ISAI 30:30 - Pathien Lekhabu Inthieng (BSI)

³⁰ Chun, Lalpa chun a râwl ropuitak chu inhriettir tâng a ta, a lunginsenna nasatak le thil kânghmang meichawkin, thlipui le ruopui le rielin, a kut thlâk dân chu inentir tâng a tih.

ISAI 30:30 ပူးပေါင်းရင်းမြစ်များ

JOB LEKHABU (THE BOOK OF JOB) 38:22

Vûr intling khâwmnahaia chun i lût ta hlak am? Annawleh, riel intling khâwmnahai chu i hmu ta hlak am?

JOB LEKHABU (THE BOOK OF JOB) 38:23

Chuong buoina huna dinga ka khêkhai le, Indona le intukna nia dinga ka khêkhai chu?

JOB LEKHABU (THE BOOK OF JOB) 40:9

Annawleh, Pathien angin bân i nei am a nih? Ama ang chun râwlriin i sukrûm thei am a nih?

INPÂKNA HLABU 2:5

Chu hnunga chun a lunginsenin an kuomah thu hril a ta, Lunginsentakin anni chu suklungzîng tâng a tih.

INPÂKNA HLABU 46:6

Hnam tin an inri hum hum a, ramhai chu ân hnîng a, Ama chun a râwl ân suoh a, leihnuoi hi ân tui zo ta a.

INPÂKNA HLABU 98:1

Aw Lalpa chawimawiin hla thar sak unla, Thil maktakhai a thaw ta si a; A kut changtieng le a bân inthieng chun ama ta dingin sandamna a siempêk ta a.

FESUOKNA 15:16

Inlâuna le ṭitnain anni a vûr a, I kut thahrâtna leiin anni chu lung ang elin an to ṭawk ṭawk a; I mipuiin an fe khêl chenin, Aw Lalpa: I mipui i închâwkhaiin an fe khêl chen chun.

FESUOKNA 9:23

Chun, Mosie chun a hmawl chu vân tieng ân let a; chuongchun, Lalpa chun vâninrûm le riel chu a hung tir ta a, hnuoia chun mei dâm a zuk tla a, Lalpa chun Aigupta ram chunga chun riel ân sûrtir ta a.

FESUOKNA 9:24

Chuongchun, riel, ṭêktla le riel inpawl, râpthlâktak el, Aigupta ram po poah, hnam a hung ni chena inthawka la hmu ngai dêr lo chu a hung tlung ta a.

ISAI 10:16

Chuleiin, Lalpa, sipaihai Lalpa chun, a mi thauhai laia chun chêrna tir a ta, a ropuina hnuoia chun meichawk lai zing ang hin mei sêmin um a tih.

ISAI 10:26

Oreb lungpuia Midian mihai an that lai ang khan, sipaihai Lalpa chun ama thaw dingin vuokna chu chawktho a ta, a hmawl chu tuipui chungtieng um a ta; Aigupta rama ân let ang khan inlet a tih.

ISAI 10:5

Hung ta, Assuria mi, ka lunginsenna hembâwk, ka lungninawna chawitu hmawl!

ISAI 28:2

Ngai ta, Lalpa chun mi hrât thilthawtheitak a nei a; ama chun riel nasatak tla dur dur, thlipui thil sukse rem rum ang le, tuilien nasatak lien zur zur ang elin, hnuoiah pei chawr a tih.

ISAI 29:6

Vâninrûm dâm, simkhawleihnuoi inhnîng dâm, ri nasatak dâm, thlivir dâm, thlipui dâm, thil kâng hmang thei meichawk dâmin ama chu sipaihai Lalpa hremin um a tih.

ISAI 30:29

Chun, zâna ruoiṭhe inthienga an ṭhe a, hla an sak angin hla sak in tih; Lalpa tlânga Israelhai Lungpui kuom tlung dinga theihle le an fe laia lungril hlimna an nei angin lungril hlimna khawm nei in tih.

ISAI 30:31

Lalpa râwl lei chun Assuria mi, hembâwka mi vaw hlaktu chu suknawiin a um ding a ni ta si a.

ISAI 31:4

Lalpa chun hieng ang hin ka kuomah a hril si a, “Sakeibaknei le sakeibaknei vânglaiin sa a hau lai chun berâm vêngtu tamtak a thaw dinga ko suokin um hai sienla khawm, an râwl chu ṭi naw ni a, an risiet leiin ân tîm chuong naw ding ang hin, sipaihai Lalpa chu Zion tlânga le a muol pâwnga thaw dingin a hung ṭum ding a nih.

ISAI 32:19

Nisienlakhawm, rampui chu sukthlu dingin riel tla dur dur a ta; khawpui chu suktlâwm dêrin um a tih.

ISAI 33:14

Ziona mi suol umhai chun an ṭi a; Pathien inza naw mihai chu inthinnain a man ta a. Eini lai hin tu am thil kâng hmang mei kuomah um ei ta le? eini lai hin tu am kumkhuoa kâng hlut hlut kuoma dâm chun um ei ta le?

