ISAI 31:3 - Pathien Lekhabu Inthieng (BSI)

³ Aigupta mihai chu Pathien an ni naw a; mihriem el an na; an sakawrhai chu thlarau an ni naw a, tisa el an na; chuongchun, Lalpain a kut a phar pha chun a ṭhangpuitu chu pêm thlawk thlawk a ta, a ṭhangpuina khawm chu tlûng a ta, an rêng chun bohmang vawng lem an tih.

ISAI 31:3 ပူးပေါင်းရင်းမြစ်များ

2 CHANCHIN SUINA 32:8

ama kuoma chun tisaa sipai pâwl an na, amiruokchu, eini kuoma chu Lalpa ei Pathien chu mi ṭhangpui ding le ei indona chu do dingin a um a nih,” tiin. Chun, mipui chu Juda lal Hezekia thuhrila chun an sâwldam hle a.

INPÂKNA HLABU 118:8

Mihriem ring nêk chun Lalpaa ringna innghat hi a ṭha lem a nih.

INPÂKNA HLABU 33:17

Sakawr hi insanhimna dingin iengkhawm a ni naw a, A hrât bêk bêk leiin tukhawm sanhim bawk naw nih.

INPÂKNA HLABU 9:20

Aw Lalpa, anni chu sukṭi la, Hnam tin chun mihriem el an nih ti inhre raw se.

ISAI 10:3

Chuongchun, an hung kan nia cheu le hlataka inthawka râusanna hung tlung dinga inthawk ieng am thaw tâng in ta le? Ṭhangpuina hniin tu kuom âm tlân tâng in ta le? In ropuina chu khâw lai am mâksan tâng in ta le?

ISAI 20:4

Assuria lal chun Aiguptahai manhai le Ethiopiahai salhai chu, a nuhmei a pasalin, saruok le kekawk bun lo le mawng inlangin Aiguptahai muolphona dingin ṭhuoi hmang a tih.

ISAI 20:6

Chuongchun, chu nia chun tuipui panga umhai hin, ‘En ta, ka beiseitak, Assuria lala inthawka mi sanhim dinga mi ṭhangpuitu dinga ei tlânna chu, hieng hi a ni ta si a, eini hi iengtin am tlân suok ei ta?’ la tîng an tih,” a ta.

ISAI 30:16

“Ni lo, sakawr chunga chuongin tlân dur dur kan tih,” in ti lem si a; chuleiin, tlân dur dur ngei in tih; “Thil hrâttak chungah chuong kan tih” in ti a; chuleiin, a hnawttu dinghai cheu chu hrâttak nîng an tih.

ISAI 30:5

An ta dinga ṭhathnemna hrim nei lo mi, ṭhangpuitu ni lova, ṭhathnemna nei mi ni dêr lova, inzakna le hmingsietna ni lemhai chu, an rêngin lân zâpui an tih,” a ta.

ISAI 30:7

Aigupta chun ṭhahnem lotak le, ṭhangkai lotakin a ṭhangpui hlak si a; chuleiin a nih, ama chu, “Rahab ṭhung ṭawk ṭawknu” kân bûk chu.

ISAI 36:6

Ngai ta, hi luong hmawl pawr, Aigupta hi, i ring a ni hi, chu chu miin a ringsan chun a kutah sunlût ngei a tih; Aigupta lal Pharao chu ama ringtuhai po po chunga chun chuong ang chu a ni hlak.

ISAI 36:9

Iengtin am tawlailîrhai le sakawr chung chuong mihai tieng thuah Aigupta chunga i ringna innghatin, ka pu siehlaw chîn takhai laia hotu pakhat khawm hi i dang zo ding am a nih?

ISAI 9:17

Chuleiin, Lalpa chu an tlangvâlhai chungah lâwm naw ni a, an naufahrahai le hmeithaihai chu lunginsiet bawk naw nih; an rêngin Pathien inzâ naw mi le thil ṭha naw thawtu an ni vawng a, bau po po chun thu teplo a hril seng si a. Chuong ang lâwma a thaw khawm chun a lunginsen chu a la bo chuong si naw a, a kut chu a lân let ta rawp a.

JEREMIA 15:6

Nang chun i mi lo hnâwl ta a, Lalpa chun a tih: hnungtieng i lo fe ta a; chuleiin, i chungah ka kut kân let a, ka suksiet che a nih; lunginsietna inlangtir hi ka nghawk ta a nih.

JEREMIA 17:5

Lalpa chun hieng hin a tih: Mi mihriem ringa, mihriem bân hrâtna ringsana, a lungril khawm Lalpaa inthawka hran ta chu a chung a rik!

EZEKIEL 28:2

“Mihriem naupa, Tura lal kuoma chun hril la, Lalpa Pathien chun hieng hin a ti a nih; i lungril chu chawisângin a um a, Pathien ka na, Pathien ṭhungphaa chun ka ṭhung a, tuipuihai lairila chun i ti leiin i lungril chu Pathien lungrilah ngai la khawm, mihriem i ni si a, Pathien ni lovin;

EZEKIEL 28:9

Nangma sukhlumtu che hmaa chun, ‘Pathien chu ka nih,’ i la ti rawp ding am a nih? Mihriem chau i ni si a, Pathien ni lo, nangma inhliemtu che kuta chun.

AMOS 2:15

thalngul hmangtu khawm chu ngîr thei bawk naw ni; ngalhrât mi khawm inhum thei bawk naw ni; sakawr chung chuong mi khawm inhum thei bawk naw nih;

MATTHAI 15:14

Anni chu pawisa naw ro; ṭhuoitu mitdel an nih. Chuongchun, mitdelin mitdel ma a ṭhuoi chun khurah tla rêl an tih,” a ta, a dawn a.