ISAI 32:10 - Pathien Lekhabu Inthieng (BSI)

¹⁰ Nuhmei ngaisamhai, kum khat le ni ieng amani zât chena chun lunginzîng tâng in tih; grêp lo ding hlak a um âwm si naw a, grêp lo khâwm dinga chun iengkhawm a hung pieng âwm si naw a.

ISAI 32:10 ပူးပေါင်းရင်းမြစ်များ

ISAI 16:10

Lâwmna chu lâkpêkin a um tah; lo ṭhataka inthawk dâm chun hlimna chu lâkpêkin a um ta bawk a; grêp huonahai chun hlasak hrim hrim um ta naw ni a, ri hlimum hrim hrim um ta bawk naw ni; grêp sâwrna khurahai chun sir sâwrtu hrim hrimin uoin sir pût ta naw ni hai a; grêp sîk khêk ri chu ka sukbo tah.

ISAI 7:23

Chun, chu nia chun hmun tin, grêp hrui sâng, tangka sâng man umna taphawt chu, buor le hlohlingnei hmun el hung ni tâng a tih.

JEREMIA 8:13

Anni chu kâng hmang letdêr ka tih, Lalpa chun a tih; grêphruiahai chun grêp um naw ni a, theichang kûngahai khawm chun theichang um naw ni a, a hna khawm chu vuoi a tih; chun, an kuoma thil ka pêkhai khawm chu annia inthawk chun fe hmang a tih.

HOSEA 2:12

A grêp hrui le a theichang kûng, Hieng hi ka dit zâwnghai mi pêk, ka hlaw chu a nih, A ti hlakhai chu sukrêm ka tih. Ramhnuoiah siem ka ta, ramsahaiin fâng an tih.

HOSEA 3:4

Israel mipuihai chu ni tamtak laltak le mi lien le, inthawina le lungphun inser, thiempu zakuo amanih, milimhai amanih, nei lovin an um ding a ni si a.

JOEL 1:12

Grêp hrui chu a vuoi a, theichang kûng chu a châu a, theibufai kûng dâm, intûm dâm le apple thei kûng dâm, loa thing po pohai khawm chu a ṭuoi ta a; mihriem nauhai laia lâwmna chu a vuoi hmang ta si a.

JOEL 1:5

Inruihai, har unla, ṭap ro; uoin dâwn po pohai, a uoin thlum lei chun khêk rak rak unla, in baua inthawka lâk hmang a ni ta si a.

JOEL 1:7

Ka grêp hrui a suksiet a, ka theichang kûng hâwng a khek a, a khek fai vawng a, a peihâwn a; a kâuhai chu a fil vâr vawng a.

HABAKKUK 3:17

Theichang kûng chu pâr naw sien khawm, Grêphruia chun a ra um naw bawk sien khawm; Oliv leia sin inrimna chu hung thlâwnin, Lohai chun bu insuo naw bawk hai sien; Berâm ruol chu a ina inthawka sât thlâka umin, Bâwng ina chun bâwng ruol khawm um naw bawk hai sien khawm,

ZEPHANIA 1:13

Chuongchun, an hausaknahai chu râllâk sum ang hung nîng a ta, an inhai chu râusan hung nîng a tih: anih, inhai chu bâwl hlak an ta chu, a hluo ruok chu hluo ngai naw ni hai a, grêphruihai khawm phun an ta, nisienlakhawm, chutaka a uoin chu dâwn dêr naw ni hai.