ISAI 33:14 - Pathien Lekhabu Inthieng (BSI)

¹⁴ Ziona mi suol umhai chun an ṭi a; Pathien inza naw mihai chu inthinnain a man ta a. Eini lai hin tu am thil kâng hmang mei kuomah um ei ta le? eini lai hin tu am kumkhuoa kâng hlut hlut kuoma dâm chun um ei ta le?

ISAI 33:14 ပူးပေါင်းရင်းမြစ်များ

JOB LEKHABU (THE BOOK OF JOB) 18:11

Kil tina chun ṭitumnahai chun ama sukṭîng a ta. A kekhawnghai sir peiin hnawt a tih.

INPÂKNA HLABU 11:6

Mi rilohai chunga chun chânghai insûrtir a ta, Mei le kât le thil lumtak chu an no chan ding nîng a tih.

INPÂKNA HLABU 21:9

I lungsen pha chun anni chu rawtuina mei chawk zur zur ang chun siem i ta, Lalpa chun anni chu lunginsenin lem zo a ta, Mei chun kâng hmang el a tih.

INPÂKNA HLABU 50:3

Ei Pathien chu hung a ta, to zing naw nih: A hmatieng chun mei kâng dur dur a ta, A vêla chun thlipui nasatak hrâng bawk a tih.

INPÂKNA HLABU 53:5

Ṭitna hrim hrim um nawnaa chun ṭi êm êmin an um a. Pathienin thaw tuma eptu che ruhai chu a sukdar ta si a; Pathienin anni chu a pei thlâk leiin i sukmuolpho ta a.

THUVARHAI 28:1

Mi suol chu tukhawm ihnawt naw khawmin a tlânsie a, Mi felhai ruok chu sakeibaknei angin an huoi.

ISAI 1:28

Nisienlakhawm, bawsetuhai le mi suolhai suksietna chu um inruol a ta, Lalpa mâksantuhai khawm sukbohmangin um an tih.

ISAI 10:16

Chuleiin, Lalpa, sipaihai Lalpa chun, a mi thauhai laia chun chêrna tir a ta, a ropuina hnuoia chun meichawk lai zing ang hin mei sêmin um a tih.

ISAI 10:6

Râllâk la ding le, thil lâkpêk la ding le kawtthlêr chirhak anga sir dingin ama chu Pathien inza naw hnam do dingin tir ka ta, ka lunginsenna mihai chu thaw dingin thu pêng ka tih.

ISAI 29:13

Chun, Lalpa chun, “Hieng mihai hin an mi hung hnai a, an bau le an hmûr hin an mi chawimawi hlak deha chu, an lungril chu keia hlatah an sawn hlak a, an mi ṭina chu mihriemhai thupêk miin an inchûktir el chu a nih;

ISAI 29:6

Vâninrûm dâm, simkhawleihnuoi inhnîng dâm, ri nasatak dâm, thlivir dâm, thlipui dâm, thil kâng hmang thei meichawk dâmin ama chu sipaihai Lalpa hremin um a tih.

ISAI 32:11

Nuhmei um mei meihai, inthin ro; mi ngaisamhai, lunginzîngtakin um ro, inhlîp unla, saruokin insiem unla, in kâwngahai chun saiip puon bi ro.

ISAI 34:9

A vadung tuihai chu lawng hnaia inchangtirin um a ta, a pilvut chu kâta inchangtirin um bawk a tih, a ram chu lawng hnai kâng hlut hlutah inchang a tih.

ISAI 47:14

Ngai ta, bupâwl ang el nîng an ta; meiin kâng a tih; meichawk thilthawtheinaa inthawk chun insanhim naw ni hai a; insuklumna ding meihawl ang khawm ni naw ni a, awi ding mei ang khawm ni bawk naw ni.

ISAI 5:24

Chuleiin, meichawkin bupâwl a liek hmang duok duok hlak ang le, hlohna ṭâwl chu meichawka a tlu zawt zawt angin an zung chu hmawnna angin um a ta, an pâr chu pilvut angin intung lui lui a tih; sipaihai Lalpa dân chu an dit naw a, Israelhai Mi Inthieng thu chu an ngainêp leiin.

