ISAI 33:13 - Pathien Lekhabu Inthieng (BSI)

¹³ Hlataka umhai, ka thilthaw hi nain lo hre ro; hnaitaka umhai, ka thilthawtheizie hi hre ro.

ISAI 33:13 ပူးပေါင်းရင်းမြစ်များ

INPÂKNA HLABU 148:14

A mihai ki chu a chawimawi bawk a, A mi inthieng po po inpâkna chu: Israel nau, ama hnaituhai inpâkna chu. Lalpa chu inpâk ro.

INPÂKNA HLABU 48:10

Aw Pathien, i hming ang ngeiin, Nangma inpâkna chu kâwlkawdawng chenin a um a; I kut changtieng chu felnain a sip a nih.

INPÂKNA HLABU 97:8

Zion tlâng chun a hriet a, lâwmtakin a um a; Juda naunuhai chu hlimtakin an um bawk a, Aw Lalpa, i rorêlnahai leiin.

FESUOKNA 15:14

Mipuihai chun an hriet a, an inthin a; Philistin mihai chu lungngainain an sip a.

ISAI 18:3

Khawvêla um po po le leihnuoi hluohai, tlângahai inchikna an târ suok phaleh en ro; tawtawrâwt an mût pha chun ngai ro.

ISAI 37:20

Chuleiin, aw Lalpa kan Pathien, nang hi, nang chau hi, Lalpa i nih ti leihnuoi hluo ram po po hin an hriet theina dingin annia inthawk hin mi sandam rawh,” tiin.

ISAI 49:1

Aw thlierkârhai, ka thu ngai unla, hlataka mi tinhai, lo ngai bawk ro; Lalpa chun sula inthawk hrimin a mi ko a; ka nu phîng sûnga inthawk hrimin ka hming a lo hril ta a;

ISAI 52:10

Lalpa chun hnam tinrênghai mithmua chun a bân inthieng chu a hlîm tah; chuongchun, kâwlkawdawnga mi po poin ei Pathien sandamna chu hmûng an tih.

ISAI 57:19

Kei chun hmûrhai ra ka siem hlak a, ‘Inremna, inremna, hlataka um kuoma le hnaitaka um kuoma chun um raw se,’Lalpain a tih, ama chu sukdam ka tih.

DANIEL 3:27

Chun, biel awptuhai, ram awptuhai, sipai hotuhai le lal rorêltuhai hung inkhâwmhai chun chuong mihai chu an taksahai chunga chun meiin thilthawtheina a nei naw a, an lua sam khawm chu a kângkin naw a, an zakuohai khawm chu a danglam chuong naw a, anni chu mei rim khawm an innam nawh ti chu an hmu a.

1 SAMUEL 17:46

Vawisûn hin Lalpain nang hi ka kutah a mi pêk ding a nih, chun, that ka ti che a, i lu ka tanpêk ding che a nih; chun, Philistin sipaihai ruong chu vawisûn hin ramsahai le chunglêng vatehai kân fâktir ding a nih; chuongchun, hnuoi chunga mi po po hin Israelhai lai hin Pathien a um ti hre thei an tih;