ISAI 32:17 - Pathien Lekhabu Inthieng (BSI)

¹⁷ Chun, felna sinthaw chu inremna nîng a ta, felna thil suok chu kumkhuoa muongtaka umna le ring tlata umna nîng a tih.

ISAI 32:17 ပူးပေါင်းရင်းမြစ်များ

ESTHER 9:30

Chun, Juda mi po pohai kuomah, Ahasuer lalram, rambung za sâwmhni pasaria chun, thudik le thlamuonna thuhai le chun lekhathawnhai chu a thawn ta a;

INPÂKNA HLABU 119:165

I dân ngainatuhai chun thlamuongna nasatak an nei a, Tlûkna hrim hrim an nei nawh.

INPÂKNA HLABU 85:10

Ngilneina le thutak ân tuok a, Felna le remna an infâwp a.

INPÂKNA HLABU 85:8

Pathien Lalpa thu hril ding chu ngai ka ta, A mihai le a mi inthienghai kuomah lungmuongna thu a hril ding a ni si a; Nisienlakhawm, anni chu invêtna tieng ngha nâwk ta naw raw hai se.

THUVARHAI 1:33

Amiruokchu, tukhawm keia thu ngai chu himtakin chêng a ta, Rîtlona ṭi dêr lovin um ṭawk ṭawk a tih.

THUVARHAI 14:26

Lalpa ṭinaa hin ringna nghettak a um a, A thlahai chun inhumhimna hmun nei an tih.

ISAI 11:10

Chun, chu nia chun, Jessai zung, mi tin inchikna dinga ngîr chu ama ngei chu hnam tinin râwn an ta, a châwlna hmun chu ropui a tih.

ISAI 11:13

Chuongchun, Ephraim hai îtthîkna chu bo tâng a ta, Juda hai sukbuoituhai chu sukbohmangin um tâng an tih; Ephraim hai chun Juda hai chu îtthîk ta naw ni hai a, Juda hai khawma Ephraim hai chu sukbuoi ta naw ni hai.

ISAI 26:3

I chunga lungril innghattu chu nang a ring che leiin, lungmuongtaka um dingin vêng i tih.

ISAI 28:12

“Hi hi a nih châwlna chu, sâwlhai chu inchâwltir ro; hi hi a nih insukharna chu,” a tihai chu: nisienlakhawm, an ngai nuom si nawh.

ISAI 30:15

Lalpa PATHIEN, Israelhai Mi Inthieng chun hieng ang hin a hril ta si a, “Kîr nâwka châwla umin sandamin um in ta; muongtaka umnaa le ringtaka umnaa hin in hrâtna um a tih,” tiin, nisienlakhawm, in nuom si nawh.

ISAI 33:6

I dam sûng chun um nghetna um a ta, sandamna dâm, varna dâm, hrietna dâm um ṭeu a tih; Lalpa ṭîna chu a ro a nih.

ISAI 48:18

Aw nangni hin ka thupêkhai chu lo ngai chu ni unla chu aw! In chungah inremna chu vadung ang ela umin, in felna chu tuipui infâwnhai ang elin a um ding bah;

ISAI 55:12

Hlimtaka suokin, lungmuongtaka ṭhuoi suokin in um ding a ni si a, tlâng lienhai le tlâng chînhai chun in hmaah hla sak suok phut an tih, phûl thing po pohai chun an kut ben bawk an tih.

ISAI 57:19

Kei chun hmûrhai ra ka siem hlak a, ‘Inremna, inremna, hlataka um kuoma le hnaitaka um kuoma chun um raw se,’Lalpain a tih, ama chu sukdam ka tih.

ISAI 66:12

Lalpa chun hieng ang hin a ti si a, “Ngai ta u, inremna chu vadungpui ang elin a kuom chenin inluongtir ka ta, hnam tin ropuina chu vadungtê a kuong liem dûl dûl angin a kuom tlungin inluongtir bawk ka tih, chuongchun, chu chu nêng in tih; hmathlâk a ti cheu a, a khûp chunga chun inchâwmtir a ti cheu.

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tungding dingin. Sipaihai Lalpa ṭhahnemngaina chun chuong chu thâwng a tih.

EZEKIEL 37:25

Ka siehlaw Jakob kuoma ram ka pêk, in thlatuhai chêngnaa khan chêng an ta; chutaka chun kumkhuoa dingin chêng an ta, anni le an nauhai leh, an nauhai nauhai leh; chun, ka siehlaw David chu kumkhuoa dingin an lal nîng a tih.

EZEKIEL 39:29

annia inthawk chun ka hmai chu thuppêk ta bawk naw ning a; Israel sûngkaw chunga chun ka thlarau ka buok ta si a, Lalpa Pathien chun a tih,” tiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:17

Pathien ram chu dâwn le fâk tieng thu a ni si naw a; felna dâm, inremna dâm, Thlarau Inthienga lâwmna dâm a ni lem ie.

2 KORINTH 1:12

Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni lovin, Pathien lunginsietna lemin, khawvêla hin kan châng kha, nangni tiengah kan châng ṭha nâwk zuol a.

HEBRAIHAI 12:11

Chun, thununna hrim hrim hi tuor lai chun lâwmumin ân lang naw a, thlasietthlâkin ân lang lem hlak, tuor hnung ruok chun chutaka sawizawia umhai ta ding chun felna ra thlamuongumtak chu ân suopêk hlak.

HEBRAIHAI 6:11

Chun, in beiseina chu a famkima hmu dingin a tâwp chenin in ṭhahnemngaina pângngai insuo pei unla kan ti bêk bêk a nih.

1 JOHAN 4:17

Hitaka hin ei chungah hmangaina a famkim tah; rorêl nia ṭi lova ei um theia hin; ama um anga khawvêla hin ei um leiin.