ISAI 31:2 - Pathien Lekhabu Inthieng (BSI)

² Râwn naw hai sien khawm ama chu vartak i sawnnaw, thil ṭha naw hung intlungtir a ta, a thuhai chu inkîr naw ni: thil ṭha naw thawtuhai sûnghai thaw dingin tho lem a ta, thil suksuoltuhai ṭhangpuina do dingin tho bawk a tih.

ISAI 31:2 ပူးပေါင်းရင်းမြစ်များ

JOB LEKHABU (THE BOOK OF JOB) 12:13

Amaa chun varna le hrâtna a um a, Ama chun hrietthiemna le remhrietna a nei.

JOB LEKHABU (THE BOOK OF JOB) 12:16

Amaa chun hrâtna le varna famkim chu a um a, Hlêma um le hlêmtu khawm chu ama ta bawk a nih.

JOB LEKHABU (THE BOOK OF JOB) 5:13

Mi varhai chu an var vervêknain a âwk a; Mi vervêkhai inrâwnna chu a letlingin a siem hlak.

ISAI 1:4

A! hnam suol, khawhlona riktak phur mihai, chithla thil ṭha naw thawtuhai, nau rilotaka khawsa hlakhai an nih. Lalpa chu an mâksan a, Israelhai Mi Inthieng chu an hmusit a, insuktumin an hnungtawl tah.

ISAI 14:20

I ram i suksiet a, i khuoletuihai i that leiin anni laia phûmin um ve naw ti nih. Thil ṭha naw thawtuhai hming chu kumkhuoin sâm naw ni hai.

ISAI 21:17

thal kâp mi, Kedar thlahai laia mi hrât tak la um sunhai chu, tlâwmte nîng an tih: Lalpa Israelhai Pathien chun chu chu a hril ta si a,” tiin.

ISAI 22:14

Chuongchun, sipaihai Lalpa chun ka naah ân hriettir a, “Matheilovin hi suolna hi in thi hmakhat chun nangni laia hi sukfai ni ta naw nih, Lalpa, sipaihai Lalpa chun a tih,” tiin.

ISAI 28:21

A sin, a sin danglam chu, a thaw theina ding le, a thilthaw, a thilthaw danglam chu a muolsuo theina dingin, Lalpa chu Perazim tlânga a tho ang khan a tho ding a ni si a, Gibeon ruoma a lunginsen ang khan a lunginsen ding a ni si a.

ISAI 28:29

Chuong khawm chu sipaihai Lalpa, inrâwnna kawnga mi maktak le, varna kawnga mi ṭhatak kuoma chu a suok a nih.

ISAI 30:3

Chuleiin, Pharao hrâtna chu in muolphona ni tâng a ta, Aigupta hlim in lo ring hi in inzakna ni tâng a tih.

ISAI 30:7

Aigupta chun ṭhahnem lotak le, ṭhangkai lotakin a ṭhangpui hlak si a; chuleiin a nih, ama chu, “Rahab ṭhung ṭawk ṭawknu” kân bûk chu.

ISAI 31:3

Aigupta mihai chu Pathien an ni naw a; mihriem el an na; an sakawrhai chu thlarau an ni naw a, tisa el an na; chuongchun, Lalpain a kut a phar pha chun a ṭhangpuitu chu pêm thlawk thlawk a ta, a ṭhangpuina khawm chu tlûng a ta, an rêng chun bohmang vawng lem an tih.

ISAI 32:6

Pathien inza nawna thil thaw ding le, Lalpa hêkna dinga thu indik naw hril dingin, phîngṭâmhai phîng sûng sukruok ding leh, dangchârhai dâwn ding sukbohmang dingin, mi suol chun suol thu a hril ding a ni si a, a lungril chun thil suksuol bawk a tih.

ISAI 45:7

Var ka siem hlak a, inthim khawm ka siem hlak a nih; inremna ka siem hlak a, intheidana khawm ka siem hlak; kei hi Lalpa, chuong thilhai po po thaw hlaktu chu ka nih,” tiin.

ISAI 9:17

Chuleiin, Lalpa chu an tlangvâlhai chungah lâwm naw ni a, an naufahrahai le hmeithaihai chu lunginsiet bawk naw nih; an rêngin Pathien inzâ naw mi le thil ṭha naw thawtu an ni vawng a, bau po po chun thu teplo a hril seng si a. Chuong ang lâwma a thaw khawm chun a lunginsen chu a la bo chuong si naw a, a kut chu a lân let ta rawp a.

