ISAI 31:4 - Pathien Lekhabu Inthieng (BSI)

⁴ Lalpa chun hieng ang hin ka kuomah a hril si a, “Sakeibaknei le sakeibaknei vânglaiin sa a hau lai chun berâm vêngtu tamtak a thaw dinga ko suokin um hai sienla khawm, an râwl chu ṭi naw ni a, an risiet leiin ân tîm chuong naw ding ang hin, sipaihai Lalpa chu Zion tlânga le a muol pâwnga thaw dingin a hung ṭum ding a nih.

ISAI 31:4 ပူးပေါင်းရင်းမြစ်များ

2 CHANCHIN SUINA 20:15

ama chun a hril a, “Nangni Juda mi po pohai, Jerusalem hluotu po pohai le nang lal Jehosaphat, lo ngai ta u, Lalpa chun hieng ang hin in kuomah a ti a nih, ‘Hi mipui tamtak lei hin beidawng naw unla, ṭit khawm ṭi bawk naw ro; indona chu in ta a ni naw a, Pathien ta a ni lem si a.

FESUOKNA 14:14

Lalpa chun in ta dingin do a ta, nangni ruok chu in um ṭawk ṭawk ding a nih,” a ta.

FESUOKNA 14:25

An sakawr tawlailîr kekuolhai chu a sukthlawngpêk a, intaktakin an khal ta a; chuongchun, Aigupta mihai chun, “Israelhai hmaa inthawkin tlân el ei tiu, Lalpa chun an ta dingin Aigupta mihai chu a dopêk a ni hi,” an ti a.

ISAI 10:16

Chuleiin, Lalpa, sipaihai Lalpa chun, a mi thauhai laia chun chêrna tir a ta, a ropuina hnuoia chun meichawk lai zing ang hin mei sêmin um a tih.

ISAI 12:6

Ziona umhai, inringtakin khêk unla, khêk tuor tuor ro, Israelhai Mi Inthieng nangni laia um chu a ropui si a,” tiin.

ISAI 30:30

Chun, Lalpa chun a râwl ropuitak chu inhriettir tâng a ta, a lunginsenna nasatak le thil kânghmang meichawkin, thlipui le ruopui le rielin, a kut thlâk dân chu inentir tâng a tih.

ISAI 30:32

Ama chu hmawl ruotsaa Lalpain a vuok po leh khuongtêhai le ṭingṭanghai leh vuong a ta; a hmawl inleta inthawnahai chun anni chu thâwng a tih.

ISAI 42:13

Lalpa chu mi hrâttak angin suok a ta, indo mi angin lunginsenna chawktho a tih, khêk a ta, anih, inringtakin khêk a tih; ama dotuhai chunga chun hrâttakin châng a tih.

JEREMIA 50:44

“Ngai ta u, umhmun det chu doin, Jordan chaponaa inthawk chun sakeibaknei angin hung suok a ta; amiruokchu, amaa inthawk chun intlânsiettir vak ka tih; chun mi ama chunga thunei ding chun ruot ka ta; kei ang hi tu am an um hrim a? Tuin am hun mi ruotpêk a ta? Berâm vêngtu ka hmaa ngîr ding chu tu am a na?

HOSEA 11:10

Lalpa chu zui an ta, Sakeibaknei anga inrûm ding chu; Anih, inrûm ngei a ta, Khaw thlang tienga inthawkin a nauhai chu Inthin pumin hung an tih.

AMOS 3:8

Sakeibaknei ân rûm a, tuin am ṭi nâwng a ta? Lalpa Pathien chun thu a hril a, tuin am hril naw thei an ta?” tiin.

ZEKARIA 12:8

Chu ni chun Lalpa chun Jerusalem hluotuhai chu hliekhûng a ta, chu nia anni laia hrât naw chu David ang nîng a ta; chun, David sûngkuo chu Pathien ang, an hmaa Lalpa vântirko ang chu nîng a tih.

ZEKARIA 14:3

Chun, Lalpa chu fe suok a ta, indona nia a do angin, chuong hnamhai chunga chun do a tih.

ZEKARIA 2:5

A vêlin kei a mei kul bang nîng ka ta, a sûnga chun kei chu a ropuina ka ni ding a ni si a, Lalpa chun a tih,” a ta.

ZEKARIA 9:15

Sipaihai Lalpa chun anni chu hliekhûng a ta; chun, fa zo an ta, vailungdêngin hnêng an ta; chun, dâwn an ta, uoin inrui angin risie siem an ta, mâichâm kilhai ang le thlêngkûmhai anga suksip nîng an tih.

ZEKARIA 9:8

Chun, sipai râl vêng pâwl angin ka in vêla chun umnghâng ka ta, tukhawm fe thlengin kîr naw ni hai a; nêksâwrtuhai khawm fe thleng nâwk ta ngai hrim hrim naw ni hai, tuhin keia mit ngeiin ka hmu ta si a.

THUPUONGSUO 10:3

sakeibaknei inhûk angin rawl inringtakin a khêk ta a. A khêk zo chun vâninrûm pasarihai chun an rawl an insuo ta a.

THUPUONGSUO 5:5

Chun, upa laia pakhat chun, ka kuomah, “Ṭap naw, ngai ta, Sakeibaknei Juda hnama mi, David Bulpui khan, lekhabu chu phar ding le, a închikna pasari sût dingin a hne tah,” a ti a.