ISAI 66:24

Chun, fe suok hlak an ta, keia chunga bawsetuhai ruok chu en an tih, an ngêhai chu a thiin, an mei chu sukhlumin a um ding a ni si naw a, mi po po ta dingin thil tirdakumtak nîng a tih”.

ISAI 7:2

Chun, David sûnghai chu, “Suria chu Ephraim leh an ṭhang hmunkhat tah,” tiin an hril a. Chuongchun, a lungril le a khuoletuihai lungril chu, ramhnuoi thinghai thliin a sukhnîng suou suou ang hin, sukhnîngin a hung um ta a.

ISAI 9:17

Chuleiin, Lalpa chu an tlangvâlhai chungah lâwm naw ni a, an naufahrahai le hmeithaihai chu lunginsiet bawk naw nih; an rêngin Pathien inzâ naw mi le thil ṭha naw thawtu an ni vawng a, bau po po chun thu teplo a hril seng si a. Chuong ang lâwma a thaw khawm chun a lunginsen chu a la bo chuong si naw a, a kut chu a lân let ta rawp a.

ISAI 9:18

Rîtlona chu mei angin a chawk dur dur hlak si a, buor le hlohlingneihai chu a kâng hmang hlak; anih, ramhnuoi thing bitna hmunahai chun a kâng dur dur a, a khu ân tung ngut ngut hlak.

ISAI 9:19

Sipaihai Lalpa lunginsenna leiin ram chu a kâng siet a, mihai khawm chu meia ti ding thing ang an na; tukhawma mâni unau ngei khawm an hla nawh.

AMOS 9:10

Ka mihai mi suol po po, ‘Sietna chun mi hnawt phâk naw ni a, mi nang bawk naw ni,’ tihai chu kâwlhnâmin thîng an tih.

NAHUM 1:6

A lungninawna hmaa chun tu am ngîr thei an ta, a lunginsenna nasataka chun tu am um thei an ta? A lunginsenna chu mei anga bunthlâk a na, lungpuihai chu a sukkawi vawng a nih.

MALAKI 3:2

“Nisienlakhawm, a hungna nia chun tu am um thei a ta? Ama a hung inlang pha chun tu am ngîr a ta? Ama chu fiena mei ang le, puon sâwptu sabawn ang a ni si a;

MATTHAI 18:8

Chun, i kutin amanih, i kein amanih a sukthlûk che chun, tan la, pei dai rawh; kut pahni amanih, ke pahni amanih neia kumkhaw meia peia um nêk chun, piengsuolin amanih, ke baiin amanih hringnaa lût i ta dingin a ṭha lem.

MATTHAI 22:12

Chuongchun, a kuomah, ‘Ruola, iengtizie am a na, inneina puon boin hitaka hin i hung lût el a?’ a ta. Chun, ama chu a to zing a.

MATTHAI 24:51

tum hni hung insuong a ta, mi vervêkhai chan ang hung inchangtir a tih; chutaka chun ṭap le harâwt chu um a tih.

MATTHAI 25:41

“Chu zoa chun a vawitienga mihai kuoma khawm chun, ‘ṭawngsephurhai, kumkhuo mei diebol le a tirkohai ta dinga an buotsaia chun mi fe hmangsan ro;

MATTHAI 25:46

Chun, chuonghai chu kumkhaw hremnaah fêng an ta, mi felhai ruok chu kumkhaw hringnaah fêng an tih,” a ta.

DÂN PAHNINA 4:24

Lalpa in Pathien chu kâng bohmang mei, thîkthusetak Pathien a ni si a.

2 THESSALONIKA 1:8

Pathien hre naw mi le ei Lalpa Isu Chanchin Ṭha awi lo mihai chunga phuba lâk chu.

HEBRAIHAI 12:29

ei Pathien hi mi kâng bohmang mei a ni si a.

THUPUONGSUO 14:10

a lunginsenna noa iengkhawm pawl lova siem chu dâwn a ta, vântirko inthienghai mithmua le Berâmte mithmua chun mei le kâta sawisakin um bawk a tih.

THUPUONGSUO 20:10

Chun, anni hlêmtu, Diebol chu Sahrâng le zâwlnei tehlêm umna, mei le kât dîla chun an pei ta a; chuongchun, chatuonin a sûn a zâna sawisakin um an tih.