ISAI 30:3 - Pathien Lekhabu Inthieng (BSI)

³ Chuleiin, Pharao hrâtna chu in muolphona ni tâng a ta, Aigupta hlim in lo ring hi in inzakna ni tâng a tih.

ISAI 30:3 ပူးပေါင်းရင်းမြစ်များ

2 LALHAI 18:21

Ngai ta, hi luong hmawl pawr Aigupta hi i ring a ni âwm a; chu chu miin a ringsan chun a kutah sun a tih, Aigupta lal Pharao chu ama ringtuhai po po chunga chun chuong ang chu a ni hlak a nih.

INPÂKNA HLABU 108:12

A mi dotuhai thaw dingin mi ṭhangpui la, Mihriem ṭhangpuina chu teplo mei mei a ni si a.

THUVARHAI 25:19

Buoina hun laia mi ringum naw chunga ringna innghat hi, Ha tlam le, ke ru suktuona inpel ang a nih.

ISAI 20:5

Chuongchun, an beisei tak Ethiopia le an ropuina tak Aigupta mihai lei chun lunginzîngtak le muolphotakin um tâng an tih.

ISAI 20:6

Chuongchun, chu nia chun tuipui panga umhai hin, ‘En ta, ka beiseitak, Assuria lala inthawka mi sanhim dinga mi ṭhangpuitu dinga ei tlânna chu, hieng hi a ni ta si a, eini hi iengtin am tlân suok ei ta?’ la tîng an tih,” a ta.

ISAI 36:6

Ngai ta, hi luong hmawl pawr, Aigupta hi, i ring a ni hi, chu chu miin a ringsan chun a kutah sunlût ngei a tih; Aigupta lal Pharao chu ama ringtuhai po po chunga chun chuong ang chu a ni hlak.

JEREMIA 2:36

I lampuihai chu thleng dingin ieng dinga în vâkvêl ruoi am a na? Assuriain a sukmuolpho che ang bawkin Aigupta khawma la hung sukmuolpho a ti che.

JEREMIA 42:18

Sipaihai Lalpa Israel Pathien chun hieng hin a ti si a: Jerusalem hluotuhai chunga ka lunginsenna le ka ṭiumna bunthlâka a um ang khan; Aigupta rama in lût pha chun ka ṭiumna chu in chunga chun bunthlâk ni vêng a tih; chuongchun, hnâwmhnawk le, makti ding le, ṭawngsephur le, thusekawk nîng in ta, hi hmun hi hmu nâwk ta ngai naw ti niu.

JEREMIA 42:22

Chuleiin, tuhin, chutaka va mikhuol in nuomna hmuna chun, kâwlhnâm le, ṭâm le hripuiin thîng in tih ti hi hre ngei ngei ro,” tiin.

JEREMIA 46:25

Sipaihai Lalpa, Israel Pathien chun hieng hin a tih: “Ngai ta u, No khuoa um Amon le Pharao le Aigupta le, a pathienhai le, a lalhai le; Pharao ngei le ama ringtuhai chu ka hrem ding a nih;

EZEKIEL 29:7

I kuta an chel lai che chu în tleng dawk a, an liengkohai po po i sukthlêrpêk a; chun, an innghai pha che khawma, în tâwl hmang a, an kâwnghai chu inhnîng dingin i siem a.

HOSEA 10:6

Ama ngei khawm chu Laltak Jareb kuoma pêk dingin, Assuria rama fe hmangpui nîng a tih. Ephraim chun inzakna hmûng a ta. Israel khawm chun ama thurawt ngei chu inzâpui a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:11

Pathien Lekha Thuin, “Tûkhawm ama ring taphawt chu muolpho naw ni hai,” a ti a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:5

Chun, Thlarau Inthieng ei kuoma a mi pêk khan Pathien hmangaina chu ei lungrilah a hung buok ta leiin beiseina chun a mi sukbeidawng naw a.