ISAI 4:6

Sûna chun nisa sat hlietu ding le thlipui le ruopuia inthawka inhumhimna le inbîkhmangna ding hmun dinga bâwktê nîng a tih.

ISAI 51:9

Aw Lalpa bân, har la, har la, hrâtna thar inbel rawh; tienlaia, tienlai suonhai um laia i har ang khan har rawh. Nang hi Rahab sât nawitu, dragon suntu kha i ni an nâwm a nih?

ISAI 52:10

Lalpa chun hnam tinrênghai mithmua chun a bân inthieng chu a hlîm tah; chuongchun, kâwlkawdawnga mi po poin ei Pathien sandamna chu hmûng an tih.

ISAI 62:8

Lalpa chu a changtieng le a bân hrâttak sâlin ṭawng ân khâm ta a, “I bu chu nangma dotuhai bu dingin pe nâwk ta dêr naw ningah a, ram dang mihaiin i them suok uoin chu dâwn nâwk ta naw ni hai:

ISAI 66:15

Ngai ta u, a lunginsenna chu hrîkthla ding le, a kâwkna chu meichawkhaia hrîkthla dingin, Lalpa chu mei leh a hung ding a ni si a, a tawlailîrhai chu thlivir ang el nîng a tih.

ISAI 66:16

Meiin a nih Lalpain a ngaituo ding chu, a kâwlhnâmin a nih mi po po a ngaituo ding chu; chuongchun, Lalpa isukhlumhai chu tamtak nîng an tih.

JEREMIA 25:32

Sipaihai Lalpa chun hieng hin a tih: Ngai ta u, thil ṭha naw chu hnam khata inthawkin hnam dang chunga chun fe pei a ta, hnuoi tâwptaka inthawk chun thlipui nasatak chu hung suok a tih.

EZEKIEL 10:5

Chun, cherubhai thla ri chu Pathien Iengkimthawtheiin thu a hril laia a râwl angin, tuollai puo lema inthawk khawm chun ân hriet a.

EZEKIEL 13:13

Chuleiin, Lalpa Pathien chun a tih; Ka lunginsenin thlipui hrângin suksieng ka tih; ka lunginsennaa chun ruopui nasatakin sûr a ta, a suksetu ding lunginsena riel nasatak leh.

JOEL 2:5

Indona tawlailîr ri angin tlâng chunga chun an kat sup sup a, pâwl kâng chawk dur dur ang le indonaa mipui hrâttak inzosa angin.

AMOS 1:14

chuleiin, Rabba khaw kul chungah mei sêm chawk ka ta; chun, indo nia khêk le, thlivir nia thlipui leh, a lal inhai chu kâng vawng a ta;

MIKA 1:4

Mei bula khuoihlu ang le hmun inṭêna tui inkhaw thla ang elin, tlânghai chu a hnuoia chun intui an ta, vadung ruomhai chu kakintan an tih.

MATTHAI 24:7

Hnam tum le hnam tum indo an ta, ram tum le ram tum indo an ta; hmun tum tumah ṭâmhai tlâng a ta, simkhawleihnuoihai inhnîng a tih.

LUKA 1:51

A bânin a tha hrâtzie ân entir a, An inngaituonaa chapohai chu a sukdar ta a.

2 THESSALONIKA 1:8

Pathien hre naw mi le ei Lalpa Isu Chanchin Ṭha awi lo mihai chunga phuba lâk chu.

JOSUA 10:10

Lalpain anni chu Israelhai hmaa chun a sukbuoi ta a, Gibeona chun tamtak a that a, Beth-horon hang fena lampuiah a hnawt a, Azeka le Makeda chenin a that pei a.

JOSUA 10:11

Chun, Israel mihai hmaa an tlânsie a, Beth-horona inthawka liem thlâkna hmuna an um lai chun Lalpain vâna inthawkin riel lientak takin Azeka chenin a zuk indêngtir pei a, an thi a, Israelhaiin kâwlhnâma an sât hlum nêk hmanin riel dêng hlum chu an tam lem a nih.

THUPUONGSUO 1:15

A kephahai chu dâr tle mi ang a na, raw tuina meia raw thieng tah ang elin; a rawl chu tui tamtak ri ang el a nih.

THUPUONGSUO 11:19

Chun, vâna Pathien biekin chu ân hawng a, chuongchun, biekina chun a thuthlungna bâwm chu a hung inlang ta a; chun kâwlinlep dâm, rawl dâm, vân inrûm dâm, simkhawleihnuoi inhnîng dâm, riel nasatak dâm, a hung um nghâl ta a.

1 SAMUEL 7:10

Chun, Samuelin pumrawhmang thilinhlân ân hlân lai tak chun Philistin mihai chun Israel mihai chu thaw dingin an hung hnai a, nisienlakhawm, chu ni chun Lalpain Philistin mihai chungah vân nasatakin ân rûmtir ta dur dur el a, a sukbuoi ta a; Israel mihai hmaa chun an tlâwm ta dêr el a.