ISAI 30:28 - Pathien Lekhabu Inthieng (BSI)

²⁸ a thuok chu bohmangna leidâra hnam tin rel dingin, vadung rîng chen zet a kuong liem dûl dûl ang a nih; chun, mi tin baua chun ṭhuoi suoltirna kei dingin hrui um a tih.

ISAI 30:28 ပူးပေါင်းရင်းမြစ်များ

2 SAMUEL 17:14

Chuongchun, Absalom le Israel mi po pohai chun, “Ark mi Husai remruot chu Ahithophel remruot nêk chun a ṭha lem,” an ti ta a. Lalpa chun Absalom chunga chun thil ṭha naw ân tlungtir theina dingin Lalpa chun Ahithophel remruot ṭhatak chu letthla dingin a lo ruot ta hrim a nih.

2 LALHAI 19:28

Ka chunga i lunginsen lei le, i ṭawng uong chu ka naa a hung lût tâk leiin ka hnâr inbûk chu i hnârah inbûk ka ta, ka thîrse chu i hmûrah, i hungna lampuia ngei khan inkîrtir nâwk ka ti che,’ tiin.

JOB LEKHABU (THE BOOK OF JOB) 39:17

Pathien chun ama chu varna chu theinghil dinga siemin, A kuoma chun hrietthiemna a lo pêk bawk naw leiin.

INPÂKNA HLABU 18:15

Chu phingleh, Aw Lalpa, i kâwkna leiin, I hnâra inthuok suok chun a mût rak leiin, Tui luongnahai chu a hung inlang a; Leilung innghatna chu suklangin a um ta a.

INPÂKNA HLABU 32:9

Ngaituona nei naw sakawr amanih, sabengtung amani angin um naw ro, Anni chun chelngîrna ding thîrbar amanih, keingîrna dinga hrui dâm an ṭûl hlak si a; Chuong naw chun i kâwl hnaiah hung naw ni hai.

THUVARHAI 26:3

Vuokna hruihruol chu sakawr ta ding a na, thîrse chu sabengtung ta ding, Chun, hmawl chu mi invêthai ruongzâng ta ding a nih.

ISAI 11:4

rimsihai chu feltakin ro rêlpêk lem a ta, hnuoia mi thuhnuoirawlhai ta ding chun thlierbîk nei lovin kâwkpêk bawk a tih; a bau hembâwk chun hnuoi hi vuong a ta, a hmûra thuok chun mi rilohai chu that a tih.

ISAI 17:13

Hnam tin chu tui tamtak inri hum hum angin inri hum hum an tih; nisienlakhawm, ama chun kâwk a ta, hlatakah tlân hmang an ta, tlânga busi thli ilên ang le pilvut thlipui imût vir mup mup angin hnawtin um an tih.

ISAI 17:14

Zântieng chun ngai ta, thil râpthlâktak a um a nih; chun, khaw var hmain an um ta nawh. Chu chu râllâka mi lâkpêktuhai chan a na, a mîn rûkpêktuhai puol chu a ni bawk a.

ISAI 19:3

Chuongchun, Aigupta mihai thlarau chu an sûnga chun iengkhawm ni lova siemin um a ta; an remruot chu suksieng ka tih: chuongchun, milimhai le, aikeithiemhai le, khawhri aisânthiem zâwlhai le, dawithiemhai chu râwn an tih.

ISAI 28:15

“Thina kuomah thu kan thlung tah, Seol leh thu kan intiem tah; vuokna tui lien liem chu a luong tlang pha khawm keini chen chun luong naw nih; khêl thu dâm kan inhumhimna dingin kan hmang a, khêl hnuoiah kan inbihmang ta si a,” in ti leiin;

ISAI 28:2

Ngai ta, Lalpa chun mi hrât thilthawtheitak a nei a; ama chun riel nasatak tla dur dur, thlipui thil sukse rem rum ang le, tuilien nasatak lien zur zur ang elin, hnuoiah pei chawr a tih.

ISAI 29:6

Vâninrûm dâm, simkhawleihnuoi inhnîng dâm, ri nasatak dâm, thlivir dâm, thlipui dâm, thil kâng hmang thei meichawk dâmin ama chu sipaihai Lalpa hremin um a tih.

