ISAI 30:29 - Pathien Lekhabu Inthieng (BSI)

²⁹ Chun, zâna ruoiṭhe inthienga an ṭhe a, hla an sak angin hla sak in tih; Lalpa tlânga Israelhai Lungpui kuom tlung dinga theihle le an fe laia lungril hlimna an nei angin lungril hlimna khawm nei in tih.

ISAI 30:29 ပူးပေါင်းရင်းမြစ်များ

INPÂKNA HLABU 18:31

Lalpa naw chu tu am Pathien a um a? Ei Pathien naw chu tu am lungpui a um a?

INPÂKNA HLABU 32:7

Nang chu kân bîkhmangna hmun i na, nang chun lunginzîngnaa inthawk mi humhim i ta, Sanhimna hlahaiin mîn huolvêltir i tih.

INPÂKNA HLABU 42:4

Hieng thil hi ka hriet zing a, ka hringna hi ka sûngah ka bunthlâk a, Mipui laia ka fe a hlimna le inpâkna ri leh, mi tamtak ruoiṭhe, Pathien biekin pana an hma ka ṭhuoi hlakzie ang dâm kha.

INPÂKNA HLABU 42:5

Aw ka hringna, iengdinga i kûn zing am? Iengdinga ka sûnga hin i buoi am a na? Pathien beisei rawh, a hmêla damna lei chun, Ama chu ka lân pâk ding a ni si a.

ISAI 12:1

Chu nia chun hieng ang hin la hril i tih, “Aw Lalpa, lâwmthu hril ka ti che; ka chungah lo lunginsen ta la khawm, i lunginsen chu a bo ta a, nangin i mi thlamuon ta a ni hi.

ISAI 17:10

Pathien i sandamtu i theinghil a, i hrâtna lungpui chu i hriet zing si naw a; chuleiin, kûng mawitak takhai i phun hlak a, a sûnga chun kau danglamtak takhai i sunbûr fur hlak a;

ISAI 2:3

Chun, chi tamtakhai chu fêng an ta, “Hung unla, Lalpa tlângah, Jakob Pathien ina chun, hang fêng ei tiu; chuongchun, ama chun a lampui chanchinhai chu mîn chûktir a ta, a lampuiahai chun fêng ei tih,” tîng an tih. Ziona inthawk chun dân thu chu a hung suok ding a ni si a. Lalpa thu chu Jerusalema inthawkin a hung suok ding a nih.

ISAI 26:1

Chu nia chun Juda ramah hi hla hi sak an tih; “Khawpui dettak ei nei a, ama chun sandamna chu kul banghai le kulpuihai leh ruot a tih.

ISAI 26:4

Lalpa chu kumkhuoin ring ro; Lalpa JEHOVAA chun kumkhaw lungpui chu a um si a.

ISAI 30:28

a thuok chu bohmangna leidâra hnam tin rel dingin, vadung rîng chen zet a kuong liem dûl dûl ang a nih; chun, mi tin baua chun ṭhuoi suoltirna kei dingin hrui um a tih.

ISAI 30:30

Chun, Lalpa chun a râwl ropuitak chu inhriettir tâng a ta, a lunginsenna nasatak le thil kânghmang meichawkin, thlipui le ruopui le rielin, a kut thlâk dân chu inentir tâng a tih.

ISAI 44:8

Inlau naw unla, ṭi bawk naw ro, inhma khan in kuomah ka hrilin kân hriettir ta cheu a ni naw am a nih? Chuongchun, nangni hi a mi hrietpuituhai in nih. Keima naw hi Pathien dang hrim hrim an um am? Lungpui hrim hrim a um nawh, pakhat khawm a um ka hriet nawh,” tiin.

JEREMIA 33:11

hlimna râwl dâm, lâwmna râwl dâm, moneitu râwl dâm, mo le, ‘Sipaihai Lalpa kuoma chun lâwmthu hril ro, Lalpa chu a ṭha si a; a zainêmna chu kumkhuoin um zing a tih,’ tituhai râwl le, Lalpa ina lâwmthu hrilna inthâwinahai hung chawituhai râwl ri chu. Hi ram sal intângna hi a tîr ang khan ka lamlêt ding a ni si a, Lalpa chun a tih.

LEVI DÂN 23:32

In ta dinga châwlni ursûntaka inser châwlna nîng a ta, in insukrinum ding a nih; chu thla ni kuo ni zântieng, chu zântienga inthawka zântieng nâwk chenin châwlniah in hmang ding a nih,” tiin.

MATTHAI 26:30

Chun, hla an sak zoin an suok a, Oliv tlânga chun an fe ta a.

DÂN PAHNINA 16:14

In ruoiṭhenaa chun nangni leh, in naupasalhai, in naunuhmeihai leh, in suokpahai, in suoknuhai leh, in umnaa Levi mihai leh, ram dang mihai, pa neilo le hmeithaihai dâm leh hlimtakin in um ding a nih.

DÂN PAHNINA 16:6

Lalpa in Pathienin a hming umna dinga a la ruot dinga chun, chutaka ngei chun Aigupta rama inthawka in hung suok hun ang zântieng, nisa tlâkah Fekân Ruoiṭhe inthâwiin in inthâwi ding a ni lem.

DÂN PAHNINA 32:31

An lungpui chu ei Lungpui ang a ni naw a, Ei hmêlmahai ngei ngaidân khawma.

DÂN PAHNINA 32:4

“Lungpui chu, a thilthaw chu a fel famkim a; A lampui po po chu ân dik a nih. Pathien ringum, rîtlona nei lo, Fel le ṭha a nih.

THUPUONGSUO 15:3

Chun, Pathien suok Mosie le Berâmte hla an sak a, “Aw Lalpa Pathien Iengkimthawthei, I thilthawhai chu a ropuiin a mak a; Nang, hnam tin Laltak, I lampuihai chu a felin ân dik a nih.