JEREMIA 10:12

A thilthawtheina chun hnuoi chu a siem a, a varna chun khawvêl chu a lo tungding ta a, a hrietthiemnahai chun vânhai khawm chu a lo keiphar ta a;

JEREMIA 10:7

Aw hnamhai Laltak, tuin am ṭi nâwng an ti che a? Nang chun i phu hrim si a, hnamhai laia mi var po po lai le, an lalram sûngahai chun, nanga ang hrim tukhawm an um nawh.

JEREMIA 36:32

Chun, Jeremia chun lekhabu zuol dang chu a lâk a, Neria naupa Baruk, lekhaziektu kuoma chun a pêk ta a; ama chun Juda ram lal Jehoiakimin a lo raw tah lekhabua thuhai po po chu Jeremia baua inthawk chun a ziek ta a; chu naw khawm chu thu angkhat tamtakhai chu an kuoma belsain a um a.

EZEKIEL 29:6

“Chun, Aigupta ram hluotuhai po po chun, Israel sûngkuo phairuong kuonghai an ni ve leiin, Lalpa chu ka nih ti mi hre tâng an tih.

AMOS 3:6

Khawpuiah tawtawrâwt an mûtin, mi ṭi lovin an um hlak am a nih? Lalpa thaw lo chun khawpuia chun sietna a tlung thei ding am a nih?

ZEPHANIA 3:8

Lalpa chun, “Chuleichun, kei mi nghâk unla, râllâk la dinga ka ngirsuok ni chen chu. Ka lungawinawna ṭium tak le ka lunginsenna nasatak chu bun khum dinga, ramhai ka kei khâwmnaah chun hnamhai ṭhuoi khâwm chu ka thiltum a ni si a; leihnuoi hluo po po chu ka îtthîkna mei chun a kânghmang ding a ni si a.

ZEKARIA 1:6

Amiruokchu, ka thuhai le ka thuruothai, ka siehlaw zâwlneihai thu ka ipêkhai chu, chuonghai chun in thlatuhai chu an hnawtphâk tah ni lo am a nih? Anni chu an ngha kîr a, ‘ei thilthawhai ang pei le, ei um dân ang peia sipaihai Lalpain ei chunga thaw dinga a ngaituo angtakin, chuong angtak chun ei chungah a thaw a ni hi,’ an ti a,” tiin.

NAMBAR 10:35

Chun, bâwm chu a suok ding po leh Mosiein, “Aw Lalpa, hung inthawk la, i hmêlmahai chu sukdar la, a theidatu che chu i hmaah tlânse raw se,” a ti hlak a.

NAMBAR 23:19

Pathien chu khêl inhlip mihriem el a ni nawh, Inkîr hmang mihriem naupa a ni bawk naw a, A hril ta chu a thaw naw ding am a nih? A lo hril ta chu a sukpuitling naw ding am a nih?

MATTHAI 24:35

Hnuoi le vân bo a ta, ka thu ruok chu bo naw ni.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:27

Ama Pathien var tak chau kuom ngeia chun Isu Krista leiin kumkhuoin ropuina um raw se, Amen.

JOSUA 23:15

Amiruokchu, Lalpa in Pathienin thil ṭha in kuoma a hrilhai po po kha in chunga a hung tlung vawng ta ang bawk hin Lalpa in Pathienin hi ram ṭhatak a pêk cheua inthawk hi a sukbohmang vawng hmakhat cheu Lalpain thil ṭha nawhai in chungah la hung intlungtir vêng a tih.

JUDA 1:25

ei Sandamtu Pathien tak chau kuoma chun, ei Lalpa Isu Krista leiin, hun hrim um hma le, tuta le chatuon chenin, chawimawina dâm, ropuina dâm, rorêlna dâm, thuneina dâm um raw se. Amen.

1 SAMUEL 2:3

Chuong ang taka chapo chun thu hril ta naw unla, In baua inthawkin ṭawng chapo hrim hrim suok naw raw se; Lalpa chu varna Pathien a ni si a, Ama chun thilthawhai chu a bûk fie hlak.