ISAI 30:6 - Pathien Lekhabu Inthieng (BSI)

⁶ Sim rama sahai phurrik chu. Lunginzîngna le thlaphângna ram, sakeibakneipui le sakeibakneichal, rûlhmuk le rûl chawk vuong thei suokna ram chu, an sum chu sabengtungte chunga dâm, an rohai chu sanghâwngsei zângpâwngahai chun phurin an ta dinga ṭhathnemna nei naw mihai kuoma pêk dingin, an fe tlâng duol duol a.

ISAI 30:6 ပူးပေါင်းရင်းမြစ်များ

INṬANNA 12:9

Chun, Abram chu Negeb panin a lân tâwl ta rawp a.

1 LALHAI 10:2

Chun, Jerusalem khuoah, hnung zuitu tamtak ṭhuoiin, thil rim inhnik le rângkachak tamtak le lunghluhai phur sanghâwngseihai ṭhuoiin a fe a; chun, Solomon kuom a tlung chun a lungrila a thu pai po po chu phawr fai rêtin ama a biek a.

2 CHANCHIN SUINA 16:2

Chun, Asa chun lal in le Lalpa ina ro sie khâwmna ina rângkachak le tangkaruo chu a lâk suok a; Damaskaa um, Suria lal Benhadad kuoma chun ân phur a,

2 CHANCHIN SUINA 9:1

Seba lalnu chun Solomon chanchin chu a lo hrietin, indawnna intak takhai le Solomon chu fie dingin rawi nasatak leh; sanghâwngsei, riminhnik le rângkachak tamtak le lunghluhai phurtuhai le chun Jerusalema chun a hung a; chun, Solomon kuom a hung tlung chun, a lungrila umhai po po thua chun ama chu ân biekpui ta a.

JOB LEKHABU (THE BOOK OF JOB) 39:11

A hrâtna chu a nasa leiin, ama chu i ring ding maw? Annawleh, ama kuoma chun i sininrimna chu în nghat ding am a nih?

FESUOKNA 1:14

an sinthaw po po, lo sin kawng tinrênga le lung rawtnawinaa le ṭêklei siemnaa sin intaktakhai chu rimsitaka inthawtirin an nunhai an sukrinumpêk ta a.

ISAI 14:29

Aw Philistin ram pumpui, nanga vuokna che hmawl chu a tliek ta leiin lâwm naw: rûl zunga inthawk chun rûlhmuk a hung suok ding a ni si a; a ra chu rûl chawk vuong thei la nîng a tih.

ISAI 15:7

Chuleiin, an sum la nei sunhai le an sie ṭhathai chu Phahrâm Vadung râla chun fe hmangpui an tih.

ISAI 19:4

Chun, Aigupta mihai chu hotu nunsetak kutah inhlân ka ta; lal nunsetakin an chungah ro rêl tâng a tih, Lalpa, sipaihai Lalpa chun a tih.

ISAI 35:9

Sakeibaknei hrim hrim chutaka chun um naw ni a, sa hnukinrâwl hrim hrim chutaka chun hang fe bawk naw nih, chutaka chun hmun ding khawm um naw nih: intlanhai ruok chu chutaka chun fêng an tih;

ISAI 5:30

Chu nia chun tuisuoriet inri dur dur angin an chungah inri dur dur an ta, chuongchun, miin ram chu an hei thlîr chun, ngai ta, inthim le lunginzingna ruok nîng a tih, var hlak chu chutaka sûmahai chun sukthimin a um a.

ISAI 57:9

Chun, hriek leh lal kuomah i fe a, i riminhnikhai chu i thaw nasa zuol a, i palaihai chu hlatakah i tir a, Seol tlung rakin în sukhnuoi kha.

ISAI 8:22

chun, hnuoi tieng nghâng an ta, ngai ta, lunginzîngna le inthimna, thlaphâng ngûina chu nîng a tih; chuongchun, inthim sâmupa hnawt hmangin um an tih.

JEREMIA 11:4

Aigupta ram, thîr sutna pûm meia inthawka anni ka ṭhuoi suok laia, ‘Ka râwl ngai unla, thaw ro, chuongchun, ka mihai nîng in ta, kei khawm in Pathien nîng ka tih,’ tia in thlatuhai kuoma thu ka lo pêk tah thuhai chu.

JEREMIA 2:6

Anni chun, ‘Aigupta rama inthawka eini mi hung ṭhuoi suok a, thlalêra le, ram thlalêr le khur hmun le, ram ṭâwltak le thina hlim ram le, ram mi tûkhawm an fethleng ngai nawna le, mi tukhawm chêng nawna rama mi ṭhuoitu Lalpa kha khaw lai am a um a? khawm an ti nawh.

EZEKIEL 20:46

“Mihriem naupa, i hmai kha simtieng innghat la, i thu chu simtienga chun inthla la, Sim rama phûl rampui chunga chun thu hril rawh;

HOSEA 12:1

Ephraim chun thli a ring a, Khaw sakthli chu a zui hlak a; Khêl thu le inṭhedarna thu a sukpung tiel tiel a, Assuria leh thu an thlung a, Aigupta tieng chun hriek a phur lût a.

HOSEA 12:2

Lalpa chun Juda chunga khawm hêkna ding a nei bawk a, Jakob chu a um dân angzie peiin hrem a tih; A thilthaw angzie peia thungin.

MIKA 6:14

Fâk chu fâng i ta, nisienlakhawm, khawp naw ti ni; i kuoma chun i tlâwmna chu um a ta, sawn i ta, nisienlakhawm, himin thak hmang naw ti ni; i fe hmangpuihai khawm chu kâwlhnâmah pe suok tho ka tih.

ZEKARIA 6:6

Tawlailîr sakawr dum ihnûk chu hmâr ram tieng a fe suok hlak a; a vâr ihnûk chun a zui a; chun, a râng ihnûk chu simtieng rama chun a fe suok a.

ZEKARIA 9:9

Aw Zion naunu, nasatakin hlim rawh; aw Jerusalem naunu, inringtakin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngaitlâwmtakin, sabengtung chungah, sabengtungtê chung ngeia hung chuongin.

NAMBAR 21:8

Chun, Lalpain Mosie kuomah, “Rûl mi chuk na chi kha a lim siem la, banah khai rawh; rûl chuk taphawtin chu chu an en chun dam an tih,” a ta.

MATTHAI 12:42

Simtieng lalnu kha ngaituo pha chun tulai ruoltharhai lai hin tho vêng a ta, thiemnaw inchangtir a tih; Solomon varna ngai ding hmanin kâwlkawdawnga inthawkin a hung si a; ngai ta u, Solomon nêka ropui lem hitaka hin a um in sawnnaw.

DÂN PAHNINA 17:16

Amiruokchu, sakawr a hau ding a ni nawh, sakawr a hau theina dingin Aigupta mihai le chun inthuruol ding a ni bawk nawh. Lalpa chun, ‘Tuta chen chu, chu tienga chun in kîr nâwk ding a ni ta nawh,’ a ti tlat si a.

DÂN PAHNINA 4:20

Lalpa chun a mihai, a ro ni dinga thîr rawtuinaa inthawk, Aigupta rama inthawk chun a ṭhuoi suok lem cheu a ni kha, tuta in ni ang hin.

DÂN PAHNINA 8:15

Ama chun thlalêr lientak le rapthlâktak, rûl chukna chi le ainuvêt umna, tui um nawna, ram ṭâwlah a ṭhuoi thleng cheu a; meitâwklung lungpuia inthawk chun tui a suksuokpêk cheu a,