ISAI 30:29

Chun, zâna ruoiṭhe inthienga an ṭhe a, hla an sak angin hla sak in tih; Lalpa tlânga Israelhai Lungpui kuom tlung dinga theihle le an fe laia lungril hlimna an nei angin lungril hlimna khawm nei in tih.

ISAI 30:33

Topheth pakhat chu inhma daia lo buotsai tah a ni si a, anih, lal ta ding chun siem zosa hieu a nih; inthûktak le lientakin a siem a, a thil sêkkhâwl chu mei le thing tamtak a nih; Lalpa thuok, kât vadung luong ang chun a sukkâng dur dur a.

ISAI 37:29

Ka chunga i lunginsen lei le, i ṭawng mingemzie chu ka naa hin a hung lût tâk leiin ka hnâr inbûk chu i hnârah inbûk ka ta, ka thîrse chu i hmûrah inbûk bawk ka tih; i hungna lampui ngeia khan inkîrtir nâwk ka ti che, tiin

ISAI 59:19

Chuongchun, Lalpa hming chu thlangtienga inthawkin ṭîng an ta, a ropuina chu nisa suoknaa inthawkin ṭi bawk an tih; ama chu tui lien thut, Lalpa thuoka mût luong vut vut angin a hung ding a ni si a.

ISAI 63:17

Aw Lalpa, nangin iengleiin am i lampuia inthawk dâm hin i mîn vâkhmangtir hlak a, nangma chu ṭi lo dinga kan lungril hi i mi sukngarpêk hlak am a na? I siehlaw, i rohluo hnamhai lei hin, hung kîr nâwk rawh.

ISAI 8:8

chun, Juda ram chenin chîm tlum dum dum a ta, a liemin luong tlang dum dum a ta, rîng khawm chîm phâk hiel a tih; chun, a thla zar chun, Aw Immanuel, i ram khang tieng po po hi aw vawng a tih.

HOSEA 13:3

Chuleiin, zîngkâr ṭieusûm ang le, Dâidaw inhmataka bo nâwk el hlak ang, Hrizâwla bu si thlivirin a lâk hmang hlak ang, Meikhu suokna meikhu ang nîng an tih.

AMOS 9:9

“Ngai ta u, thu ka pêk ding a ni si a, chun, sihria bu an rel angin, Israel sûngkuohai chu hnam po po lai chun rel ka tih; nisienlakhawm, a mal chîn tak khawm hnuoi chungah tla naw ni.

MATTHAI 3:12

A kutin a leipup a chawi a, a hrizâwl zâp fai hieu a ta, a pangah a bû hlûng a ta, a si ruok chu mei rêm thei lovin râw hmang a tih,” a ta.

LUKA 22:31

“Simon, Simon, ngai ta, Setanin, bu rel anga a rel theina ding cheuin, nangni rawi hi a hni cheu annaw;

2 THESSALONIKA 2:11

Chuleichun, thukhêl chu an awina dingin Pathienin suol sinthawna chu an kuomah intlungtir a tih,

2 THESSALONIKA 2:8

Lâk hmang a ni pha chun Dân Bawsepa chu hung inlang nghâl tâng a tih. Lalpa Isun ama chu a baua thuokin sukhlum a ta, a hunga inlârnain sukbohmang a tih.

HEBRAIHAI 4:12

Pathien thu hi a hring a, thil a thaw thei a, kâwlhnâm ngeituo ieng ang nêk khawmin a ngei a, hringna le thlarau, rulechâng le thlin kawi dar khawp hielin a sun thei a, lungrila ngaituo le tumhai hi a hriet nghâl thei a nih.

THUPUONGSUO 1:16

A kut chang tieng chun arasi pasari a chawi a; a baua inthawk chun kâwlhnâm ngeituo ngeitak a suok a, a hmêl chu nisa sat vânglai tak ang a nih.

THUPUONGSUO 2:16

Chuongchun, sim rawh, chuong naw chun i kuomah hung vak ka ta, ka baua kâwlhnâm chun anni hung do ka tih.