ISAI 33:15 - Pathien Lekhabu Inthieng (BSI)

¹⁵ Feltaka um a, indiktaka hril hlaktu; nêksâwrnahai hlâwkpuina hrim hrim theida a, thamna la nuom lova, kut thin san a, thisen insuo thu ngai nuom lova na hup a, suolna hrim hrim en nuom lova insîm hlaktu chu;

ISAI 33:15 ပူးပေါင်းရင်းမြစ်များ

JOB LEKHABU (THE BOOK OF JOB) 31:7

Ka kalchawi chun lampui a pêtsan a, Ka lungrilin ka mithai chu a zui bawk chun, Ka kuthaiah kaidum hrim a um phawt chun;

INPÂKNA HLABU 106:3

Rorêlna vawng ṭhahai chu an hamṭha ie, Ieng lai khawma feltaka thawtu leh.

INPÂKNA HLABU 119:37

Thil teplo mei mei en lo dingin ka mithai mîn lâkhmangtir la, I lampuihaia chun mi sukhar rawh.

INPÂKNA HLABU 15:5

A pung um dinga tangka inpûktir ngailo, A thiem lem thiemnaw inchangtir dinga thamna khawm la ngailo mi chu: Chuong thilthawtu chu iengtik khawm inhnîng naw ni.

THUVARHAI 1:10

Ka naupa, mi suolhaiin an thlêm che chun Remtipui el naw rawh.

THUVARHAI 1:15

Ka naupa, anni chu lampuia chun intlawnpui naw la, An lampuia inthawk chun i ke chu vêng ṭha rawh.

THUVARHAI 10:9

Mi tluongtaka fe chu ngamtakin a fe a, A lampuihai pêtsantu ruok chu hriet nîng a tih.

THUVARHAI 15:27

Hlêpnaa duâm mi chun a insûng a chawkbuoi a, Thamna theidatu ruok chu hring a tih.

ISAI 58:6

“Hi hi ni lo am a ni bungheina ka idit zâwng chu? Rîtlonaa khuop sûtpêk le, rîngkawl hruihai sûtpêk le, nêksâwra umhai insuoktir le, rîngkawl tinrêng suktliekpêk hi.

ISAI 58:8

“Chu pha chun i var chu zîng nisa suok angin hung suok a ta, i damna ding chu hung inder suok vak a tih; i felna chun i hma ṭhuoi a ta; Lalpa ropuina chu i hnung dâltu nîng a tih.

EZEKIEL 22:13

Chuleiin, ngai ta, i hlêpna ringum lo, i lo thaw tah le, i sûnga i thisen i lo insuo tâk chunga chun ka kuthai ka ben el a nih.

MALAKI 2:6

Thutak dân chu a baua chun a um a, fel nawna chu a hmûrhaia chun hmu a ni hrim hrim nawh; tluongtak le kei le inremin a khawsa a, mi tamtak chu khawhlonaa inthawkin ân her hmangtir tah a nih.

NAMBAR 16:15

Chuongchun, Mosie chu a lung a sen hle el ta a; Lalpa kuomah, “An thilinhlân chu pawm naw rawh, an sabengtung chu pakhat khawm ka lâk naw a, tukhawm ka sukna bawk nawh,” a ta.

MATTHAI 26:15

“Ama chu inmantir ka ti cheu a ieng am mi pêng in ta?” a ta. Chun, tangka sâwmthum an bûkpêk ta a.

LUKA 1:6

An pahni chun Pathien mithmuah feltakin an um a, Lalpa thupêk le a dân po po chu sawisêlboa zâwm hlak mi an nih.

LUKA 19:8

Chun, Zakai chu a ngir a, Lalpa kuoma chun, “Ngai ta, Lalpa, ka sum zâtve pasiehai kuomah pêng ka ta; chun, tu chunga khawm thil ieng khawm lo hlêpru ka ni chun a lêt liin thung nâwk ka tih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:7

thil ṭha thaw fan fana, ropuina le chawimawina le bohmang thei nawna zawngtuhai kuoma chun kumkhuoa hringna pêng a tih.

DÂN PAHNINA 16:19

Indik nawtakin ro in rêl ding a ni nawh, tukhawm ditsak bîk in nei ding a ni nawh; thilpêk in lâk ding a ni bawk nawh; thilpêk chun mi varhai mit a sukdelpêk a, mi felhai thu a sukkhawhlopêk hlak si a.

JAKOB 5:4

Ngai ta u, in lova bu sîka inhlawfahai hlaw, hlêma in pêk naw kha, a khêk a, a sîktuhai lunginzing khêk ri khawm chu Mipuihai Lalpa naah a hung lût ta a.

1 JOHAN 3:7

Nauhai, tû ihlêm khawmin um naw ro; felna thawtu chu a fel a nih, ama a fel ang bawkin.

1 SAMUEL 12:3

Hitaka hin ka um a, Lalpa hmaa le a hrieknâl hmaa hin mi sêl ro le? Tu bâwngchal am ka lâkpêk hlak a? Tu sabengtung am ka lâkpêk hlak a? Tu am ka hlêm ta hlak a? Tu am ka suknawmna hlak a? Ka mit sukdel dingin tu kuoma inthawkin am thamna ka lâk hlak a? Thung nâwk vawng ka ti cheu,” a ta.