ISAI 32:11 - Pathien Lekhabu Inthieng (BSI)

¹¹ Nuhmei um mei meihai, inthin ro; mi ngaisamhai, lunginzîngtakin um ro, inhlîp unla, saruokin insiem unla, in kâwngahai chun saiip puon bi ro.

ISAI 32:11 ပူးပေါင်းရင်းမြစ်များ

INPÂKNA HLABU 123:4

Mi inhawitirhai dêuna le, Chapohai hmusitnain, Kan hringna hi a sukchau sâwt taluo a nih.

FESUOKNA 33:4

Mipuiin hi thuthang ṭhanaw hi an hriet chun an sûn a, tukhawmin an incheina chu an inbel ta naw a.

ISAI 15:3

An kawtthlêrahai chun saiip puon an dierkei a, an in chungahai le an tuolzâwl lienna laiahai chun mi tin chu nasataka ṭapin an khêk rak rak a.

ISAI 2:19

Chun, hnuoi hi nasatak taka sukhnîng dinga a tho pha chun, Lalpa ṭiumnaa inthawk le a mawina ropuinaa inthawk chun mihai chu lungpui pûkahai le hnuoi kuoahai chun lût an tih.

ISAI 2:21

hnuoi hi nasatak taka sukhnîng dinga a tho pha, Lalpa ṭiumnaa inthawk le, a mawina ropuinaa inthawk chun, lungpui pûkahai le râwl lungpui kakahai chun lût an tih.

ISAI 20:4

Assuria lal chun Aiguptahai manhai le Ethiopiahai salhai chu, a nuhmei a pasalin, saruok le kekawk bun lo le mawng inlangin Aiguptahai muolphona dingin ṭhuoi hmang a tih.

ISAI 22:12

Chu nia chun Lalpa, sipaihai Lalpa chun, ṭap ding le, âwm inchum ding le, lu sukkawl ding le, saiip puon dierkei dingin a ko a;

ISAI 3:24

Chun, mawsawla rim inhniktak aiah thil hmawn um a tih; kâwnghrên aia chun hruihruol um bawk a tih; sam inkir bap aiah lukawlna um a ta; puon mawitak aiah saiip puon dierkei um a tih; hmêl ṭhat aiah thîr linga depsietna um a tih.

ISAI 33:14

Ziona mi suol umhai chun an ṭi a; Pathien inza naw mihai chu inthinnain a man ta a. Eini lai hin tu am thil kâng hmang mei kuomah um ei ta le? eini lai hin tu am kumkhuoa kâng hlut hlut kuoma dâm chun um ei ta le?

ISAI 47:8

Chuongchun, nang nunkhuo phâm a, ngaisamtaka um a, mâni lungrila, “Keima ka nih, keima naw chu mi dang hrim hrim an um nawh, hmeithaiah ṭhung naw ning a, nauhai chân thu khawm hre bawk naw ning,” titu, hi hi hre rawh;

JEREMIA 4:8

Hi hi lei hin saiip puon dierkei unla, sûn unla, ṭap inrûm ro; Lalpa lunginsenna ṭium chu einia inthawkin a hnungkîr si naw a.

JEREMIA 49:3

Aw Hesbon ṭap inrûm rawh, Ai chu suksiet a ni ta si a; nangni Rabba naunuhai, khêk unla, saiip puon inbel unla, ṭap unla, a daihai laia chun hnungtieng hmatieng tlân inlawn ro; Milkom chu a thiempuhai leh a rorêltuhai leh sala intâng dingin a fe ding a ni si a.

JEREMIA 6:26

Aw ka chipui naunu, saiip puonin inbel la, pilvuta chun inbuol rawh; naupasal khât sûn angin sûn la, sûnna natak el chun, ei chunga chun suksetu chu a hung vak ding a ni si a.

HOSEA 2:3

Chuong naw chun saruokin siem ka ta, A pieng nia a um angin inumtir ka tih, Thlalêr angin siem ka ta, Ram ṭâwl angin inumtir ka ta, Dangchârin sukhlum ka tih.

JOEL 1:8

Nunghâkin saiip puon bil a, a ṭhatlai pasal a sûn angin ṭap rak rak ro.

AMOS 4:12

“Chuleiin, aw Israel, i chungah hieng ang hin ka thaw ding a nih; i chungah hi hi ka thaw ding a ni leiin, aw Israel, i Pathien chu tuok dingin insiem zo rawh”.

ZEPHANIA 2:15

Hi hi khawpui hlim, fîmkhur lotaka khawsa a, a lungrila, “Kei ka nih, kei naw chu tu dang khawm an um nawh,” titu chu: iengtiziea râusana umin ran ruol riekna hmun a hung ni el am a ni ta leh aw! tukhawm a fe khêl taphawt chun inhlîp an ta, an kut thinkhum an tih.

DÂN PAHNINA 28:48

nangni thaw dinga Lalpain a la hung tir ding in hmêlmahai rawng chu, phîngṭâm pum dâm, dangchâr pum dâm, saruok pum dâm, thil iengkim tlasam pum dâmin la bâwl in tih; an sukbohmang hmakhat cheu chun in rîngah thîr rîngkawl inbâttir an tih.

JAKOB 5:5

Khawvêla hin inhawitirtakin in um a, in insukthâm mei mei a; in that niin in lungril in suktlai a.