ISAI 32:13 - Pathien Lekhabu Inthieng (BSI)

¹³ Ka mihai rama hin hlohlingneihai le buorhai chu tlâng a tih; anih, khawpui hlimumtaka hlimna in po pohai chunga chun,

ISAI 32:13 ပူးပေါင်းရင်းမြစ်များ

INPÂKNA HLABU 107:34

Ram ṭha chu ram ṭâwl chawkah ân changtir hlak a, A sûnga umhai rîtlona leiin.

ISAI 22:2

Aw khêk ria sip, khawpui sa mur mur, khaw hlimtak, i sûnga an thathai chu kâwlhnâma that an ni naw a, indonaa thi an ni bawk nawh.

ISAI 23:7

Hi hi maw in khaw hlim tak, a hlunzie khawṭoṭima mi tah, a kein hlataka um dinga a iṭhuoi hlak chu?

ISAI 23:9

Sipaihai Lalpa chun ropuina po po chapona chu sukmawi lo ding le, hnuoia mi inzaumhai po po hmusituma inumtir dingin a ruot a nih.

ISAI 24:11

Uoin leiin kawtthlêrahai chun ṭap ri a um a, hlimna po po sukthimin a um a, hi ram hlimna hi a bo tah.

ISAI 27:10

Khuo kulpui nei chu a khawsâwt a, umna, mi hnungsawn le fesan hnung a ni ta si a, thlalêr ang elin; chutaka chun bâwngtê tlâng a ta, chutaka bawk chun bawk a ta, a kauhai chu fâng a tih.

ISAI 34:13

An lal inahai chun hlohlingneihai ṭo a ta, an kulpui sûngahai chun zakthlai le buorhai ṭo a ta, sihalhai umna ding le vate rîngseihai ta dingin in inhuon sûng tuollai nîng a tih.

ISAI 5:10

Grêp huon ṭin sâwm hmunah bath khat chau la pieng a ta, bu chi homer khat tuin epha khat chau a la pieng ding a ni si a,” tiin.

ISAI 5:6

Sukrêm vawng ka ta; sâtderin um naw ni a, cho phitin um bawk naw nih; buor le hlohlingneihai mâwng lem a tih; sûmhai khawm a chungah ruo hrim hrim insûrtir lo dingin thu pe bawk ka tih.

ISAI 55:13

Hlohlingnei nêk chun fâr mâwng lem a ta, buor nêk chun inhmui mâwng lem a tih; chu chu Lalpa ta dinga hmingṭhatna ding le, kumkhawtluonga inchikna sukbohmanga um lo ding nîng a tih.

ISAI 6:11

Chun, kei chun, “Lalpa, ieng chen am nîng a ta?” ka ti a. Chun, ama chun a hril a, “Khawpuihai mihriem um lova inram a na, inhai hluotu um lovin a ṭîek a, râusana a um vawng a,

ISAI 7:23

Chun, chu nia chun hmun tin, grêp hrui sâng, tangka sâng man umna taphawt chu, buor le hlohlingnei hmun el hung ni tâng a tih.

JEREMIA 33:4

Hi khawpui inhai chungthua le Juda ram lalhai in kâwlhnâm le hnuoi dêng pâwng lama inthawka dangna siemna dinga sukchima umhai chungthua chun Israel Pathien Lalpa chun hieng hin a tih:

JEREMIA 39:8

Chun, Kaldaihai chun lal in le mihai inhai chu meiin an raw a, Jerusalem kulbanghai chu an sukchim ta a.

JEREMIA 52:27

Babulon lal chun anni chu a hrem a, Hamath rama Riblaa chun anni chu a that tâwl ta a. Chuongchun, a rama inthawk chun Juda chu sala intâng dinga ṭhuoi a ni ta a.

HOSEA 10:8

Israel suolna Aven hmun insânghai khawm chu suksiet nîng a tih, An maichâmahai chun hling le hlohlingnei hung ṭo a tih. Tlâng kuoma chun, “Mîn khum rawh,” tîng an ta; Muol kuoma chun, “Mi del rawh,” tîng an tih.

HOSEA 2:3

Chuong naw chun saruokin siem ka ta, A pieng nia a um angin inumtir ka tih, Thlalêr angin siem ka ta, Ram ṭâwl angin inumtir ka ta, Dangchârin sukhlum ka tih.

HOSEA 9:6

Ngai ta u, sietna chu an mâksan a, Aigupta chun anni chu lo kei khâwm lem a tih, Memphis chun lo phûm a tih; An tangkaruo thil ditumhai chu zakthlaiin bâwm a ta, An puon inhaia chun hlo hlingnei um a tih,