in hmuhai hi kumkhuoin in hmu nâwk ta naw ding a ni si a.

ISAI 28:11

Anih, nisienlakhawm, hmûr danglam put mi hmangin, ṭawng dangin hieng mihai kuoma hin thu hril lem tâng a tih:

ISAI 37:34

A hungna lampui, chutaka ngei chun kîr nâwk a ta, hi khawpui hi hung tlung naw nih.

ISAI 37:37

Chuongchun, Assuria lal Sennakerib chu a suok a, a fe a, a kîr nâwk ta pei a. Ninevi khuoa chun a um ta zing a.

JEREMIA 5:15

Ngai ta, hlataka inthawkin i chungah hnam hung ṭhuoi ka ta, Aw Israel sûngkuo, Lalpa chun a tih; hnam hrâttak nîng a ta, hnam hluitak el ni bawk a ta; hnam an ṭawng khawm i hriet lo le, an hril khawm i hriet lo nîng a tih.

1 KORINTH 14:21

Dân Lekhabua chun, “ ‘ṭawng dang mihai bau le, ram dang mihai hmûrin, hieng mihai kuoma hin thu hril ka ta; chuong sa khawm chun mi ngainaw ni hai,’ Lalpain a tih,” ti ziek a nih.